24-Apr-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ସହର ଦୈନନ୍ଦିନ ବଜାର ନିକଟରେ ଥିବା ମାତାମଠ ପୂଜକ କ୍ଷେତ୍ର ମୋହନ ବଡ଼ପଣ୍ଡା(୮୮)ବର୍ଷ ବୟସରେ ଆଜି ସକାଳ ୧୦ଘଣ୍ଟା ସମୟରେ ପରଲୋକ ଘଟିଛି। ପୂଜକ ଶ୍ରୀ ବଡ଼ପଣ୍ଡା ସବୁଦିନ ପରି ଆଜି ମଧ୍ୟ ନିତ୍ୟକର୍ମ ସାରି ମନ୍ଦିରକୁ ଦର୍ଶନ ପାଇଁ ଆସି ଘରକୁ ଫେରିଥିଲେ ।ହେଲେ ଭଲ ଲାଗୁନାହିଁ ବୋଲି ପରିବାର ବର୍ଗଙ୍କୁ କହି ବିଶ୍ରାମ ନେଇଥିଲେ ।ବିଶ୍ରାମ ନେଇଥିବାର କିଛି ସମୟ ପରେ ତାଙ୍କର ପରଲୋକ ଘଟିଥିଲା ।ଖବର ପ୍ରଚାରିତ ହେବା ପରେ ପରିବାର ବର୍ଗଙ୍କ ସହ ବହୁ ବ୍ୟକ୍ତି ବିଶେଷ ଘରକୁ ଆସି ତାଙ୍କର ଶେଷ ଦର୍ଶନ କରିଥିଲେ।ପରେ ଅଞ୍ଚଳର ମାନ୍ୟଗଣ୍ୟ ବ୍ୟକ୍ତି ବିଶେଷ,ଦୁର୍ଗା ପୂଜା କମିଟି ସଦସ୍ୟଙ୍କ ଉପସ୍ଥିତିରେ  ସ୍ଥାନୀୟ ସ୍ଵସାନ ଘାଟରେ ତାଙ୍କର ଅନ୍ତ୍ୟେଷ୍ଟିକ୍ରିୟା ସମ୍ପନ୍ନ କରାଯାଇଥିଲା ।ବଡ଼ପୁଅ ସୁବାସ ବଡ଼ପଣ୍ଡା ମୁଖାଗ୍ନୀ ପ୍ରଦାନ କରିଥିଲେ ।ସ୍ବର୍ଗତ ବଡ଼ପଣ୍ଡା ଜଣେ ସ୍ଵଭାବ, ପରୋପକାରୀ,ଧର୍ମପରାୟଣ ତଥା ଆଦର୍ଶବାନ ପୂଜାରୀ ଭାବେ ଦାୟିତ୍ଵ ନିର୍ବାହ କରି ସମସ୍ତଙ୍କ ପ୍ରିୟପାତ୍ର ହୋଇଥିଲେ ।ତାଙ୍କ ପରଲୋକରେ ଅଞ୍ଚଳବାସୀଙ୍କ ଠାରେ ଶୋକର ଛାୟା ଖେଳିଯାଇଛି ।