25-May-2025

ବଲାଙ୍ଗୀର (ପ୍ରେରଣା ଖବର):  ପାଶ୍ଚାତ୍ୟା ଦେଶର ପରମ୍ପରା ଆପଣାଇ ଜନ୍ମଦିନମାନଙ୍କରେ ଲୋକେ  କେକ୍ କାଟି ଭୋଜି, ଭାତି, ନାଚଗୀତ ସହିତ ବଡ ଧୁମଧାମରେ ଜନ୍ମଦିନ ପାଳନ କରିଥାନ୍ତି । କିନ୍ତୁ ଆଜି ନିଜ ଜନ୍ମଦିନକୁ ନିଆରl ଢଙ୍ଗରେ ପାଳନ କରିଛନ୍ତି ଜାତୀୟସ୍ତରୀୟ  କରାଟେ ତଥା ଟାଇକଣ୍ଡୋ କୋଚ ଅସୀମ କୁମାର୍  ଭୋଇ l  ଅସୀମ ଭୋଇ  ନିଜ ଜନ୍ମ ଦିନରେ ବଲାଙ୍ଗିର ଜିଲ୍ଲା  କରାଟେ ଓର୍ଗନାଇଯେଶନ ଓ ଜିଲ୍ଲା  ଟାଇକଣ୍ଡୋ ସଂଘର  ଛାତ୍ରଛାତ୍ରୀଙ୍କ ସହଯୋଗ କ୍ରମେ ସ୍ଥାନୀୟ ପୃଥ୍ୱୀରାଜ ଉଚ୍ଚ ବିଦ୍ୟାଳୟ ପଡିଆରେ ୪୦ ଟି ବୃକ୍ଷରୋପଣ  କରିଛନ୍ତି l  ପୃଥ୍ୱୀରାଜ ଉଚ୍ଚ ବିଦ୍ୟାଳୟ ଖେଳ ପଡିଆ ଏକ ବିରାଟ ପଡିଆ ହୋଇ ଥିବା ସତ୍ବେ ଏଠି  ଗୋଟିଏ ବି  ଗଛ ନ ଥିବାରୁ ଖେଳାଳି ମାନେ ଛାଇ ଟିକେ ପାଇବା ପାଇଁ ଅନେକ ଅସୁବିଧାର ସମ୍ମୁଖୀନ ହେଉଥିଲେ l ସେ ସବୁକୁ ଦୃଷ୍ଟିରେ ରଖି ଆଜି କିଛି ଛାୟା ଗଛ ଓ ଫଳ ଗଛ ଲଗା ଯାଇଥିବା ଯୁବ ସମାଜସେବୀ ଅସୀମ ଭୋଇ ଗଣମାଧ୍ୟମକୁ  ସୂଚନା ଦେବା ସଙ୍ଗେ ଏହି ବୃକ୍ଷ ମାନଙ୍କର ରକ୍ଷଣାବେକ୍ଷଣ ପାଇଁ ଉଚିତ୍ ପଦକ୍ଷେପ ନେବାପାଇଁ ଜିଲ୍ଲା ପ୍ରଶାସନ ଠାରେ ଅନୁରୋଧ କରିଛନ୍ତି l