21-Jun-2025

ଅତାବିରା(ଆକାଶ ମିଶ୍ର): ଓଡ଼ିଶା ବିଜୁ ଜନତା ଦଳର ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବର୍ତ୍ତମାନ ଅର୍ଥରାଇଟସରେ ପୀଡ଼ିତ ହୋଇ ମୁମ୍ବାଇରେ ଚିକିତ୍ସିତ ହେଉଛନ୍ତି। ସେ ଚିକିତ୍ସା ପାଇଁ ଯିବା ପୂର୍ବରୁ ସମସ୍ତ ଓଡ଼ିଶାବାସୀଙ୍କ ଶୁଭମନାସି ଥିଲେ ପ୍ରଭୁ ଜଗନ୍ନାଥଙ୍କ ପାଖରେ ଏବଂ ସେ ସୁସ୍ଥ ହୋଇ ଫେରିଆସି ପୁଣି ଓଡ଼ିଶାବାସୀଙ୍କ ସେବା କରିବେ ବୋଲି ଗଣମାଧ୍ୟମରେ ପ୍ରକାଶ କରିଥିଲେ। ତାଙ୍କର ଆଶୁ ଆରୋଗ୍ୟ କାମନା କରି ଆଜି ଅତାବିରା ବିଜେଡି ଦଳ ପକ୍ଷରୁ ଅତାବିରା ଦୁର୍ଗା ମନ୍ଦିରରେ ପୂଜାଅର୍ଚ୍ଚନା କରି ଦୀପ  ପ୍ରଜ୍ବଳନ  କରାଯାଇଥିଲା। ବିଜେଡି ନଗର ସଭାପତି ସିଦ୍ଧାର୍ଥ

ଶଙ୍କର ପଣ୍ଡାଙ୍କ  ଆହ୍ଵାନକ୍ରମେ ଆୟୋଜିତ ଏ କାର୍ଯ୍ୟକ୍ରମରେ  ବ୍ଳକ ଅଧ୍ୟକ୍ଷା ଗୀତାଞ୍ଜଳି ନାଏକ, ଉପାଧ୍ୟକ୍ଷ ଅନନ୍ତ ମେହେର, ଏନଏସି ଅଧ୍ୟକ୍ଷ ବନମାଳୀ ବରିହା,ଉପାଧ୍ୟକ୍ଷା ଅନୁସୟା ବିଶ୍ୱାଳ, କାଉନସିଲର ବିଲସ ଜୋନପୁରି,ପ୍ରମିଳା ପ୍ରଧାନ, ସବିତା ମଲ୍ଲିକ,ସମେତ ସରପଞ୍ଚ, ସମିତି ସଭ୍ୟ ଓ ବିଜେଡ଼ି କର୍ମୀମାନେ ସାମିଲ ହୋଇଥିଲେ। ଉତ୍ତମ ଚିକିତ୍ସା ସେବା  ପ୍ରାପ୍ତ ହୋଇ ସେ ଶୀଘ୍ର ସୁସ୍ଥ ହୁଅନ୍ତୁ ବୋଲି ସମସ୍ତ କର୍ମୀ ମାନେ ମାଁ ଙ୍କ ଠାରେ ପ୍ରାର୍ଥନା କରିଥିଲେ ।