15-Jun-2025

ଲୋଇସିଂହା, (ବିନୋଦ ଦୀପ) ଏକ ବର୍ଷ  ପୂର୍ବେ ଜୁନ ମାସ ୧୨ ତାରିଖରେ ଓଡିଶା ରେ ମୋହନ ଚରଣ ମାଝୀ ଙ୍କ ନେତୃତ୍ୱରେ ବିଜେପି  ସରକାର ଗଠନ ହୋଇଥିଲା। ଏହି ସମୟରେ ସରକାର ଲୋକ ଙ୍କ ବିକାଶ ର ସ୍ବପ୍ନ ପୂରଣ କରିବ ବୋଲି ପ୍ରତିଶୃତି ଦେଈଥିଲେ। ଈତି ମଧ୍ୟରେ ସରକାର ଏକ ବର୍ଷ ପୂର୍ଣ୍ଣ କରିଛନ୍ତି। ଏହି ଅବସରରେ  ଏକ ବିକାଶ ବାହାନ ର ଶୁଭାରମ୍ଭ ହୋଇଥିଲା।  ସରକାର କରିଥିବା ଯୋଜନା ମାନ ର ସଫଳ ରୂପାୟନ  ଏବଂ ଆଉ ବାକି ଥିବା ଯୋଜନା ଗୁଡିକ ସଫଳ କରିବା ଲାଗି ସରକାର ପ୍ରତିଶୃତିବଦ୍ଧ ବୋଲି ଏହି ରଥ ମାଧ୍ୟମରେ ସାଧାରଣ ଜନତା ଙ୍କ ନିକଟରେ ପହଞ୍ଚାଯାଉଛି। ଏହିକ୍ରମେ  ଲୋଇସିଂହା ବ୍ଲକ ପରିସରରେ ବିକାଶ ବାହାନ ରଥ ର ସୁଭ ଉଦ୍ଘାଟନ  ହୋଈଥିଲା।  ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଯୋଗଦେଇ ପତାକା ଦେଖାଇ ଶୁଭାରମ୍ଭ କରିଥିଲେ।

ସମ୍ମାନନୀୟ ଅତିଥି ଭାବେ ସାଂସଦ ଙ୍କ ପ୍ରତିନିଧି ବାଳକୃଷ୍ଣ ଧରୁଆ,ଲୋଇସିଂହା ବିଧାୟକ ଙ୍କ ପ୍ରତିନିଧି ଗୌରାଙ୍ଗ ନାଏକ,ବିଡ଼ିଓ  ଅକ୍ଷୟ ପାଣି ଉଡ୍ଡୁ, ଏ. ଇ. ଇ ସିଦ୍ଧାର୍ଥ ପାଢ଼ୀ  ଙ୍କ ସହିତ ବିଭିନ୍ନ ସ୍ୱୟଂ ସହାୟକ ଦଳ ର ମହିଳା  ଉପସ୍ଥିତ ରହିଥିଲେ।ଏହି ରଥ  ପ୍ରଥମ ଦିନ ରେ ବୁଢ଼ୀପଦର ଓ ବୁଡା ଗ୍ରାମପଞ୍ଚାୟତ ପରିକ୍ରମା କରିଥିବା ବେଳେ ଆଜି ଲୋଇସିଂହା ଗ୍ରାମ ପଂଚାୟତ ପହଞ୍ଚି ଜନସାଧାରଣ ଙ୍କୁ ସଚେତନତା ର ବାର୍ତ୍ତା ଦେଇଥିଲା।ଏହି ଅବସରରେ ଅନ୍ତୋଦୟ ଯୋଜନା ର କାର୍ଯ୍ୟାଦେଶ,ଜବକାର୍ଡ, ରାସନ କାର୍ଡ ଓ ୮୦ ବର୍ଷ ରୁ ଉର୍ଦ୍ଧ ବ୍ୟକ୍ତି ଙ୍କୁ ୩୫୦୦ ଟଙ୍କା ଭତ୍ତା ପ୍ରଦାନ କରାଯାଇଥିଲା।ଏହି ଅବସରରେ ଲୋଇସିଂହା ବିଡ଼ିଓ ଙ୍କ ପ୍ରତକ୍ଷ ତତ୍ୱାବଧାନ ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଲୋଇସିଂହା ସରପଞ୍ଚ ନବକିଶୋର ନାଏକ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବେ ସ୍ୱାସ୍ଥ୍ୟମନ୍ତ୍ରୀ ଙ୍କ ପ୍ରତିନିଧି ଗୌରାଙ୍ଗ ନାଏକ, ଜିପିଓ କିଶୋର ମାନସିଂ, ବ୍ଲକ ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ ଯୋଗଦେଇ ସରକାର ଲୋକାଭିମୁଖୀ ଯୋଜନା ସମ୍ପର୍କ ରେ ଲୋକଙ୍କୁ ସଚେତନ କରିଥିଲେ l