31-May-2025

ସୋନପୁର ଜିଲ୍ଲାର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଗ୍ରାମଉତଥାନର ଗୋଷ୍ଠୀ ଶିକ୍ଷା କେନ୍ଦ୍ର ପ୍ରତାପପୁର ଉଚ୍ଚ ପ୍ରାଥମିକ ବିଦ୍ୟାଳୟଠାରେ ଦୀର୍ଘ ତିନି ଦିନ ହେବ ଗ୍ରୀଷ୍ମ କାଳୀନ ଶିବିର ଅନୁଷ୍ଠିତ ହୋଇ ଯାଇଛି । ପ୍ରଥମ ଦିନରେ ଗ୍ରାମଉତଥାନର ସଦସ୍ୟ ରଶ୍ମିତା ପଧାନ ଓ ଅନିତା କ୍ଷେତି ଛାତ୍ରଛାତ୍ରୀ ମାନଙ୍କୁ ଶିଳ୍ପକଳା ବିଷୟକୁ ନେଇ ବିଭିନ୍ନ କାର୍ଯ୍ୟକଳାପ କରାଇଥିଲେ । ଦ୍ଵିତୀୟ ଦିନରେ କ୍ଷିରେନ୍ଦ୍ର ରଣା ଓ ରଶ୍ମିତା ପଧାନ ପ୍ରକୃତି ଓ ପରିବେଶ ଉପରେ ପରିବେଶର ତାପମାତ୍ରାକୁ ରୋକିବା ପାଇଁ ଏକ ପ୍ରୋଜେକ୍ଟ ମାଧ୍ୟମରେ ଛାତ୍ରଛାତ୍ରୀ ମାନଙ୍କୁ କରାଇଥିଲେ ଓ ବିଭିନ୍ନ ପ୍ରକାରର ପତ୍ର

ସଂଗ୍ରହ କରାଇ ତାହାର ନାମ, ରଙ୍ଗ, ଆକାର ଓ ଗୁଣ ବିଷୟରେ କାର୍ଯ୍ୟକଳାପ କରାଇଥିଲେ ଓ ଆନ୍ନା ସହଯୋଗ କରିଥିଲେ । ଆଜି ଛାତ୍ରଛାତ୍ରୀ ମାନେ ଗୀତ, ନାଚ, କବିତା ଓ ଗପ କାର୍ଯ୍ୟକ୍ରମ କରିଥିଲେ । ଏହି କାର୍ଯ୍ୟକ୍ରମରେ କ୍ଷିରେନ୍ଦ୍ର ରଣା ମଞ୍ଚ ପରିଚାଳନା କରିଥିଲେ । ଏହି କାର୍ଯ୍ୟକ୍ରମ ରେ ଅତିଥି ଭାବେ ଶରଧା ପାଲି ଆଞ୍ଚଳିକ ସାଧନ ଅଧିକାରୀ ପ୍ରସନ୍ନ କୁମାର ପଣ୍ଡା, ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରତାପପୁର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସନ୍ତୋଶିନୀ ନନ୍ଦ,  ଗ୍ରାମଉତଥାନ୍ ର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀଯୁକ୍ତ ପ୍ରତାପ କୁମାର ପଧାନ, ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରତାପପୁର ଶିକ୍ଷକ ଗୋପେଶ ପଣ୍ଡା ଉପସ୍ଥିତ ଥିଲେ । ଏଠାରେ ଛାତ୍ରଛାତ୍ରୀ ମାନଙ୍କ ପାଇଁ ସମନ୍ଵୟ

ଶିକ୍ଷା ଓ ସେମାନଙ୍କର ଅନ୍ତର୍ନିହିତ ଗୁଣାବଳୀର ବିକାଶ ବିଷୟରେ ଆଲୋଚନା କରିଥିଲେ । ଛାତ୍ରଛାତ୍ରୀ ମାନଙ୍କର ଶିଳ୍ପକଳା, ପ୍ରକୃତି ଓ ପରିବେଶ ପ୍ରୋଜେକ୍ଟ ପ୍ରଦର୍ଶନ କରଯାଇ ଥିଲା । ଶେଷରେ ଗ୍ରାମଉତଥାନର ସଦସ୍ୟ ରଶ୍ମିତା ପଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ଛାତ୍ରଛାତ୍ରୀ ମାନଙ୍କୁ ଖାତା, ପେନ୍ସିଲ ଓ ପାଠ୍ୟକ୍ରମ ଜିନିଷ ସାମଗ୍ରୀ ପ୍ରଦାନ କରା ଯାଇଥିଲା । ଗ୍ରାମଉତଥାନର ସଦସ୍ୟ ସୁବଳ ମେହେର, ଅନିତା କ୍ଷେତି, ଆନ୍ନା, ଶ୍ରୀନିବାଶ, ଅମନ ଓ ଶ୍ରୀତିକା ସହଯୋଗ କରିଥିଲେ ।  ସମସ୍ତ ଅଭିଭାବକ ଓ ଅଭିଭାବିକା ଯୋଗଦାନ ଦେଇଥିଲେ।