ଘଣ୍ଟାପଡ଼ା ଥାନା ପୋଲିସକୁ ବଡ଼ ସଫଳତା…..

କଣ୍ଟାମାଳ, ଗଞ୍ଜାଇ ମୁକ୍ତ ଓଡ଼ିଶା ପାଇଁ ବୌଦ୍ଧ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କଡା ନିର୍ଦେଶ କ୍ରମେ ଜିଲ୍ଲାର ପ୍ରତ୍ୟେକ ଥାନାର ପୁଲିସମାନେ ଦେଖାଯାଇଛନ୍ତି ତତ୍ପରତା । ପ୍ରତ୍ୟେକଦିନ ଜିଲ୍ଲାରେ କ୍ଵିଣ୍ଟାଲ କ୍ଵିଣ୍ଟାଲ ଗଞ୍ଜାଇ ଧରାପଡ଼ିବା ସତ୍ତ୍ୱେ ଏ ଲାଭ ଜନକ ଗ୍ରୀନହୀରା ବେପାରକୁ ଆପଣେଇ ନେଇଛନ୍ତି ମାଫିଆ । ବିପୁଳ ପରିମାଣର ଗଞ୍ଜେଇ ଚୋରା ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇଥିଲା ଘଣ୍ଟାପଡା ଥାନା ପୋଲିସ l ଏହି ଥାନାର ଆଭ୍ୟନ୍ତରୀଣ ନାରାୟଣପ୍ରସାଦ ଗ୍ରାମ ନିକଟରେ ପୋଲିସ ଟିମ ଛକି ରହି ଅନୁଧ୍ୟାନ କରିଥିଲେ । ଏହିସମୟରେ ଅପର ପଟରୁ ଆସୁଥିବା ଏକ ପିକ୍ଅପ ଗାଡି ପୋଲିସକୁ ଦୂରରୁ ଦେଖି ଅଟକିଥିଲା l ସେହିଗାଡ଼ିରୁ ଚାଳକ ସହ ଅନ୍ୟମାନେ ପୋଲିସକୁ ଦେଖି ଚମ୍ପଟ ମାରିଥିଲେ। ପୋଲିସ ଉକ୍ତ ସନ୍ଦିଗ୍ଧ ଗାଡି ନିକଟକୁଯାଇ ଗାଡ଼ିକୁ ଖାନତଲାସୀ କରିବାରୁ ବହୁ ପରିମାଣର ଗଞ୍ଜାଇ ଜବତ କରିଥିଲା । ଏନେଇ ପୋଲିସ ଏକ ମାମଲା ରୁଜୁ କରି ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜାଇ ଓଜନ କରିବାରୁ ଏହାର ପରିମାଣ ୫ କ୍ଵିଣ୍ଟାଲ ୭୦ କେଜି ହେଲା। ଜବତ ମ୍ୟାକ୍ସ ପିକ୍ଅପ୍ ଗାଡି ନଂ ଓଡି o୩ ଭି- ୩୩୦୫ ସହ ସମସ୍ତ ଗଞ୍ଜାଇ ଜବତ କରିଥିବା ନେଇ ଘଣ୍ଟାପଡ଼ା ଥାନାଧିକାରୀ ମାଧବଚ଼ନ୍ଦ୍ର ଟାକ୍ରୀ ସୂଚନା ଦେଇଛନ୍ତି। ସେହିପରି ଏହାର ଦୁଇଦିନ ପୂର୍ବରୁ କଣ୍ଟାମାଳ ଥାନା ପୋଲିସ ମଧ୍ୟ ଗାଡ଼ି ସହ ୫ କ୍ଵିଣ୍ଟାଲ ୭କେଜି ୮୦୦ ଗ୍ରାମ ଗଞ୍ଜାଇ ଏବଂ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ବୌଦ୍ଧ ଆରକ୍ଷୀ ଅଧିକ୍ଷକଙ୍କଠାରୁ ସୂଚନା ମିଳିଛି।

ଦୁର୍ନୀତିର ଖଜୁରୀଗଛ ସମବାୟ ବିଭାଗ: ମଞ୍ଜି ପୋତି ବଢାଇଥାନ୍ତି ମନ୍ତ୍ରୀ ଓ ଅଧିକାରୀ; କର୍ମଚାରୀଙ୍କ ନିଯୁକ୍ତିଠାରୁ ମିଥ୍ୟାଧାନକିଣା , କମିଟି ଓ ଚାଷୀଶୋଷଣର ରାକେଟ୍

ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ରଚନା ପକ୍ଷରୁ ବାର୍ଷିକୋତ୍ସବ; ସାରସ୍ଵତ ଆଲୋଚନାଚକ୍ର ଓ କବିତା ପାଠୋତ୍ସବ ରେ ଭାଗନେଲେ ବହୁ କବି ଓ ସାହିତ୍ୟପ୍ରେମୀ