18-Apr-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସତସଙ୍ଗ ବିହାର ଠାରେ କଣ୍ଟାମାଳ ବିଜୁ ଜନତା ଦଳ ତରଫରୁ ଦିନ ୧୧ଘଣ୍ଟା ସମୟରେ ପ୍ରବାଦ ପୁରୁଷ ପୂର୍ବତନ ମୁଖ୍ୟମନ୍ତ୍ରୀ ତଥା ମହାନ ଜନନାୟକ ସ୍ବର୍ଗତ ବିଜୁ ପଟ୍ଟନାୟକ ଙ୍କ ତିରୋଧାନ ଦିବସ ପାଳିତ ହୋଇଯାଇଛି  l  କଣ୍ଟାମାଳ ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପକ୍ଷରୁ କଣ୍ଟାମାଳ ସତସଙ୍ଗ ବିହାର ସ୍ଥିତ ବିଜୁ ପଟ୍ଟନାୟକ ଙ୍କ ପ୍ରତିମୂର୍ତ୍ତି ରେ ପୂର୍ବତନ କଣ୍ଟାମାଳ ବିଧାୟକ ମହୀଧର ରଣା ସହ ବିଜେଡି କର୍ମକର୍ତ୍ତା ମାନେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ   l   ବିଜୁ ବାବୁଙ୍କ ନୀତି ଆଦର୍ଶ ରାଜ୍ୟବାସୀଙ୍କ ପ୍ରତି

ଆମର ସେବା ମନୋଭାବ ର ପଥ ପ୍ରଦର୍ଶକ ହେବ ବୋଲି ପୂର୍ବତନ ବିଧାୟକ ଶ୍ରୀ ରଣା ଉପସ୍ଥିତ ନେତୃ ମଣ୍ଡଳୀ ଓ କର୍ମୀ ମାନଙ୍କୁ ଆହ୍ୱାନ ଦେଇଥିଲେ   l  ବିଜୁ ପଟ୍ଟନାୟକ ଅମର ରହେ ସ୍ଲୋଗାନ ସହ ଓଡ଼ିଶାର କର୍ଣ୍ଣଧାର ତଥା ଅଦ୍ୱିତୀୟ ନେତା ବିଜୁ ବାବୁଙ୍କ ସ୍ମୃତିଚାରଣ କରିଥିଲେ  l  ଅନ୍ୟମାନଙ୍କ ମଧ୍ୟରେ କଣ୍ଟାମାଳ ବ୍ଲକ ଉପାଧ୍ୟାକ୍ଷ ମହେନ୍ଦ୍ର ରଣା,ଜିଲ୍ଲା ବିଜେଡି ଉପସଭାପତି ରାଧାବଲ୍ଲଭ ପ୍ରଧାନ, ଯୁବ ବିଜେଡି ସଭାପତି ଶମ୍ଭୁ ପ୍ରସାଦ ସାହୁ, ବ୍ଲକ ବିଜେଡି ସଭାପତି ପ୍ରେମରାଜ ରଣା,ରେଙ୍ଗାଲି ସରପଞ୍ଚ ପ୍ରତିନିଧି ପ୍ରମୋଦ ରଣା,ଫିରିଙ୍ଗିଆ ବ୍ଲକ ଉପାଧ୍ୟକ୍ଷ ଅଜିତ ସାହୁ, ଲକ୍ଷ୍ମଣ ସାହୁ,ଦୁଶାସନ ସାହୁ, ଶତ୍ରୁଘନ ଶତପଥି, ରୁଷଭ କର୍ମୀ,ବିପିନ ପ୍ରଧାନ  ସମେତ ବହୁ ବିନେଡି କର୍ମୀ ଉପସ୍ଥିତ ଥିଲେ  l