25-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜ଼ିଲ୍ଲା ଘଣ୍ଟାପଡା ଥାନା ପୁଲିସ ଦ୍ୱାରା ଏକ ସ୍ବିଫ୍ଟ ଡିଜାର ଗାଡି ସହ ଗଞ୍ଜେଇ  ଜବତ ହୋଇଥିବା ବେଳେ ଜଣେ ଗଞ୍ଜେଇ ମାଫିଆ ଗିରଫ ହୋଇଥିବା ପୁଲିସ ପକ୍ଷରୁ ସୂଚନା ମିଳିଛି। ସୂଚନାନୁସାରେ ଘଣ୍ଟାପଡା ଥାନା ଆଭ୍ୟନ୍ତରିଣ ଦେଢ଼େନମାଲ ରାସ୍ତା ଦିଗକୁ ଆସୁଥିବା ଏକ ସ୍ବିଫ୍ଟ ଡିଜାର ଗାଡିକୁ କୁ ସନ୍ଦେହରେ ଅମ୍ବଗାଁ ନିକଟରେ ଅଟକାଇ ଯାଞ୍ଚ କରିଥିଲେ  l   ଯାଞ୍ଚ ସମୟରେ ଗାଡ଼ିରୁ ଗଞ୍ଜେଇ ସହ ଦୁଇଟି ଅଜଣା ନମ୍ବର ପ୍ଲେଟ ମିଳିଥିଲା  l ଜବତ ଗଞ୍ଜେଇକୁ ମାଜିଷ୍ଟ୍ରେଟ ଙ୍କ ଉପସ୍ଥିତିରେ ଓଜନ କରିବାରୁ ଏହାର ଓଜନ ୨୭କିଲୋ ଥିବା ଜଣାପଡିଥିଲା। ଘଟଣାରେ ଗିରଫ ଗଞ୍ଜେଇ ମାଫିଆ ହେଲେ ବିହାର ରାଜ୍ୟ କ୍ରିଷ୍ଣାବଳରାମ ଥାନା ନୂଆନ ଗ୍ରାମର  ବିକ୍ରାନ୍ତ ସିଂହ(୩୦) ବୋଲି ତଦନ୍ତରୁ ଜଣାଯାଇଥିଲା  l   ଏନେଇ ଘଣ୍ଟାପଡା ଥାନା ଏନଡିପିଏସ କେସ ନଂ ୭୬/୨୫-୨୬ ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ଘଣ୍ଟାପଡା ଥାନାଧିକାରୀ ସୂଚନା ଦେଇଛନ୍ତି।