21-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ପ୍ରବଳ ଗ୍ରୀଷ୍ମପ୍ରବାହ ପରିଲକ୍ଷିତ ହେଉନଥିବା ବେଳେ ବରଗଡ଼ ଜିଲ୍ଲା ଗାଇସିଲେଟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ନାହିଁ ନଥବା ଅସୁବିଧା ଦେଖିବାକୁ ମିଳୁଛି।ଏ ଅଞ୍ଚଳର ଏକମାତ୍ର ନିର୍ଭରଯୋଗ୍ୟ ସରକାରୀ ଡାକ୍ତରଖାନାରେ ପ୍ରତ୍ୟେହ ବିଭିନ୍ନ ଗ୍ରାମାଞ୍ଚଳର ରୋଗୀଙ୍କ ଭିଡ଼ ଲାଗି ରହିଥାଏ। କିନ୍ତୁ ରୋଗୀଙ୍କ ବସିବା ପାଇଁ ଏଠାରେ କୈାଣସି ବ୍ୟବସ୍ଥା ନାହିଁ।ଏଏପରିକି ରୋଗୀଙ୍କ ପାଇଁ ସରକାରୀ ଔଷଧ ପର୍ଯ୍ୟାପ୍ତ ପରିମାଣର ନଥିବା ଜଣାପଡିଛି । ଏଭଳି ପରିସ୍ଥିତିରେ ଗତି କରୁଥିବା ଏକ ମାତ୍ର ସରକାରୀ ଡାକ୍ତରଖାନାର ଖବର ଲୋକଙ୍କ ଠାରୁ ଅଭିଯୋଗ ପରେ ଗାଇସିଲେଟ ଜିଲ୍ଲା ପରିଷଦ ସଭ୍ୟା ତଥା ବିଜେପି ର ବରିଷ୍ଠ ନାରୀନେତ୍ରୀ ଝରଣା ପାଣିଗ୍ରାହୀ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ ସମୟରେ ଲୋକଙ୍କ କହିବା ଅନୁଯାୟୀ ଅବ୍ୟବସ୍ଥା ହୃଦୟଙ୍ଗମ କରିବା ପରେ ସ୍ଥାନୀୟ ଡାକ୍ତରଙ୍କ ସହ ଆଲୋଚନା କରିଥିଲେ। ଶେଷରେ ଏଭଳି ଅବସ୍ଥା ସମ୍ପର୍କରେ ଗାଇସିଲେଟ ବ୍ଲକ ବିଡ଼ିଓ ଏବଂ ସିଡିଏମଓ ବରଗଡ଼ଙ୍କୁ ଅବଗତ କରି ଅତି ଶିଘ୍ର ଏହାର ସମାଧାନ ଦିଗରେ ପଦକ୍ଷେପ ନେବାକୁ ଅନୁରୋଧ କରିଛନ୍ତି।