25-Apr-2025

ବିନିକା(ହିମାଂଶୁ ଶେଖର ପୁଟେଲ)ପରିବାର ପରିପୋଷଣ ପାଇଁ ସବୁଦିନ ସକାଳେ କାମ କରି ଫେରୁଥିଲେ।ହେଲେ ଭାଗ୍ୟ ଲେଖା ସେତିକି ଥିଲା କେଜାଣି ହଠାତ କାମ କରୁଥିବା ବେଳେ ଅସୁସ୍ଥ ହେବାରୁ ଘରକୁ ଫେରି ତୁରନ୍ତ ପରିବାର ଲୋକେ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ ।ଡାକ୍ତର ଦେଖିବା ପରେ ତାଙ୍କୁ ମୃତ ଘୋଷଣା କରିଥିଲେ ।ଘଟଣାଟି ହେଉଛି ବିନିକା ବ୍ଲକ ଅନ୍ତର୍ଗତ ମହଦା ଗାଁର ।ଏହି ଗ୍ରାମର ବିଶ୍ଵନାଥ କାଣ୍ଡଙ୍କ ପୁଅ ସୁନିଲ କାଣ୍ଡ(୨୬) ଗ୍ରାମର ପଙ୍କଜ ନାଏକଙ୍କ ଘର ତିଆରି କାମ ଚାଲିଥିବାରୁ ପ୍ରତିଦିନ ସକାଳେ ସୁନିଲ ସେଠାକୁ ଯାଇ କୁଲି କାମ କରୁଥିଲା ଗତକାଲି ଅର୍ଥାତ ୨୪ତାରିଖ ସକାଳ ୧୧ଘଣ୍ଟା ସମୟରେ ହଠାତ ଅସୁସ୍ଥ ହେବାରୁ ପରିବାର ଲୋକେ ତୁରନ୍ତ ଆମ୍ବୁଲାନ୍ସ ଯୋଗେ ବିନିକା ଡ଼ାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ ।ହେଲେ ଡାକ୍ତର ଦେଖିବା ପରେ ତାଙ୍କୁ ମୃତ ଘୋଷଣା କରିଥିଲେ ।ଏନେଇ ତାଙ୍କ କାକା ଦେବରାଜ କାଣ୍ଡ ଲଛିପୁର ଥାନାକୁ ଆସି ଲିଖିତ ଅଭିଯୋଗ କରି ଘଟଣାର ତଦନ୍ତ ପାଇଁ ନିବେଦନ କରିଛନ୍ତି।ଅନ୍ୟ ପକ୍ଷରେ ବର୍ତ୍ତମାନ ଗ୍ରୀଷ୍ମ ପ୍ରକୋପ ଆଶାତୀତ ଭାବେ ଦିନକୁ ଦିନ ବୃଦ୍ଧି ପାଉଥିବାରୁ ଅଂଶୁଘାତରେ ଯୁବ ଶ୍ରମିକ ସୁନୀଲଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଛି ।ସ୍ଥାନୀୟ ବିନିକା ଡାକ୍ତରଖାନାରେ ମୃତ ସୁନୀଲଙ୍କ ଶବବ୍ୟବଛେଦ କରାଯାଇ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଥିଲା ।ମୃତ ବ୍ୟକ୍ତି ଘରର ଏକମାତ୍ର ରୋଜଗାର କ୍ଷମ ବ୍ୟକ୍ତି ହୋଇଥିବାରୁ ବର୍ତମାନ ପରିବାରରେ ଆର୍ଥିକ ସଙ୍କଟ ସୃଷ୍ଟି କରିଛି ।ତେଣୁ ଗରିବ ପରିବାରକୁ ସରକାରଙ୍କ ତରଫରୁ ଆର୍ଥିକ ସହଯୋଗ କରିବାକୁ ବିଭିନ୍ନ ମହଲରେ ଦାବୀ ହେଉଛି।