11-May-2025

ବରୀ (ରଞ୍ଜିତ ମହାନ୍ତି):  ବରୀ ନିର୍ବାଚନମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ବିଶ୍ଵରଞ୍ଜନ ମଲ୍ଲିକଙ୍କ ଲୋକପ୍ରିୟତା ଦିନକୁ ଦିନ ବୃଦ୍ଧି ପାଉଥିବାବେଳେ ବିଭିନ୍ନ ଦଳରୁ ବହୁ କର୍ମୀ ଓ ନେତା ବିଶ୍ବଙ୍କୁ ସମର୍ଥନ କରି ବିଜେଡିରେ ଯୋଗ ଦେଉଥିବା ଦେଖ‌ିବାକୁ ମିଳିଛି | ଜୁଧବାର ଅପରାହ୍ନରେ ବରୀ ବ୍ଲକ ଅନ୍ତର୍ଗତ ରତ୍ନଗିରି ପଞ୍ଚାଯତ ପକ୍ଷରୁ ବିଜେଜି ବିଧାୟକ ପ୍ରାର୍ଥୀ ଶ୍ରୀ ମଲ୍ଲିକଙ୍କ ଉଦ୍ଦେଶ୍ୟରେ ଏକ ବିଶାଳ ସମ୍ବଦ୍ଧନା ସଭା ସ୍ଥାନୀୟ ରତ୍ନଗିରି ହାଟ ପଡ଼ିଆଠାରେ ବରୀ ବ୍ଲକ ବିଜେଡି ସଭାପତି କେଦାର ସାମଲଙ୍କ ଅଧ୍ଯକ୍ଷତାରେ ଅନୁଷ୍ଠିତ ହୋଇଥିଲା ।
ଏହି କାର୍ଯ୍ୟକ୍ରମରେ ବିଧାୟକ ପ୍ରାର୍ଥୀ ଶ୍ରୀ ମଲ୍ଲିକ ଯୋଗ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଷଷ୍ଟଥର ପାଇଁ ମୁଖ୍ୟମନ୍ତ୍ରୀ ଭାବେ ନିଶ୍ଚୟ ଆମ୍ଭେମାନେ ଦେଖ‌ିବା । ଆପଣମାନଙ୍କ ଭଲ ପାଇବା ଓ ବିପୁଳ ସମର୍ଥନ ଯୋଗୁଁ ଆମେ ବହୁ ଭୋଟ ବ୍ୟବଧାନରେ
ବିଜୟୀ ହେବା। ଯେଉଁମାନେ ବାହାସ୍ପୋଟ ମାରୁଛନ୍ତି, ସେମାନେ ଜୁନ୍ ୪ ତାରିଖରେ ବିଜେଡିର ବିରାଟ ବିଜୟ ପରେ ଆଉ ଦେଖାଦେବେ ନାହିଁ ବୋଲି ବିଧାୟକ ପ୍ରାର୍ଥୀ ଶ୍ରୀ ମଲ୍ଲିକ କହିଥିଲେ। ରତ୍ନଗିରି ପଞ୍ଚାୟତର ସରପଞ୍ଚ
ସରଳା ମଲିକ, ସମିତିସଭ୍ୟାଙ୍କ ସମେତ ପଞ୍ଚାୟତ ଜନସାଧାରଣଙ୍କ ପକ୍ଷରୁ ଶ୍ରୀ ମଲ୍ଲିକଙ୍କୁ ବିଶାଳ ସମ୍ବଦ୍ଧନା ପ୍ରଦାନ କରାଯାଇଥିଲା  ଏହି ସମ୍ବଦ୍ଧନା ସଭାରେ ବରୀ ପଞ୍ଚାଯତ ସମିତି ଅଧ୍ୟକ୍ଷ ଅଶୋକ କୁମାର ଗେଡ଼ି, ବରା ନିର୍ବାଚନମଣ୍ଡଳୀର ଯୁବ ବିଜେଡି ସଭାପତି ତଥା ୨୧ନଂ
ଜୋନ୍‌ର ଜିଲ୍ଲାର ପରିଷଦ ସଭ୍ୟ ଅଶୋକ କୁମାର ସାମଲ, ଜିଲ୍ଲା ପରିଷଦ ସଭ୍ୟ ଦିଲ୍ଲୀପ କୁମାର ମହାନ୍ତି, ସନ୍ତୋଷ କୁମାର ସାମଲ, ଯୁବ ନେତା ବୁଲୁ ଯାଦବ, ବରୀ ବ୍ଲକ ଯୁବ ବିଜେଡି ସଭାପତି ରଞ୍ଜନ କୁମାର ପଣ୍ଡା, ଚନ୍ଦନପୁର ସରପଞ୍ଚ ଚପଳା ମଲ୍ଲ, ସାହୁପଡ଼ା ସରପଞ୍ଚ ସଞ୍ଜୟ ସେଠୀ, ମନ୍ଦାରୀ ସରପଞ୍ଚ ଧୂରେନ୍ଦ୍ର ଜେନା, ବୋଦୁଅ ସରପଞ୍ଚ ଦେବୀ ପ୍ରସନ୍ନ ମିଶ୍ର, ଗମୁ ସରପଞ୍ଚ ଜଗଦୀଶ ଜେନା, ଯୁବ ନେତା ପ୍ରସନ୍ନ କୁମାର ସାମଲ, ରତିରଞ୍ଜନ ଜେନା, ବିଜୟ କୁମାର ନାୟକଙ୍କ ସମେତ ବିଭିନ୍ନ ପଞ୍ଚାୟତର ସରପଞ୍ଚ, ସମିତିସଭ୍ୟ, ପଞ୍ଚାୟତ ସଭାପତି, ଛାମୁଆ କର୍ମୀ ଯୋଗଦେଇଥିଲେ । ଶେଷରେ ଜିଲ୍ଲା ପରିଷଦ ସଭ୍ୟ ଅଶୋକ କୁମାର ସାମଲ ଧନ୍ୟବାଦ ଅବସରରେ କହିଥିଲେ