20-Jan-2021

ପଟଣାଗଡ଼, (ଗୋରେଖନାଥ ବରିହା )ବେଳପଡା ବ୍ଲକ ସ୍ଥାନୀୟ ଗିରିଗୋବର୍ଧନ ମନ୍ଦିର ପ୍ରାଙ୍ଗଣରେ କୋଶଲ ରାଜ୍ୟ ସଂମନ୍ଵୟ ସମିତି ର ଏକ ବୈଠକ ଅନୁଷ୍ଠିତ ହୋଇଯାଇଛି । ଆଜିର ବୈଠକରେ କୋଶଲ ରାଜ୍ୟ ସଂମନ୍ଵୟ ସମିତି ର ବ୍ଲକ ସଭାପତି ଶ୍ରୀଯୁକ୍ତ ଜନାର୍ଦନ ସିଂ ସଭାପତିତ୍ୱ କରିଥିଲେ । ଏଥିରେ ସର୍ବ ପ୍ରଥମେ କୋଶଲ ଯୁବ ନେତା ସ୍ବର୍ଗତ ଆଲୋକ ବାଗ ଓ ବିଶିଷ୍ଟ ସମାଜସେବୀ, ଶ୍ରମିକ ନେତା ସ୍ବର୍ଗତ ଲଳିତ ନାଏକ ଙ୍କର ଦେହାନ୍ତ ଯୋଗୁଁ ସଭାରେ ଅମର ଆତ୍ମାର ସଦଗତି ସକାଶେ ୨ମିନିଟ ନିରବ ପ୍ରାର୍ଥନା କରାଯାଇ ଶୋକସନ୍ତପ୍ତ ପରିବାର କୁ ସମବେଦନା ଜଣାଇଛନ୍ତି । ବିଗତ ୨୬ନଂ ଜୋନ୍ ଉପ ନିର୍ବାଚନ ର ସମୀକ୍ଷା ସହ ନିର୍ବାଚନ ରେ ରାଜନୈତିକ ଦଳ କବଳରୁ ଉର୍ଧୁ ରେ ରହି ସବୁ କିଛି ଲୋଭ ଲାଳସା ତ୍ୟାଗ କରିଦେଇ କୋଶଲ ପ୍ରାର୍ଥୀଙ୍କୁ ୧୫୪୦ଭୋଟ ଦେଇଥିବାରୁ ଭୋଟର ଭାଇ ଭଉଣୀ ମାନଙ୍କୁ ସଭାରେ ସଂଗ୍ରାମୀ ଶୁଭେଚ୍ଛା ଜଣାଇଥିଲେ । କୋଶଲ କମିଟି କୁ ତୃଣମୂଳ ସ୍ତରରୁ ମଜବୁତ କରିବା ପାଇଁ ଯୁବକ ମାନଙ୍କୁ ଆହ୍ୱାନ କରାଗଲା  । ଗାଁ ମାନଙ୍କର ଲାଗି ରହିଥିବା  ବିଭିନ୍ନ ସମସ୍ୟା ର ସମାଧାନ କରିବା ପାଇଁ ଜୋରଦାର ପ୍ରୟାସ କରାଯିବ ଓ ଜନସାଧାରଣ ଙ୍କୁ ବିଭିନ୍ନ କାର୍ଯ୍ୟକ୍ରମ କରି ଜନ ସଚେତନ କରାଯିବ । ବେଳପଡା କୁ NAC ମାନ୍ୟତା ,ବେଳପଡା CHC ରେ blood bank, ବେଳପଡା ର ପୁଷ୍କରିଣୀ କୁ ପୁନରୁଦ୍ଧାର ସହ ସୌନ୍ଦର୍ଯ୍ୟ କରଣ, ଅପର କାନ୍ଥ ଡ୍ୟାମ ନିର୍ମାଣ, ଦରଲିମୁଣ୍ଡା ପାହାଡ଼ କୁ ପର୍ଯ୍ୟଟନୀ ସ୍ଥଳୀ ମାନ୍ୟତା , ସର୍ଗିଗୁଡା ରୁ ମଣ୍ଡଳ ମଧ୍ୟରେ ଥିବା ନଦୀରେ ବ୍ରିଜ ନିର୍ମାଣ ,ଧୁମାଭଟା ରୁ କତରଲଗା ମଧ୍ୟରେ ଥିବା କାନ୍ଥ ନଦୀରେ ବ୍ରିଜ ନିର୍ମାଣ ଇତ୍ୟାଦି ଦାବୀ କୁ ନେଇ ଆଗାମୀ ଦିନରେ ଆନ୍ଦୋଳନ କରିବାକୁ ନିଷ୍ପତ୍ତି କରାଗଲା । ଆଜିର ସଭାରେ ହରିଷ ବୁଡେକ, ଅକ୍ଷୟ ବେହେରା,ଗିରିଧାରୀ ଭୋଇ, ସିପୁନ ଖମାରୀ, ବନମାଳୀ ନାଏକ, ଗୁଣନିଧି ବର୍ଗେ, ଜିତୁ ନାଏକ, ଚନ୍ଦ୍ରକାନ୍ତି ସେଟ, ଜୟ ମେହେର, ଯୁଗଳ ମେହେର, ସନ୍ୟାସୀ ନାଏକ, କବି ପ୍ରସାଦ, ଉମେଶ ବନଗୁଲା, ସଞ୍ଜୀବ ଶର୍ମା,ରାଜ କିଶୋର ଛତ୍ରୀଆ,କୈଳାସ ବେହେରା ପ୍ରମୁଖ ଉପସ୍ଥିତ ଥିଲେ । ସଭା ଶେଷରେ ଶ୍ରୀ ମିତ୍ର ବର୍ଗେ ଧନ୍ୟବାଦ ଦେଇଥିଲେ ।