07-Jun-2025

ସିନାପାଲି  (ଚିନ୍ତାମଣି ନେତାମ)
 ନୂଆପଡା ଜିଲ୍ଲା ସିନାପାଲି ବ୍ଲକ ,ସମଲେଇ ମଣ୍ଡଲ ସଭାପତି ଶ୍ରୀଯୁକ୍ତ କୁମ୍ଭ ବାଗଙ୍କ ସଭାପତିତ୍ବ ରେ ବିକଶିତ ଭାରତ ଅମୃତ କାଳ ସେବା, ସୁଶାସନ ଏବଂ ଗରିବ କଲ୍ଯାଣରେ କେନ୍ଦ୍ରର ୧୧ ବର୍ଷ ଓ ରାଜ୍ଯ ର ୧ ବର୍ଷ ପୁର୍ତ୍ତି ଉପଲକ୍ଷେ ମଣ୍ଡଲ ସ୍ତରୀୟ କର୍ମଶାଳା ସମଲେଇ ମଣ୍ଡଲ ଭାରତୀୟ ଜନତା ପାର୍ଟି ନୂଆପଡା ଜିଲ୍ଲା  ତରଫରୁ ବରଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ବୋଟୋପାଲି ସ୍ଥିତ ବନ୍ଯା ଆଶ୍ରୟ ସ୍ଥଳିରେ ଆୟୋଜିତ ହୋଇଯାଇଛି । ଏହି କର୍ମଶାଳାରେ ମୁଖ୍ଯଅତିଥି  ଭାବରେ ପୁର୍ବତନ ନୂଆପଡା ଜିଲ୍ଲା ବି:ଜେ:ପି:  ସଭାପତି ତଥା ରାଜ୍ୟ କାର୍ଯ୍ୟକାରିଣି ସଦସ୍ଯ ଶ୍ରୀଯୁକ୍ତ ଶିବପ୍ରସାଦ ମୁଣ୍ଡ, ପୁର୍ବତନ ସମଲେଇ ମଣ୍ଡଲ ସଭାପତି ଶ୍ରୀଯୁକ୍ତ ପ୍ରତାପ ମେହେର ,ଏସ, ସି,ମୋର୍ଚ୍ଚା ସଭାପତି ଶ୍ରୀଯୁକ୍ତ କୃଷ୍ଣଚନ୍ଦ୍ର ତାଣ୍ଡି, ସମାଜସେବୀ ରାମଚନ୍ଦ୍ର ଯାଦବ ମଞ୍ଚାସୀନ ଥିଲେ  lୟୁବା ମୋର୍ଚ୍ଚା ସଭାପତି ଶ୍ରୀଯୁକ୍ତ ଅରବିନ୍ଦ ହୋତାଙ୍କ ସମେତ ସମଲେଇ ମଣ୍ଡଲ ର ସମସ୍ତ ଅଧିକାରି, ପଦାଧିକାରି ,ଶକ୍ତି କେନ୍ଦ୍ର ପ୍ରମୁଖ , ବୁଥ ସଭାପତି ସମେତ ବହୁସଂଖ୍ୟକ ବି:ଜେ:ପି: କାର୍ଯ୍ୟକର୍ତ୍ତା ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସଫଳ କରିଥିଲେ । ଏହି କାର୍ଯ୍ୟକ୍ରମରେ   ସରକାରଙ୍କ ନିର୍ଦ୍ଦେଶାବଳୀ ଅନୁସାରେ  ଡବଲ ଇଞ୍ଜିନ ସରକାରଙ୍କ ଉପଲବ୍ଧି ବିଷୟରେ କାର୍ଯ୍ୟକର୍ତ୍ତା ମାନଙ୍କୁ ଶ୍ରୀ ମୁଣ୍ଡ ଜଣାଇଥିଲେ ଯେ,କିଭଳି ବି:ଜେ:ପି: କାର୍ଯ୍ୟକର୍ତ୍ତା ମାନେ ପ୍ରତ୍ଯେକ ବୁଥସ୍ତରକୁ ଯାଇ ଜନସାଧାରଣ ଙ୍କୁ ଡବଲ ଇଞ୍ଜିନ ସରକାରଙ୍କ ପ୍ରତ୍ଯେକ ଯୋଜନା ମାନଙ୍କୁ ଜଣାଇ ବି:ଜେ:ପି: ଦଳକୁ  କିପରି ଆହୁରି ସୁଦୃଢ କରାଯିବ  ସେବିଷୟରେ ଆଲୋକପାତ କରିଥିଲେ । ଏହା ସହିତ "ମା ପାଇଁ  ଗଛଟିଏ" କାର୍ଯ୍ୟକ୍ରମ ଅନୁସାରେ ସମସ୍ତ ଵି.ଜେ. ପି. କର୍ମକର୍ତ୍ତା ବୃକ୍ଷ ରୋପଣ କରିଥିଲେ  l  ଶେଷରେ ଶ୍ରୀଯୁକ୍ତ ଅରବିନ୍ଦ ହୋତା ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ l