21-Jan-2021

ଭୁବନେଶ୍ବର, (ପ୍ରେରଣା ଖବର ବ୍ୟୁରୋ) : ଗତ 16ରୁ ଆରମ୍ଭ ହୋଇଥିବା ଟୀକାକରଣର ଆଜି ପଞ୍ଚମ ଦିବସ। ଗତକାଲି ସାରା ରାଜ୍ୟର 93 ସେସନରେ 7946 ଜଣ ସ୍ଵାସ୍ଥ୍ୟକର୍ମୀଙ୍କୁ ଦିଆଯାଇଛି, ଯାହା ଟାର୍ଗେଟର 89 ପ୍ରତିଶତ।
ଗତକାଲି ଯାଏ ସମୁଦାୟ 68743 ଜଣ ସ୍ୱାସ୍ଥ୍ୟକର୍ମୀଙ୍କୁ ଦିଆସାରିଛି। ଗତକାଲି ଭୁବନେଶ୍ୱରରେ 17 ସେସନରେ 1674 ଟୀକାକରଣ ହୋଇଛି। ଯାହା ଟାର୍ଗେଟର 118 ପ୍ରତିଶତ। 16 ତାରିଖରୁ 20 ତାରିଖ ଯାଏ ଭୁବନେଶ୍ୱରରେ ସମୁଦାୟ 5849 ଟୀକାକରଣ ହୋଇଛି।
ଆଜି ସର୍ବାଧିକ ଟୀକାକରଣ ହେବ। କାରଣ ଆଜି ଅନ୍ୟ କାର୍ଯ୍ୟକ୍ରମ କିଛି ନାହିଁ। ଆଜି 436 ସେସନରେ 37076 ଟୀକାକରଣର ଟାର୍ଗେଟ ରହିଛି  ବୋଲି ସ୍ୱାସ୍ଥ୍ୟ  ଓ ପରିବାର କଲ୍ୟାଣ  ନିର୍ଦ୍ଦେଶକ  ଡାକ୍ତର ବିଜୟ  ପାଣିଗ୍ରାହୀ  ସୂଚନା ଦେଇଛନ୍ତି l
25 ତାରିଖ ପରେ ନୂଆ ସେସନ ଚୂଡାନ୍ତ ହେବେ। ଓଡ଼ିଶା ସମେତ ବାହାର ରାଜ୍ୟରୁ, କେଉଁଠାରେ ବି ପାର୍ଶ୍ଵ ପ୍ରତିକ୍ରିୟା ହୋଇନି। ସଫଳତା ସହ ଟୀକାକରଣ ଚାଲିଛି। ତେଣୁ ସମସ୍ତଙ୍କ ଭିତରେ ଟୀକାକରଣ ପାଇଁ ଆଗ୍ରହ ବଢିଛି।
3ଲକ୍ଷ38ହଜାର777 ସ୍ୱାସ୍ଥ୍ୟ କର୍ମୀଙ୍କ ତାଲିକା ଆଜି ଯାଏ ପଞ୍ଜିକରଣ ହୋଇଛି ବୋଲି ଶ୍ରୀ ପାଣିଗ୍ରାହୀଙ୍କ ଠାରୁ ପ୍ରକାଶ l
କୋଭିଡ ପୋର୍ଟାଲରେ technical problem ପାଇଁ ଭୁଲ ଭାବେ ଟୀକା ନେଇ ନଥିବା 2 ଜଣ ଲୋକଙ୍କୁ ମେସେଜ ଆସିଥିଲା। ହେଲେ ସେମାନଙ୍କୁ ଡକା ଯାଇ ଟୀକା ଦିଆଯାଇଛି।
ନୂଆ ପଞ୍ଜିକରଣ ବି ଚାଲିଛି। ଟୀକାକରଣ ବେଳେ absent ଥିବା ସ୍ୱାସ୍ଥ୍ୟ କର୍ମୀଙ୍କୁ ପରବର୍ତ୍ତି ତାରିଖ ଦିଆଯାଉଛି।
ଟୀକାକରଣ ମହତ ଉଦ୍ଦେଶ୍ୟ ରଖି ହେଉଛି। ତେଣୁ ଏହାକୁ ଆନ୍ଦୋଳନ କି କଳା ପଟି ସହ ନ ମିଶାଇବାକୁୁ ପରିବାର କଲ୍ୟାଣ ବିଭାଗ ପକ୍ଷରୁ ଅନୁରୋଧ କରାଯାଇଛି । 
  ଆସନ୍ତା ସପ୍ତାହରେ covaxin ଆସିବାର ସମ୍ଭାବନା ରହିଛି।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ନିର୍ଦେଶକ ଡାକ୍ତର ବିଜୟ ପାଣିଗ୍ରାହୀ ସୂଚନା ଦେଇଛନ୍ତି l