25-Apr-2025

ଆଗଲପୁର, (ବିନୋଦ ଦୀପ) ଆଗଲପୁର ଗ୍ରାମ ପଞ୍ଚାୟତ ରେ ନାଏବ ସରପଞ୍ଚ ଶ୍ରୀ ପ୍ରଶାନ୍ତ ମେହେର ଙ୍କ ଦାୟିତ୍ଵ ଗ୍ରହଣ।  ଆଜି ବଲାଙ୍ଗୀର ଜିଲ୍ଲାର ଆଗଲପୁର ବ୍ଲକ ର ଆଗଲପୁର ଗ୍ରାମ ପଞ୍ଚାୟତ ରେ ନାଏବ ସରପଞ୍ଚ ଶ୍ରୀ ପ୍ରଶାନ୍ତ ମେହେରଙ୍କୁ ସରପଞ୍ଚ ଦାୟିତ୍ଵ ପ୍ରଦାନ କରା ଯାଇଛି। ଏ ନେଇ ଜିଲ୍ଲାପାଳ ଙ୍କ ପତ୍ର ସଂଖ୍ୟା 540 ତାରିଖ ଏପ୍ରିଲ 23 2025  ରେ ଏକ ପତ୍ର ପ୍ରକାଶ ପାଇଛି। ପତ୍ର ରେ ଥିବା ଆଦେଶ ମୁତାବକ ନାଏବ ସରପଞ୍ଚ ଶ୍ରୀ ପ୍ରଶାନ୍ତ ମେହେର ଙ୍କୁ ଦାୟିତ୍ଵ ଭାର ସମ୍ଭାଳିବା ପାଇଁ ଉଲ୍ଲେଖ ରହିଛି l ସୂଚନାନୁସାରେ ଆଗଲପୁର ପଞ୍ଚାୟତ ର ସରପଞ୍ଚ ଶ୍ରୀମତୀ ନନ୍ଦିନୀ ମେହେର ଙ୍କୁ ସରକାରୀ ଅର୍ଥ ଆତ୍ମସାତ ଅଭିଯୋଗରେ ବଲାଂଗୀର ଜିଲ୍ଲାପାଳ ତାଙ୍କୁ ପଦବୀରୁ ନିଲମ୍ବନ କରିଛନ୍ତି। ଏ ନେଇ ପଞ୍ଚାୟତ ର ପୂର୍ବତନ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ରାଜ୍ କିଶୋର ପୋଡ଼ ଙ୍କୁ ଜେଲ୍ ମଧ୍ୟ ଯିବାକୁ ପଡ଼ିଥିଲା। ପଞ୍ଚାୟତ କୁ ଆସିଥିବା ବିଭିନ୍ନ ଉନ୍ନୟନମୂଳକ କାମ କରିବା ସକାଶେ ଆସିଥିବା କୋଟି କୋଟି ଟଙ୍କା ର ଅର୍ଥ ଅନିୟମିତତା ଅଭିଯୋଗ ହୋଇଥିଲା। ଏ ସବୁ ଅଭିଯୋଗ ର ତଦନ୍ତ ସରିବା ପରେ ସରପଞ୍ଚ ଶ୍ରୀମତୀ ନନ୍ଦିନୀ ମେହେର ଙ୍କୁ ନିଲମ୍ବିତ କରିଥିଲେ l କିଛି ଦିନ ର ବ୍ୟବଧାନ ପରେ ପଞ୍ଚାୟତ ର ସାମଗ୍ରିକ ବିକାଶ କୁ ଦୃଷ୍ଟିଦେଇ ନାଏବ ସରପଞ୍ଚ ଶ୍ରୀ ପ୍ରଶାନ୍ତ ମେହେର ଙ୍କୁ ଦାୟିତ୍ଵ ଦେଇଛନ୍ତି। ଓ ଆଜି ଆଜି ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ପାଣିଗ୍ରାହୀ ତାଙ୍କୁ ଦାୟିତ୍ଵ ହସ୍ତାନ୍ତର କରିଛନ୍ତି। ଏନେଇ ଆଜି ପଞ୍ଚାୟତ ର ସମସ୍ତ ୱାର୍ଡ ସଭ୍ୟ ସଭ୍ୟା, ଜନ ସାଧାରଣ, ବୁଦ୍ଧିଜୀବୀ ଙ୍କ ଉପସ୍ଥିତିରେ ଦାୟିତ୍ଵ ଅର୍ପଣ କରା ଯାଇଛି l ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ଶ୍ରୀ ମେହେର ଆଗାମୀ ଦିନରେ ପଂଚାୟତ ର ମୌଳିକ ସମସ୍ୟା ର ସମାଧାନ ଦିଗରେ କାମ କରିବା ସହ ଭତ୍ତା, ରାସନକାର୍ଡ, ଆବାସ ଗୃହ ଉପରେ ଗୁରୁତ୍ୱ ଦେବାକୁ ସଂକଳ୍ପ କଲେ l ଉପସ୍ଥିତ ବୁଦ୍ଧାଜୀବୀ ଓ ଜନସାଧାରଣ ମଧ୍ୟ ଶ୍ରୀ ମେହେର ଙ୍କ ଉପରେ ବିଶ୍ୱାସ ଓ ଭରସା ରଖିଛନ୍ତି l