05-May-2025

ନୂଆପଡା[ପରମେଶ୍ଵର ମେହେର] ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଆନୁକୁଲ୍ୟରେ ପରିଚାଳିତ ମାଟ୍ରିକ ପରୀକ୍ଷାରେ ନୂଆପଡା ଜିଲ୍ଲାରେ ଟପର୍ ହୋଇଥିବା ଦୁଇ ଜଣ ଛାତ୍ରୀଙ୍କୁ ଆଜି ଜିଲ୍ଲାପାଳ ମଧୁସୂଦନ ଦାଶ ସମ୍ବର୍ଦ୍ଧିତ କରିଛନ୍ତି । ପଞ୍ଚାୟତ ହାଇସ୍କୁଲ୍ ମୁଣ୍ଡାପଡ଼ାର ଛାତ୍ରୀ ଶ୍ରେଷ୍ଠା ପଣ୍ଡା ୯୩.୧୭ ପ୍ରତିଶତ ମାର୍କ ରଖି ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଥିବାରୁ ଜିଲ୍ଲାପାଳ  ଏହି ହାଇସ୍କୁଲ୍ କୁ  ଯାଇ କୁମାରୀ ପଣ୍ଡାଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ। ଏହିପରି ପରିଶ୍ରମ ଓ ଏକାଗ୍ରତା ଜାରି ରଖିଲେ ତୁମେ ମଧ୍ଯ ଦିନେ କଲେକ୍ଟର ହୋଇ ପାରିବ ବୋଲି ପ୍ରୋତ୍ସାହିତ କରିଥିଲେ ।ଏହି  ସମୟରେ କୋମନା ବିଡ଼ିଓ ବିନୟ କୁମାର ଭୋଇ, ସ୍କୁଲ୍ ପ୍ରଧାନ ଶିକ୍ଷକ ପତିତ ପାବନ ସାହୁ ଏବଂ ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ । ମୁଣ୍ଡାପଲା ଭଳି ଏକ ଛୋଟ ଯାଗା ର ସ୍କୁଲ୍ ରୁ ଜିଲ୍ଲା ଟପର୍ ବାହାରିଥିବାରୁ ଜିଲ୍ଲାପାଳ ସ୍କୁଲ୍ ର ଉଚ୍ଚ ପ୍ରଶଂସା କରିଥିଲେ।
ସେହିଭଳି  ଜିଲ୍ଲାପାଳ ପି ଏମ୍ ଶ୍ରୀ ସରକାରୀ ଉଚ୍ଚ ବିଦ୍ୟାଳୟ ସିନାପାଲି ର ଛାତ୍ରୀ ଝରଣା ମେହେର ୯୧ ପ୍ରତିଶତ ମାର୍କ ରଖି ଜିଲ୍ଲାରେ ଦ୍ବିତୀୟ ସ୍ଥାନ ଅଧିକାର  କରିଥିବାରୁ ତାଙ୍କ ଘରକୁ ଯାଇ ପୁଷ୍ଫଗୁଛ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ। ଝରଣାଙ୍କ ଏଇ ସଫଳତାରେ ଖୁସି ହୋଇ ଜିଲ୍ଲାପାଳ ଭବିଷ୍ୟତରେ ଜଣେ ଆଇ ଏ ଏସ୍ ଅଧିକାରୀ ହୋଇ ଦେଶ ମାତୃକା ଓ ଜନ ସାଧାରଣଙ୍କ ସେବା କରିବା ପାଇଁ ଆହ୍ବାନ ଦେଇଥିଲେ। ଏହି ସମୟରେ ସିନାପାଲି ବିଡ଼ିଓ କାର୍ମୀ ଓରାମ, ବି ଇ ଓ ଯତୀନ୍ଦ୍ର କୁମାର ସେଠ୍, ସ୍କୁଲ୍ ର ବିଜ୍ଞାନ ଶିକ୍ଷକ ମନୋରଞ୍ଜନ ମେହେର ପ୍ରମୁଖ ଉପସ୍ଥିତ ଥିଲେ ।
 ମ୍ୟାଟ୍ରିକ ବୋର୍ଡ ପରୀକ୍ଷାରେ ଜିଲ୍ଲାର  ସଫଳତା ପାଇଁ ସମସ୍ତ କୃତୀ ଛାତ୍ର ଛାତ୍ରୀ , ଶିକ୍ଷକଶିକ୍ଷୟତ୍ରୀ ମାନଙ୍କୁ ଜିଲ୍ଲାପାଳ ଧନ୍ୟବାଦ ଜଣାଇଛନ୍ତି ।