04-May-2025

(ମନୋରଞ୍ଜନ ତ୍ରିପାଠୀ)
 ଶ୍ରୀ ଗୋପାଳଜୀ  ଯୋଗାଳୟ ସୋନପୁର ଠାରେ ବିଶିଷ୍ଟ ଶିକ୍ଷାବିତ ପୁଣ୍ୟାତ୍ମା ସ୍ବର୍ଗତ ମହେଶ ପ୍ରସାଦ ପଟ୍ଟନାୟକ ଙ୍କ  ୨୪ ତମ ଶ୍ରାଦ୍ଧ ବାର୍ଷିକୀ ଅବସରରେ ଶ୍ରଦ୍ଧାଞ୍ଜଳୀ ଅର୍ପଣ କରି ସ୍ମୁତି ଚାରଣ କଲେ ଯୋଗୀ ଗଣ l ଶ୍ରୀ ପଟ୍ଟନାୟକ ବିନିକା ବ୍ଲକ ର ନିଜ ଗାଁ କର୍ତଙ୍ଗ  ରୁ ଶିକ୍ଷା ଲାଭ ଆରମ୍ଭ କରି ପରେ ମହାରାଜା ହାଇସ୍କୁଲ୍ ସୋନପୁର ଠାରେ ଶିକ୍ଷାଲାଭ କରିଥିଲେ l ପରେ ପରେ ବ୍ରହ୍ମପୁର ଠାରେ ସି ଟି ଟ୍ରେନିଂ ସାରି ସୋନପୁର ମହାରାଜା ହାଇସ୍କୁଲ୍ ଓ ପାଟଣାଗଡ ହାଇସ୍କୁଲ ଠାରେ ରେ ନିଷ୍ଠା ର ସହିତ ଶିକ୍ଷକତା କରି ଚାକିରୀ କାଳ କଟାଇଥିଲେ l ସାହିତ୍ୟ, ଗଣିତ ଓ ଶରୀର  ବିଜ୍ଞାନ ବିଷୟ ରେ ସେ ଦକ୍ଷତା ର ସହ ଶିକ୍ଷାଦାନ କରି ଜଣେ ଆଦର୍ଶ ଶିକ୍ଷକ ଭାବେ ଅଭିବକ୍ତ ବଲାଙ୍ଗିର ଜିଲ୍ଲା ରେ ଖୁବ ପରିଚିତ ଥିଲେ l ଅମାୟିକ ବ୍ୟବହାର ଥିଲା ତାଙ୍କର l କଣ୍ଟାବାଞ୍ଜି ରେ ସେ ସ୍କୁଲ ଅଫ ଏସ ଆଇ ଭାବେ କିଛି ବର୍ଷ କାର୍ଯ୍ଯ କରି ଶହ ଶହ କିଲୋମିଟର ସାଇକଲ ରେ ଯାତ୍ରା କରି ସ୍କୁଲ୍ ଗୁଡ଼ିକ ପରିଦର୍ଶନ କରି ଶିକ୍ଷା ର ସଂସ୍କାର ଦିଗରେ ପ୍ରୟାସ କରୁଥିଲେ l ସୋନପୁର ଓ ବଲାଙ୍ଗିର ଜିଲ୍ଲାର ତାଙ୍କ ଅନେକ ଛାତ୍ର ଛାତ୍ରୀ ଓଡ଼ିଶା ତଥା ବିଭିନ୍ନ ରାଜ୍ୟ ରେ ଉଚ୍ଚ ପଦ ପଦବୀ ରେ ଥିବା ବେଳେ ସେ ମଧ୍ୟରୁ ଆଇ ଏ ଏସ ସୁବ୍ରତ ବାଗ୍ଚି ଙ୍କ ବଡ ଭାଈ ଆଇ ଏ ଏସ ଦେବୀ ପ୍ରାସାଦ ବାଗ୍ଚି, (ଓଡ଼ିଶା ର ପୁର୍ବତନ ଶାସନ ସଚିବ) ଶ୍ରୀ ପଟ୍ଟନାୟକ ଙ୍କ ଆଜ୍ଞାଧୀନ ଛାତ୍ର ଅଟନ୍ତି ବୋଲି ଯୋଗାଳୟ ସଭାପତି ହରି ହର ଶତପଥି, ସଂପାଦକ ଆର୍ତ୍ତ ତ୍ରାଣ ବାବୁ , ପ୍ରଦୀପ ପୁରୋହିତ ଓ ଅନ୍ୟ କର୍ମ କର୍ତ୍ତା  ସ୍ମୁତି ଚାରଣ କରିଥିଲେ l ଏଥିରେ ସମସ୍ତ ଯୋଗୀ ଓ ବରିଷ୍ଠ ନାଗରିକ ଯୋଗ ଦେଇଥିଲେ l