Breaking News 
-+91-9937148622 |
prerana_bgr@rediffmail.com |
Saturday 27th June 2026 |
R.N.I. Regd No. ODIODI/2010/46693
Breaking News
21-Jan-2021
ନୂଆଦିଲ୍ଲୀ, (ପ୍ରେରଣା ଖବର ବ୍ୟୁରୋ): କରୋନା ଟିକାକରଣର ୨ୟ ପର୍ଯ୍ୟାୟରେ ଟିକା ନେବେ ପ୍ରଧାନମନ୍ତ୍ରୀ । ଏଥିରେ ପ୍ରଧାନମନ୍ତ୍ରୀଙ୍କ ସମେତ ସାଂସଦ ଏବଂ ସମସ୍ତ ରାଜ୍ୟର ମୁଖ୍ୟମନ୍ତ୍ରୀ, ବିଧାୟକ ସାମିଲ ହେବେ । ସାଧାରଣଲୋକଙ୍କୁ କରୋନା ଭ୍ୟାକ୍ସିନ୍ ପ୍ରତି ଭରସା ଯୋଗାଡ଼ କରିବାରେ ଏହା ସହାୟକ ହେବ ।
ଦେଶରେ ପ୍ରଥମ ପର୍ଯ୍ୟାୟ କରୋନା ଟିକାକରଣ ଜାରି ରହିଛି । ଆଉ କିଛି ଦିନ ପରେ ୨ ପର୍ଯ୍ୟାୟ ଟିକାକରଣ ଆରମ୍ଭ ହେବ । ତେବେ ମିଲିଥିବା ଖବର ଅନୁଯାୟୀ, ଏହି ୨ୟ ପର୍ଯ୍ୟାୟ ଟିକାକରଣରେ ପ୍ରଧାନମନ୍ତ୍ରୀ , ସମସ୍ତ ରାଜ୍ୟର ମୁଖ୍ୟମନ୍ତ୍ରୀ, ସାଂସଦ, ବିଧାୟକ ସାମିଲ ହେବେ । ଖାସ୍ କରି ଯେଉଁମାନଙ୍କ ଅଧିକ ବୟସ ବା ୫୦ରୁ ଅଧିକ ରହିଛି । ସେମାନଙ୍କୁ ପ୍ରାଥମିକତା ଦିଆଯିବ ।
ସେହିପରି ଏହି ଟିକାକରଣରେ ଗୃହମନ୍ତ୍ରୀ ଅମିତ ଶାହା, ଅନ୍ୟ ମନ୍ତ୍ରୀମାନେ ସାମିଲ ହେବ । ରାଜ୍ୟପାଳମାନଙ୍କୁ ମଧ୍ୟ ଭାକ୍ସିନେସନ କରାଯିବ । ତେବେ ୨ ପର୍ଯ୍ୟାୟରେ ସୁରକ୍ଷାକର୍ମୀଙ୍କୁ ମଧ୍ୟ ସାମିଲ କରାଯିବ । ଯେଉଁମାନଙ୍କର ବୟସ ୫୦ରୁ ଅଧିକ ହୋଇଥିବା , ସେମାନଙ୍କୁ ପ୍ରାଥମିକତା ଦିଆଯିବ । ତେବେ ବର୍ତ୍ତମାନ ପର୍ଯ୍ୟନ୍ତ ଦେଶରେ କରୋନା ଟିକାକରଣର ୨ୟ ପର୍ଯ୍ୟାୟ କେବେ ଆରମ୍ଭ ହେବ, ତାହା ସ୍ପଷ୍ଟ ହୋଇନାହିଁ ।
ସୂଚନାଯୋଗ୍ୟ ଯେ, ଦେଶରେ ପ୍ରଥମ ପର୍ଯ୍ୟାୟ ଟିକାକରଣ ଜାରି ରହିଛି । କୋଭାକ୍ସିନ ଓ କୋଭିସିଲ୍ଡ଼ ଟିକାକୁ ଦିଆଯାଉଛି । ଏହି ଟିକାରକରଣରେ ପ୍ରଥମେ ସ୍ୱାସ୍ଥ୍ୟକର୍ମୀ ଓ ଫ୍ରଣ୍ଟ ଲାଇନ୍ ଓ୍ୱାର୍କସଙ୍କୁ ଭାକ୍ସିନ୍ ଦିଆଯାଉଛି । ପ୍ରଥମ ଚରଣ ଜୋରସୋରରେ ଜାରି ରହିଛି । ଏହାପରେ ୨ୟ ଚରଣ ଆରମ୍ଭ ହେବ । କିନ୍ତୁ କିଛି ଲୋକଙ୍କ ମନରେ ଭାକସିନ୍ ନେଇ ଅନେକ ପ୍ରକାରର ଦ୍ୱନ୍ଦ ସୃଷ୍ଟି ହେଉଛି । ସାଧାରଣାଲୋକଙ୍କ ଏହି ଦ୍ୱନ୍ଦ ଦୂର କରିବା ପାଇଁ ପ୍ରଧାନମନ୍ତ୍ରୀ ସମେତ ଅନ୍ୟ ନେତା ଏବଂ ମୁଖ୍ୟମନ୍ତ୍ରୀ କରୋନା ଭାକସିନ୍ ନେବେ ।
