08-Jun-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସୋନପୁର ପ୍ରିମିୟର୍ ଲିଗ୍ ୩ ୟ ସଂସ୍କରଣ ର  ଫାଇନାଲ୍ ମ୍ୟାଚ ରେ ଆଜି ବିଜୟ ଫାଇ ଟର ଦଳ ଚାମ୍ପିଅନ ହୋଇଛି l ସ୍ଥାନୀୟ ଗାନ୍ଧି ଷ୍ଟାଡିୟମ୍ ଠାରେ ଆୟୋଜିତ ଆଜିର ମ୍ୟାଚ୍ ବିଜୟ ଫାଇଟର ଦଳ ଓ ସୁପର ଜାଏଣ୍ଟ୍ସ ଦଳ ମଧ୍ୟରେ  ଅନୁଷ୍ଟିତ ହୋଇଛି l  ଅତିଥି ଭାବରେ ହୋଟେଲ୍ ସଂଘ ସଭାପତି ଅରବିନ୍ଦ ବାରିକ, ଓ ପି ଏଚ୍ ସି ଏ ସଭାପତି ଅମିୟ ରଞ୍ଜନ ଦାଶ, ସମଲେଶ୍ଵରୀ ନର୍ସିଂ ହୋମ ନିର୍ଦେଶକ ଶୁଭାଶିଷ ରଥ, ଏସ ଡି ସି ଏ ସଭାପତି ରାମ ଶଙ୍କର ସାହୁ, ସଂପାଦକ ପ୍ରଦୀପ ସେଠୀ ଯୋଗ ଦେଇ ଖେଳାଳି ଙ୍କୁ ଉତ୍ସାହିତ କରିଥିଲେ l ଏସ ପି ଏଲ୍ ଅଧ୍ୟକ୍ଷ ବି. ସତ୍ୟ ନାରାୟଣ ରାଓ ଉଦଯାପନୀ ସଭାରେ ଅଧ୍ୟକ୍ଷତା କରି ଥିଲେ l ସମ୍ପାଦକ ନବ ପ୍ରକାଶ ମିଶ୍ର ଧନ୍ୟବାଦ୍ ଅର୍ପଣ କରିଥିଲେ l ଟସ ଜିଣି ସୁପର ଜାଏଣ୍ଟସ ଦଳ ଫିଲ୍ଡିଂ ନିଷ୍ପତ୍ତି ନେଲେ l ବିଜୟ ଫାଇଟର ଦଳ  ୨୦ ଓଭର ବିଶିଷ୍ଟ ମ୍ୟାଚ୍ ରେ ପ୍ରଥମେ ବ୍ୟାଟିଂ କରି ୩ ୱିକେଟ ହରାଇ ୧୭୯ ରନ୍ କରିଥିଲା l ଦଳ ପକ୍ଷରୁ ଶଙ୍କର ଘଡିଆ ୫୭ ବଲ ରେ ୮୬ ରନ୍, ସିକନ୍ ସେଠୀ  ୩୩ ବଲ ରେ ୫୩ ରନ୍, ଆକାଶ ଦୂବେ ୧୧ ରନ ସଂଗ୍ରହ କରିଥିଲେ l ସୁପର ଜାଏଣ୍ଟସ୍ ଦଳ ର ଆବ୍ରlରୁଲ ହକ, କାଳୀ ଚରଣ ଦାସ, ସୁବାସ ମେହେର ୧ ଟି ଲେଖାଏଁ ୱିକେଟ୍ ହାସଲ କରି ଥିଲେ l  ପ୍ରତି ଉତ୍ତର ରେ ସୁପର ଜାଏଣ୍ଟସ୍ ଦଳ ୧୦.୧ ଓଭର ରେ ୬୭ ରନ୍ କରି ଅଲ୍ ଆଉଟ୍ ହୋଇ ଯାଇଥିଲେ l ଭର ଦ୍ୱାଜ୍ ପାଣଗ୍ରାହୀ ୧୮ ରନ୍, ଭୀଷ୍ମ ହରିପାଲ ୧୫ ରନ୍ ଓ ଧୃବ ଜ୍ୟୋତି ପାହରୀ ୧୦ ରନ୍ କରିଥିଲେ । ବିଜୟ ଫାଈଟର ଦଳ ର ଶଙ୍କର ଘଡ଼ିଆ  ୪ ଟି ୱିକେଟ୍, ସୁରେଶ ବେହେରା ୩ ଟି, ଗଣେଶ ମହାପାତ୍ର , ଆୟୁଷ ଥନାପତି ଓ ରୋହିତ ବାଗ ୧ ଟି ଲେଖାଏଁ ୱିକେଟ୍ ହାସଲ କରି ଥିଲେ l ବିଜୟ ଫାଈଟର ଦଳ ର ଶଙ୍କର ଘଡ଼ିଆ ଙ୍କୁ ମ୍ୟାନ ଅଫ ଦି ଫାଇନାଲ, ଶ୍ରେଷ୍ଠ ବ୍ୟାଟ୍ସ ମ୍ୟାନ ଭାବେ ବି. ଗୋବିନ୍ଦ ପାତ୍ର, ଶ୍ରେଷ୍ଠ ବୋଲର ଭାବେ ଶଙ୍କର ଘଡ଼ିଆ , ଶ୍ରେଷ୍ଠ ୱିକେଟ୍ ରକ୍ଷକ ଆକାଶ ଦୁବେ, ଶ୍ରେଷ୍ଠ ଫିଲ୍ଡର ଭାବେ  ସୋମ ନାଗ, ଶ୍ରେଷ୍ଠ କ୍ୟାଚ ଆୟୁଷ ଥନାପତି ,  ମ୍ୟାନ ଅଫ ଦି ସିରିଜ୍ ଭାବେ ଶଙ୍କର ଘଡିଆ ଙ୍କୁ ଅତିଥି ଙ୍କ ଦ୍ଵାରା ପୁରସ୍କୃତ କରା ଯାଇଛି l  ଖେଳ ର ପ୍ରତ୍ୟକ୍ଷ ଧାରା ବିବରଣୀ  ବି.ଏସ.ରାଓ  ଓ ଅଚ୍ୟୁତ ମିଶ୍ର ପ୍ରଦାନ କରିଥିବା ବେଳେ ଶ୍ରିବନ୍ତ ନାୟକ ଓ ଶ୍ୟାମ ସୁନ୍ଦର ପଣ୍ଡା,   ମ୍ୟାଚ୍ ପରିଚାଳନା କରିଥିଲେ l ଦିନେଶ ଘିବିଲା  ବିଶ୍ୱ ନାଥ ନାୟକ ସ୍କୋରର ଦାୟିତ୍ବ ତୁଲାଇ ଥିଲେ l ଏସ ଡି ସି ଏ ,  ଓ  ଏସ ପି ଏଲ ର ସମସ୍ତ ସଦସ୍ୟ ସହଯୋଗ କରି ଥିଲେ l