14-May-2025

ରାୟଗଡ(ସୁପ୍ରିୟା ଷଡଙ୍ଗୀ): ଓଡ଼ିଶା ରାଜ୍ୟ ବିପର୍ଯ୍ୟୟ ପରିଚାଳନା ସଂସ୍ଥାନ-ଓସଡମା ପକ୍ଷରୁ ରାୟଗଡ ବ୍ଲକ ସଦଭାବନା ସଭା ଗୃହରେ ବ୍ଲକସ୍ତରୀୟ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ରାୟଗଡା ବ୍ଳକ ଅଧ୍ୟକ୍ଷା ସୁଶ୍ରୀ ଟୁନି ହୁଇକା, ଜିଲ୍ଲା ଜରୁରୀକାଳୀନ ଅଧିକାରୀ ମନୋଜ କୁମାର ନାହାକ, ଓସଡମାର ଜିଲ୍ଲା ପ୍ରକଳ୍ପ ଅଧିକାରୀ ପ୍ରଦୋଷ କୁମାର  ଜେନା, ଗୋଷ୍ଠୀ ଉନ୍ନୟନ ଅଧିକାରୀ ସୁଜିତ କୁମାର ମିଶ୍ର  ଉପସ୍ଥିତ ରହି କାର୍ଯ୍ୟକ୍ରମର ଉଦଘାଟନ କରିଥିଲେ ।
  ଜାତୀୟ ଓ ରାଜ୍ଯ ବିପର୍ଯ୍ୟୟ ପରିଚାଳନା ଆଇନରେ ଥିବା ବ୍ୟବସ୍ଥା ଓ ସୁବିଧା ସୁଯୋଗ ବିଷୟରେ ଆଲୋଚନା କରା ଯାଇଥିଲା ପୂରୁଷ ପ୍ରଧାନ ସମାଜରେ ବିପର୍ଯ୍ୟୟର ପରିଚାଳନା କ୍ଷେତ୍ରରେ ମହିଳା ଓ ତୃତୀୟ ଲିଙ୍ଗୀଙ୍କ ସ୍ବଳ୍ପ ଅଂଶଗ୍ରହଣର କାରଣ ଓ ଫଳାଫଳ  ତଥା ସମାଜରେ ବିଷୟରେ ଦଳଗତ ଆଲୋଚନା ହୋଇଥିଲା ।
 ଏଥିରେ ସ୍ବାସ୍ଥ୍ୟ, ଶିକ୍ଷା, ମହିଳା ଓ ଶିଶୁ ବିକାଶ, ରାଜସ୍ବ, ପୋଲିସ, ଗ୍ରାମ ପଞ୍ଚାୟତ କର୍ମକର୍ତ୍ତା, ନିର୍ବାଚିତ ପ୍ରତିନିଧି, ବେସରକାରୀ ଅନୁଷ୍ଠାନ କର୍ମକର୍ତ୍ତା ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।
 ରାୟଗଡା ଜିଲ୍ଲାରେ ବନ୍ୟା, ବିଜୁଳି ଓ ଘଡଘଡି, ସାପକାମୁଡା,

ପାଣିରେ ବୁଡ଼ି ମୃତ୍ଯୁବରଣ ସହ ରକ୍ତହୀନତା, ବାଲ୍ୟ ବିବାହ ଆଦି ସମ୍ଭାବ୍ଯ ବିପର୍ଯ୍ୟୟ, ଏବଂ ପ୍ରାକୃତିକ  ଓ ମନୁଷ୍ଯକୃତ ବିପର୍ଯ୍ୟୟ ଓ ତାହାର ମୁକାବିଲା ଆଦି ବିଷୟ ଆଲୋଚନାର ପରିସରଭୁକ୍ତ ହୋଇଥିଲା। ସମ୍ବଳବ୍ୟକ୍ତି ପାୱାର ପଏଣ୍ଟ ମାଧ୍ୟମରେ ବିଭିନ୍ନ ତଥ୍ୟ ଉପସ୍ଥାପନ କରିଥିଲେ। ବ୍ଳକସ୍ତରୀୟ ବିପର୍ଯ୍ୟୟ ପରିଚାଳନା ଯୋଜନାରେ ମହିଳା ଓ ତୃତୀୟ ଲିଙ୍ଗ ବ୍ୟକ୍ତିଙ୍କୁ ସାମିଲ କରିବାସହ ଅଞ୍ଚଳରେ ଥିବା ସମ୍ବଳ ଓ ଯୁବ ସ୍ଵେଚ୍ଛାସେବୀ ଚିହ୍ନଟ କରି ସେମାନଙ୍କୁ ପ୍ରାଥମିକ କୌଶଳ ତାଲିମ ପ୍ରଦାନର ଆବଶ୍ୟକତା ବିଷୟରେ ଆଲୋଚନା ହୋଇଥିଲା।