25-Apr-2025

ଆଗଲପୁର, (ପ୍ରେରଣା ଖବର) ଆଜି ବଲାଙ୍ଗୀର ଜିଲ୍ଲାର ଆଗଲପୁର ଠାରେ ଜାତୀୟ ଭେଣ୍ଡର ମହାଲକ୍ଷ୍ମୀ ଏଣ୍ଟର୍ ପ୍ରାଇଜେସ ଏମ ଏସ ଏମ ଇ ପିସିବିଆଇ ର ନେସନାଲ ଚେୟାରମ୍ୟାନ ଶ୍ରୀ ବିଭୁତିଭୂଷଣ ଲେଙ୍କା ଙ୍କ ନିର୍ଦେଶକ୍ରମେ ପି. ଏମ ସୂର୍ଯ୍ୟ ଘର୍ ମାଗଣା ବିଜୁଳି ଯୋଜନା ଉପରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମ ରେ ମହାଲକ୍ଷ୍ମୀ ଏଣ୍ଟର୍ ପ୍ରାଇଜେଶ ର ରାଜ୍ୟ ଉପ ସଭାପତି ଶ୍ରୀ ଦିବ୍ୟରାଜ୍ ସାହୁ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବିଜେପୁର ବ୍ଲକ୍ ମୁଖ୍ୟ ମିସ୍ ମନୋରମା ସାହୁ, ପଦ୍ମପୁର ବ୍ଲକ୍ ମୁଖ୍ୟ ଶ୍ରୀ ଦେବେନ୍ଦ୍ର ଭୋଇ, ଲୋଇସିଂହା ବ୍ଲକ୍ ମୁଖ୍ୟ ଶ୍ରୀ ବିକାଶ ଚନ୍ଦ୍ର ରାଏ,ବଲାଙ୍ଗୀର ବ୍ଲକ୍ ମୁଖ୍ୟ ଶ୍ରୀ ଯଜ୍ଞଶ୍ୱର ବେହେରା, ଆଗଲପୁର ବ୍ଲକ୍ ମୁଖ୍ୟ କୈଳାସିନୀ ବେହେରା ପ୍ରମୁଖ ମଂଚାସୀନ ଥିଲେ l ରାଜ୍ୟ ଉପ ସଭାପତି ଶ୍ରୀ ଦିବ୍ୟରାଜ ସାହୁ ଙ୍କ ନେତୃତ୍ବରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଉକ୍ତ କାର୍ଯକ୍ରମ ରେ ବହୁ ସଂଖ୍ୟାରେ ଲୋକେ ଉପସ୍ଥିତ ରହି ଯୋଜନା ବିଷୟରେ ଅବଗତ ହୋଇଥିଲେ l

ଏହି ପି ଏମ ସୂର୍ଯ୍ୟ ଘର ମାଗଣା ବିଜୁଳି ଯୋଜନା ରେ କେମିତି ଲୋକ ମାନେ ଆବେଦନ କରିବେ, କେତେ ଟଙ୍କା ର ସରକାରୀ ଛାଡ, ସେ ବିଷୟରେ ଅତିଥି ମାନେ ବିସ୍ତୃତ ଭାବରେ ବୁଝାଇଥିଲେ। ୧ କିଲୋୱାଟ ପାଇଁ କେତେ ଟଙ୍କା ର ସରକାରୀ ସହାୟତା, ୨ କିଲୋୱାଟ ଓ ୩ କିଲୋୱାଟ ପାଇଁ କେତେ ସରକାରୀ ଅନୁଦାନ ପାଇ ପାରିବେ ସେ ବିଷୟରେ ବିସ୍ତୃତ ଆଲୋଚନା ହୋଇଥିଲା। ସମସ୍ତ ଜନ ସାଧାରଣ ଏ ଯୋଜନା ର ଲାଭ ଉଠାଇବା ପାଇଁ ମୁଖ୍ୟ ଅତିଥି ଶ୍ରୀ ଦିବ୍ୟରାଜ ସାହୁ ସମସ୍ତଙ୍କୁ ଆହ୍ଵାନ କରିଥିଲେ l ଏହି ଯୋଜନା ରେ ସୋଲାର ଲଗାଇଲେ ମାଗଣା ରେ ବିଦ୍ୟୁତ୍ ପାଇ ପାରିବେ ବୋଲି ସୂଚନା ଦେଇଥିଲେ। ମାସକୁ ମାସ ଆଉ ବିଦ୍ୟୁତ୍ ବିଲ୍ ଦେବାକୁ ପଡ଼ିବ ନାହିଁ ବୋଲି କହିଥିଲେ l ଜାତୀୟ ଭେଣ୍ଡର ମହାଲକ୍ଷ୍ମୀ ଏଣ୍ଟର ପ୍ରାଇଜେସ ମାଧ୍ୟମରେ ଲୋକେ ଏହାର ଫାଇଦା ଉଠାଇ ପାରିବେ ବୋଲି ମୁଖ୍ୟ ଅତିଥି ଶ୍ରୀ ସାହୁ ସୁଚିନ୍ତିତ ମତପ୍ରକାଶ କରିଥିଲେ l ଶେଷରେ ମିସ ମନୋରମା ସାହୁ ଧନ୍ୟବାଦ ଅର୍ପଣ କରିବା ସହ ସଭା ସାଙ୍ଗ କରିଥିଲେ l