10-May-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ରାଜ୍ୟ ସରକାର ଙ୍କ ନିର୍ଦ୍ଦେଶ କ୍ରମେ ଭାରତର ବୀର ସୈନିକ ମାନଙ୍କୁ ଉତ୍ସାହିତ କରିବା ପାଇଁ ଆସନ୍ତା କାଲି ମେ ୧୧ ତାରିଖ  ରବିବାର  ଦିନ  ସମଗ୍ର ରାଜ୍ୟ ତଥା ସୁବର୍ଣ୍ଣପୁର ଜିଲ୍ଲାରେ ଜନ ଶୋଭାଯାତ୍ରା ଆୟୋଜିତ ହେବ l ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଏହି ଶୋଭାଯାତ୍ରା ସକାଳ ୮ ରୁ ଆରମ୍ଭ ହୋଇ ୧୦ ଟା ଭିତରେ ଶେଷ ହେବ  ଓ ଏହି ଶୋଭାଯାତ୍ରାରେ ଛାତ୍ର ଛାତ୍ରୀ, ଏନ. ସି. ସି. କ୍ୟାଡେଟ, କ୍ରୀଡାବିତ୍, ପୋଲିସ, ଶିକ୍ଷକ ଶିକ୍ଷୟିତ୍ରୀ , ସ୍ବେଚ୍ଛାସେବୀ ଏବଂ ଜନସାଧାରଣ, ମହିଳା ସ୍ୱୟଂ ସହାୟକ ଗୋଷ୍ଠୀ ସଦସ୍ୟା ଯୋଗ ଦେଇପାରିବେ ବୋଲି ଆଜି ଜିଲ୍ଲାର ସମସ୍ତ ପ୍ରଶାସନିକ ଅଧିକାରୀଙ୍କ ସହିତ ସୁବର୍ଣ୍ଣପୁର ଜିଲ୍ଲାପାଳ ଅନ୍ୟା ଦାସ ଆଭାସୀ ଜରିଆରେ  ଆଲୋଚନା କରିଛନ୍ତି l ଏହି ରାଲି ମୁଖ୍ୟତଃ ମୋଟର ସାଇକେଲ ରାଲି ହେବ l  ସମସ୍ତ ଜିଲ୍ଲା ସଦର ମହକୁମା , ଉପଖଣ୍ଡ, ବ୍ଲକ ମହକୁମାରେ ଏହି ରାଲିର ଆୟୋଜନ କରାଯିବ। 
ସ୍ଥାନୀୟ ମାନ୍ୟବର  ସାଂସଦ, ବିଧାୟକ ଓ ଅନ୍ୟ ଲୋକ ପ୍ରତିନିଧି ମାନେ ଉପସ୍ଥିତ ରହିବାକୁ ଓ ଏଥିରେ ସାମିଲ ହେବା ପାଇଁ ଅନୁରୋଧ କରାଯାଇଛି l ଅଂଶ ଗ୍ରହଣକାରୀ ମାନେ ତ୍ରିରଙ୍ଗା ପତାକା ଧରି ରାଲିରେ ଯିବାକୁ ଓ ଶୋଭାଯାତ୍ରାରେ ଦେଶାତ୍ମବୋଧକ ଗୀତ ଲାଉଡସ୍ପିକର ଜରିଆରେ ପରିବେଷଣ କରାଯିବ ବୋଲି ପୌର ପରିଷଦ ଅଧିକାରୀ ୠଷି ମାଝୀ ପ୍ରକାଶ କରିଛନ୍ତି l  ପୁନଶ୍ଚ ଶୋଭାଯାତ୍ରାରେ ଅଧିକରୁ ଅଧିକ ଜନସାଧାରଣ ଜାତୀୟତା ଭାବଧାରାରେ ସାମିଲ ପାଇଁ ସାମାଜିକ ଗଣମାଧ୍ୟମରେ ଆଜିଠାରୁ ପ୍ରଚାର ପ୍ରସାର କରିବାକୁ ଓ ସମସ୍ତ ବିଭାଗ ଓ ଜିଲ୍ଲା ସ୍ତରୀୟ ସାମାଜିକ ଗଣମାଧ୍ୟମ ଗୁଡିକରେ କାର୍ଯ୍ୟକ୍ରମ ସମ୍ପର୍କିତ ତଥ୍ୟ  ପ୍ରଚାର ପ୍ରସାର କରିବାକୁ ଅନୁରୋଧ କରାଯାଇଥିବା ନିର୍ବାହୀ ଅଧିକାରୀ ପୌରପରିଷଦ ଶ୍ରୀ ମାଝୀ ପ୍ରକାଶ କରିଛନ୍ତି l