24-Apr-2025

ନୂଆପଡ଼ା: ନୂଆପଡ଼ା ଜିଲ୍ଲା କୋମନା ଥାନା ଅନ୍ତର୍ଗତ ଜେଠୁପାଲି ଗାଁରେ କୋମନା ପୋଲିସ ମଙ୍ଗଳବାର ରାତିରେ ଏକ ଜୁଆ ଆଡ୍ଡା ଉପରେ ଚଢଉ କରି ୬ଜଣଙ୍କୁ ଗିରଫ କରିଛି। ସେମାନଙ୍କଠାରୁ ନଗଦ ୪୮ହଜାର ୨୨୫ ଟଙ୍କା, ଗୋଟିଏ ବୋଲେରୋ, ଗୋଟିଏ ମାରୁତି ସୁଜୁକି କାର୍, ୧୦ ବାଇକ୍ ଜବତ କରାଯାଇଛି। ସୂଚନା ମୁତାବକ କୋମନା ଥାନା ପୋଲିସ ଜେଠୁପାଲି ଗ୍ରାମ ନିକଟ ଜଙ୍ଗଲରେ ଜୁଆଆଡ୍ଡା ଚାଲିଥିବା ଖବର ପାଇ ନୂଆପଡା ଅରକ୍ଷୀ ଅଧୀକ୍ଷକ ଗୁଣ୍ଡଲା ରେଡ୍ଡୀ ରାଘବେନ୍ଦ୍ରଙ୍କୁ ଜଣାଇଥିଲେ। ପରେ ଏସ୍‌ପିଙ୍କ ନିର୍ଦ୍ଦେଶରେ ଏକ ଟିମ୍ ରାତି ପ୍ରାୟ ୧୦ଟାରେ ଉକ୍ତ ଜଙ୍ଗଲରେ ଚଢାଉ  କରି କରିଥିଲା। ଏହି ସମୟରେ ପୋଲିସ କୋମନା ବ୍ଳକ ଓ ପଡୋଶୀ ବଲାଙ୍ଗୀର ଜିଲା ଲାଠୋର ଅଞ୍ଚଳର କେତେଜଣ ବ୍ୟକ୍ତି ଜୁଆ ଖେଳୁଥିବା ଦେଖ‌ିବାକୁ ପାଇଥିଲା। ସେଥ୍ରୁ ଜୁଆ ଖେଳାଇବା ଓ ଜୁଆ ଖେଳିବା ଅଭିଯୋଗରେ ୬ଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ନେଇ ଜିଲା ପୋଲିସ ମୁଖ୍ୟାଳୟଠାରେ ଆୟୋଜିତ  ଖବରଦାତା ସମ୍ମିଳନୀରେ ଏସ୍‌ପି ରାଘବେନ୍ଦ୍ର  ସୂଚନା ଦେଇଛନ୍ତି । ସେମାନଙ୍କ ମଧ୍ୟରୁ ପୋଲିସ ୨୩ ଜଣଙ୍କୁ ଅଟକ ରଖି ପଚରାଉଚୁରା କରିଥିଲା।ନୂଆପଡା ଜିଲ୍ଲା ରୁ ପରମେଶ୍ୱର ମେହେର ରିପୋର୍ଟ