11-May-2025

ମଳୟ ମିଶ୍ରଙ୍କ ରିପୋର୍ଟ 

ବରଗଡ: କେବଳ ପଶ୍ଚିମ ଓଡିଶାରେ ନିୟନ୍ତ୍ରିତ ବଜାର କମିଟିଗୁଡ଼ିକ ଠାରୁ ପ୍ରାଥମିକ କୃଷି ସମବାୟ ସମିତି ବା ପେକ୍ସ ଗୁଡିକର କାର୍ଯ୍ୟକଳାପର ଗତ କିଛିବର୍ଷର ପ୍ରକୃତ ସମୀକ୍ଷା କରାଯାଏ , ଦୁର୍ନୀତିମାମଲା ଓ ଅଡିଟ୍ ରିପୋର୍ଟ ବ୍ୟତୀତ ସମ୍ପାଦକ ନିଯୁକ୍ତିବେଳୁଁ କିଭଳି ଭାବରେ ଖଜୁରୀଗଛର ତଳୁ ପାହାଚ ପାହାଚ ପରି ଦୁର୍ନୀତି ସଜ୍ଜିତ  ହୋଇ ରହିଛି ଜଳଜଳ ହୋଇ ଦିଶିଯାଏ  । 

ଏହା ମୂଳରେ ବିଭାଗୀୟ ମନ୍ତ୍ରୀଙ୍କ ଠାରୁ ସଚିବ, ନିର୍ଦ୍ଦେଶକ, ଜିଲ୍ଲାପାଳ, ସମ୍ପାଦକ,  ବିଭିନ୍ନ କମିଟି ଓ ବୋର୍ଡ କର୍ମକର୍ତ୍ତାଙ୍କର ସମ୍ପୃକ୍ତି ରହିଆସିଛି। 

 ଏଥିଯୋଗୁଁ ନିୟନ୍ତ୍ରିତ ବଜାର କମିଟି, ବଜାର ପ୍ରାଙ୍ଗଣ, ଆନୁସଙ୍ଗିକ ନିର୍ମାଣାଦି ବ୍ୟବସ୍ଥା, କର୍ମଚାରୀ ନିଯୁକ୍ତି, ପେକ୍ସରେ ସମ୍ପାଦକ ଓ ଅନ୍ଯାନ୍ଯ କର୍ମଚାରୀ ନିଯୁକ୍ତି , ଉପକରଣ, ସାମଗ୍ରୀ ଓ ଯନ୍ତ୍ରପାତି କ୍ରୟ , ଧାନକିଣା ଇତ୍ୟାଦିରେ ହେଉଥିବା ଅନିୟମିତତାରେ ସେମାନଙ୍କର ସମ୍ପୃକ୍ତି ରହିଆସୁଛି । ଉଦାହରଣ ସ୍ୱରୂପ  ଦୁଇବର୍ଷ ତଳେ ସୁବର୍ଣ୍ଣପୁର ଜିଲ୍ଲାର ତରଭା ବ୍ଲକର କମସରା ପେକ୍ସର ଖରିଫ ଧାନକିଣା ଫେକ୍ ଭେଣ୍ଡିଂ,

ସୁବର୍ଣ୍ଣପୁର ଜିଲ୍ଲାର ଡୁଙ୍ଗୁରିପାଲି ନିୟନ୍ତ୍ରିତ ବଜାର କମିଟିର ପୂର୍ବତନ  ସମ୍ପାଦକ ଉଦିତ ବାବୁଙ୍କ ବିରୁଦ୍ଧରେ ଗଣମାଧ୍ୟମର ଘନ ଘନ ପ୍ରକାଶିତ ଜନଅଭିଯୋଗ ସହିତ ବିଭାଗୀୟ ମନ୍ତ୍ରୀଙ୍କ  ହସ୍ତକ୍ଷେପ  ପରେ ଅନ୍ୟତ୍ର ବଦଳି ସତ୍ତ୍ବେ ତାଙ୍କର ବିଭିନ୍ନ ହାତବାରିସୀ ଲୋକଙ୍କ ଜରିଆରେ ଏକ ବୀମାକମ୍ପାନୀ ଜରିଆରେ  ଅର୍ଥ ତୋଷରପାତ ଓ  ବହୁମୂଲ୍ୟର ଯନ୍ତ୍ରପାତି, ସିସିଟିଭି ଯୋଗାଣରେ ଟେଣ୍ଡର ଫିକ୍ସିଂ, ତୁଷୁରା ଥାନାରେ ସମାଧାନ କରାଯାଇ ଥିବା ବୋର୍ଡ  ସଭାପତି ଓ ନିର୍ଦ୍ଦେଶକଙ୍କର ଲାଞ୍ଚ ନେବା ଏତଲାର ବଲାଙ୍ଗୀର ଜିଲ୍ଲାର ଦେଓଗାଁ ବ୍ଲକର ବହୁଚର୍ଚ୍ଚିତ ଅର୍ଜୁନପୁର ସମ୍ପାଦକ ନିଯୁକ୍ତି କେଳେଙ୍କାରୀ ସହିତ ଗତ ମାର୍ଚ୍ଚ ମାସର ବରଗଡ ଜିଲ୍ଲାର ୪ ଜଣ ପେକ୍ସ ସମ୍ପାଦକଙ୍କୁ ଭିଜିଲାନ୍ସ ଗିରଫ ଓ ଅନ୍ଯାନ୍ଯ ଅନିୟମିତତାର ଅଡିଟ୍ ରିପୋର୍ଟ ମାମଲା ଇତ୍ୟାଦି ।  ସବୁଠାରୁ ଆଶ୍ଚର୍ଯ୍ୟର ବିଷୟ ଯେ ଏହିସବୁ ସ୍ଥାନରେ ଦୀର୍ଘ ବର୍ଷ ବର୍ଷ  ଓ ଦଶନ୍ଧି ଧରି ପଦୋନ୍ନତି/ ଡେପୁଟେସନ୍ ଓ ଏଠୁ ସେଠିକି ବଦଳି ଆଳରେ ପୁରୁଣା ମୂଷା ମାନଙ୍କୁ ସୁଯୋଗ ଦିଆଯାଇ ଆସୁଛି l ଏମାନଙ୍କ ମଧ୍ଯରେ ବଲାଙ୍ଗୀର ଡିଆର୍ ଅଫିସ୍ ର ଏ ଆର୍ ରବୀନ୍ଦ୍ର ପଣ୍ଡା, ସୋନପୁର ଡିଆର୍ ଅଫିସ୍ ର ଏ.ଆର୍ ପାଣୁ ଚରଣ ସାହୁ , ସଂପ୍ରତି ବରଗଡ ଡି.ଆର୍ ଭାବେ ଯୋଗ ଦେଇଥିବା ଯୁଗଳ ଦାଶ, ଡୁଙ୍ଗୁରିପାଲି ଆର୍ ଏମ୍ ସି ର ହିସାବରକ୍ଷକ ସୁଶାନ୍ତ ମେହେର ଓ ଅନ୍ଯାନ୍ଯ କେତେକ ଅଧିକାରୀ/କର୍ମଚାରୀଙ୍କ ନାଁ' ଲୋକଙ୍କ ଚର୍ଚ୍ଚାରୁ ପ୍ରକାଶ।  ଯଦିଓ  ଏମାନେ ଉକ୍ତ  ଚର୍ଚ୍ଚା ଓ ଅଭିଯୋଗକୁ ଖଣ୍ଡନ କରନ୍ତି। ଏ ସମ୍ପର୍କରେ କ୍ରମାନ୍ବୟରେ ସ୍ବତନ୍ତ୍ର ଅନୁସନ୍ଧାନମୂଳକ ରିପୋର୍ଟ ପ୍ରକାଶ ପାଇବ। ତେବେ ଏହି ଅଧିକାରୀଙ୍କ ସେମାନଙ୍କ କାର୍ଯ୍ୟକାଳ ମଧ୍ଯରେ ବହୁ ଅଭିଯୋଗ ଉଠିଥିଲେ ହେଁ  ସ ସବୁକୁ ବିଭାଗ ପକ୍ଷରୁ ଚପାଇ ଦିଆଯାଇଥିବା କୁହାଯାଏ । ଏ  ମାନଙ୍କୁ ସେମାନଙ୍କ ସୁବିଧାଜନକ ପୋଷ୍ଟିଂ ରେ ରାଜନୈତିକ ହସ୍ତକ୍ଷେପ ରହିଥିବାର କୁହାଯାଉଛି ।

 କିଛିଦିନ ତଳେ ପଦୋନ୍ନତି ପାଇ ବରଗଡ ଡିଆର୍ ସି ଏସ୍ ଭାବରେ ଯୋଗଦେଇଥିବା ଯୁଗଳ ଦାଶଙ୍କୁ ବରଗଡ ଜିଲ୍ଲା ବନାମ ଡିଆର୍ ସି ଏସ୍ ଙ୍କ  ଅଧିନସ୍ଥ ଉକ୍ତ  ଭିଜିଲାନ୍ସ କାର୍ଯ୍ୟାନୁଷ୍ଠାନ ଓ ଅଡିଟ୍ ରେ ଧରାପଡିଥିବା ଆର୍ଥିକ ଅନିୟମିତତା ସମ୍ପର୍କରେ ଅନୌପଚାରିକ ଆଲୋଚନା ବେଳେ ସେ ଏସବୁକୁ ସ୍ବାଭାବିକ୍ ବୋଲି କହି ଏମିତି ପେଣ୍ଡା ପେଣ୍ଡା ଧରାପଡୁଛନ୍ତି  ।  ଅଡିଟ୍ ରିପୋର୍ଟ କ'ଣ ସବୁ ସତ କି ? - ବୋଲି ଓଲଟା ପଚାରି ବେଖାତିରରେ ଉଡାଇ ଦେଇଥିଲେ । 

ତେବେ ଏଭଳି ପେକ୍ସଗୁଡିକର ସମ୍ପାଦକ ବା କର୍ମଚାରୀଙ୍କ ନିଯୁକ୍ତି ସହ ବୋର୍ଡ ର ଅବୈଧ କାର୍ଯ୍ୟକଳାପର ଚୂଡାନ୍ତ ମୋହର କିଏ ମାରନ୍ତି ଓ ଏଥିସକାଶେ ସମବାୟ ବିଭାଗର ନିବନ୍ଧକ, ଏମ୍ ଡି , ଉପନିବନ୍ଧକ ଓ ଏ ଆର୍ ସିଏସ୍ ମାନେ କେତେ ଦାୟୀ, ନୂତନ ସରକାରଙ୍କ ତର୍ଜମାସାପେକ୍ଷ ବୋଲି ଲୋକେ ପଚାରିଛନ୍ତି। କିଛିବର୍ଷ ତଳେ ସମବାୟ ବିଭାଗ ସବୁଠୁଁ ବେଶି ଦୁର୍ନୀତିଗ୍ରସ୍ତ ବୋଲି ପୂର୍ବତନ ସମବାୟ ମନ୍ତ୍ରୀ ୰ ଡା ଦାମୋଦର ରାଉତ କହିଥିବା ବେଳେ,  ଏ ସରକାରଙ୍କ ମନ୍ତ୍ରୀଙ୍କ ଅନୁଭବ ନିମନ୍ତେ ଅପେକ୍ଷା ରହିଛି । 

ସଦ୍ୟତମ ଘଟଣାନୁଯାୟୀ , ବଲାଙ୍ଗୀର ଜିଲ୍ଲାର ସଇଁନ୍ତଳା , ଲୋଇସିଂହା ଓ ଅନ୍ଯାନ୍ଯ ପେକ୍ସଗୁଡିକର ଗତ ଖରିଫ ଧାନର ମିଲର୍ସଙ୍କୁ ଫଲ୍ ସ ଏଣ୍ଟ୍ରି ଅଭିଯୋଗର ତଦନ୍ତ ପାଇଁ ସିସିଏସ୍ ଓ  ବଲାଙ୍ଗୀର ଡି ଆର୍ ଙ୍କୁ ଚିଠି କରିଥିବା ସହ ବରଗଡ ଜିଲ୍ଲାରେ ରବିଧାନ ଟ୍ରକ୍ ଧରାପଡିବା ଇତ୍ୟାଦିରେ ସମ୍ପୃକ୍ତ ପେକ୍ସଗୁଡିକର ସେକ୍ରେଟାରୀ ଓ ଡିଇଓମାନଙ୍କର କିଭଳି ସମ୍ପୃକ୍ତି ରହିଛି , ତଦନ୍ତକୁ ଅପେକ୍ଷା କରାଯାଇଛି । ସର୍ବୋପରି ଏଭଳି ପେକ୍ସଗୁଡିକର କର୍ମଚାରୀଙ୍କ ନିଯୁକ୍ତିରେ ମୋହର ମାରୁଥିବା ଡିଆର୍ ମାନେ କେତେ ସଚେତନ ?