21-Jun-2025

ବରୀ(ରଞ୍ଜିତ ମହାନ୍ତି): ସରକାର ଆଲୋକୀକରଣ ନାମରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି । ବିଭିନ୍ନ ଛକ ବଜାରରେ ଲକ୍ଷ ଲକ୍ଷ ଟଙ୍କା ବ୍ୟୟରେ ବିଶାଳ ହାଇମାଷ୍ଟ ଲାଇଟ ଲଗା ଯାଉଛି । ନେତା ଫଳକ ମାରି ବେଶ ଯାକ ଜମକରେ ତାକୁ ଉଦ୍ଘାଟନ କରୁଛନ୍ତି । ହେଲେ ମାତ୍ର କିଛି ମାସ ମଧ୍ୟରେ ତାହା ଅଚଳ ହୋଇ ପଡୁଛି । କେଉଁଠି ସବୁ ଆଲୁଅ ଲିଭି ଯାଉଛି ତ ଆଉ କେଉଁଠି ଅଧା ଜଳୁଛି ତ ଆଉ ଅଧା ଜଳୁନାହିଁ । ଫଳରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ଛକ ବଜାର ଯେଉଁ ଅନ୍ଧାର କୁ ସେଇ ଅନ୍ଧାର । ଆଲୋକ ଲଗାଇଲା ପରେ ଠିକା ସଂସ୍ଥା ଏହାକୁ ମରାମତି କରିବାକୁ ଆଦୌ ଗୁରୁତ୍ୱ ଦେଉ ନାହିଁ । ଏହି ସ୍ଥିତି ଦେଖିବାକୁ ମିଳିଛି ବରୀ ମାଉଣ୍ଡ ବଜାରରେ । ଲକ୍ଷାଧିକ ଟଙ୍କାରେ ଲାଗିଥିବା ଏହି ହାଇମାଷ୍ଟ ଲାଇଟ ଆଜକୁ ଦୀର୍ଘ ଦିନ ହେଲା ଖରାପ ହୋଇ ପଡ଼ିଥିଲା ବେଳେ ଏହାକୁ ମରାମତି କରାଯାଉନାହିଁ। ଏ ନେଇ ତୁରନ୍ତ ପଦକ୍ଷେପ ନେବାକୁ ବରୀ ମାଉଣ୍ଡ ବଜାର କମିଟି ସହିତ ବୁଦ୍ଧିଜୀବି ଦାବି କରିଛନ୍ତି ।