08-Jun-2025

ଭୁବନେଶ୍ବର(ପ୍ରେରଣା ଖବର)ଓଡିଶା ମାଟିର ନିଜସ୍ୱ ଗଣ ପର୍ବ ରଜ ଉପଲକ୍ଷେ ଗାଁ ଠୁ ସହର ସବୁଠି ଉତ୍ସବ ମୁଖର ଦେଖାଯାଉଥିବା ବେଳେ ଫୁଲନଝରା ସ୍ଥିତ ଏକ ପ୍ରସିଦ୍ଧ ସ୍ଥାନ ଓସେନ୍ ୱାର୍ଲଡ ୱାଟର ପାର୍କ ଦ୍ୱାରା ବଡ଼ ଧୂମଧାମ ରେ ଆୟୋଜିତ ହେଉଛି "ରଜ କାର୍ଣ୍ଣିଭାଲ ୨୦୨୫" l ଏହି ଇଭେଣ୍ଟରେ ସ୍ୱଳ୍ପ ଖର୍ଚ୍ଚରେ ପୁରା ପରିବାର ଏକାସାଙ୍ଗରେ ଗୋଟିଏ ସ୍ଥାନରେ ଭରପୁର ରଜ ମଉଜ କରିପାରିବା ଲକ୍ଷ୍ୟରେ ଆୟୋଜନ କରାଯାଉଛି l 
ଏହି ଇଭେଣ୍ଟରେ କପୁଲ ଗେମ୍ସ ଶୋ, ରଜ ସୁନ୍ଦରୀ ପ୍ରତିଯୋଗିତା ଆଦି ଅନୁଷ୍ଠିତ ହେବ l ତା' ସହିତ ପାରମ୍ପରିକ ରଜ ପିଠା, ରଜ ପାନ, ରଜ ଦୋଳି, ମେହେନ୍ଦୀ ଆଦି

ସେଠାରେ ଉପଲବ୍ଧ ରହିବ l ଦର୍ଶକଙ୍କ ମନୋରଞ୍ଜନ ପାଇଁ ତିନି ଦିନ ଧରି ଓଡ଼ିଶାର ସୁନାମଧନ୍ୟ ପ୍ଲେ ବ୍ୟାକ୍ ସିଙ୍ଗର୍ସ ମାନଙ୍କୁ ନେଇ ସଙ୍ଗୀତ ଏବଂ ଆଗଧାଡିର ମଡର୍ଣ୍ଣ ଡ୍ୟାନ୍ସ ଟ୍ରୁପ୍ ଙ୍କୁ ନେଇ କାର୍ଯ୍ୟକ୍ରମ କରାଯିବ l ଅନ୍ତରା ଚକ୍ରବର୍ତ୍ତୀ, ସତ୍ୟଜିତ ପ୍ରଧାନ, ସ୍ୱୟଂ ପାଢ଼ୀ, ସତ୍ୟଜିତ ଜେନା ଙ୍କ ସମେତ କଣ୍ଠଶିଳ୍ପୀ ମୃଣ୍ମୟ ଏମ ଏମ ଏସ ତାଙ୍କ ଟିମ୍ ସହିତ ସଙ୍ଗୀତ ପରିବେଷଣ କରି ଶ୍ରୋତାଙ୍କ ମନ ମୁଗ୍ଧ କରିବେ l ପ୍ରତ୍ୟେକ ଦିନ ଶୁଭମଙ୍କ ଭଳି ସୁନାମଧନ୍ୟ ଆଙ୍କର ମଞ୍ଚ ପରିଚାଳନା କରିବେ l ଏହି ରଜ କାର୍ଣ୍ଣଭାଲରେ ବୟସ୍କମାନେ ମାତ୍ର ୬୯୯ ଟଙ୍କା ଏବଂ କିଡ୍ସ ମାନେ ମାତ୍ର ୫୯୯ ଟଙ୍କା ଦେୟ ଦେଇ ଭାଗ ନେଇପାରିବେ ଏବଂ ଚଳିତ ରଜ ପର୍ବ ରେ ଢେର ମଉଜ କରିପାରିବେ ବୋଲି ଓସେନ୍ ୱାର୍ଲଡ ୱାଟର ପାର୍କ ର ପରିଚାଳନା ମୁଖ୍ୟ ଶ୍ରୀଯୁକ୍ତ ଦୀପକ ଦାଶ ଗଣମାଧ୍ୟମ ଆଗରେ ମତ ରଖିଥିଲେ l