23-Apr-2025

ବଲାଙ୍ଗୀର (ପ୍ରେରଣା ଖବର):  ବଲାଙ୍ଗୀର ପତିତପାବନ ଏକାଡେମୀର ପୂର୍ବତନ ପ୍ରଧାନ ଶିକ୍ଷକ ତଥା ଛାତ୍ରବତ୍ସଳ ଶିକ୍ଷକ ଶରତ ଚନ୍ଦ୍ର ଦୀକ୍ଷିତ ଙ୍କ ପରଲୋକରେ ଆଜି ପି. ପି ଏକାଡେମୀ ଆଲୁମିନି ଏସୋସିଏସନ ତରଫରୁ ଏକ ଶୋକସଭା ସ୍କୁଲ ପରିସରରେ ଅନୁଷ୍ଠିତ ହୋଇଯାଇଛି l ପ୍ରଥମେ ଏହି ଅମର ଆତ୍ମାର ସଦ୍ ଗତି ନିମନ୍ତେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l ପି.ପି ଏକାଡେମୀ ଆଲୁମିନି ଏସୋସିଏସନ ର ସଭାପତି ସାଏଦ ଅଫତାବ ହୁସେନଙ୍କ ଆବାହକତ୍ବରେ ଅନୁଷ୍ଠିତ ଏହି ଶୋକସଭାରେ ପୂରାତନ ଛାତ୍ର ମନୋରଞ୍ଜନ ସାହୁ,  ଦତ୍ତାନନ୍ଦ ପଣ୍ଡା, ଶଶୀଭୂଷଣ ପୁରୋହିତ, ଦୀପକ ବରାଳ, ହେମନ୍ତ ପଣ୍ଡା, ରଘୁ ନନ୍ଦନ ସିଂହ, ସନ୍ତକ ବହିଦାର, ବାସୁଦେବ ଦାସ, ଧୀରଜ ସାହୁ, ଦିବାକର ହୋତା, ପ୍ରଭାସ ପାଣିଗ୍ରାହୀ, ନାସିର ଖାଁ ପ୍ରମୁଖ ସ୍ଵର୍ଗତ ଶରତ ଚନ୍ଦ୍ର ଦୀକ୍ଷିତଙ୍କ ଶିକ୍ଷାଦାନ ଶୈଳୀ,ବ୍ୟକ୍ତିତ୍ୱ ଓ ଶିକ୍ଷକତା ଜୀବନର ବିଭିନ୍ନ ଦିଗ ସମ୍ପର୍କରେ ସ୍ମୃତିଚାରଣ କରିଥିଲେ l ଏହି ଶୋକସଭାରେ ପି ପି ଏକାଡେମୀ ର ବହୁ ପୂରାତନ ଛାତ୍ର ଯୋଗ ଦେଇଥିଲେ l