19-Jan-2021

 ନୟାଗଡ଼, (ପ୍ରଦୀପ କୁମାର ପଣ୍ଡା) : ନୟାଗଡ଼ ଜିଲ୍ଲା ଗଣିଆ ରେ ସରକାରୀ କର୍ମଚାରୀ ଙ୍କ ମନ ମୁଖୀ କାର୍ଯ୍ୟ କୁ ଅଙ୍ଗୁଳି ନିର୍ଦେଶ କରିଛି କଂଗ୍ରେସ | ଏପରିକି ଗଣିଆ ରେ ବିଜେଡି ଶାସନ ଜନସାଧାରଣ ଙ୍କ ଆଖିରେ ଧୂଳି ପକାଇ ସମସ୍ତ ଉନ୍ନୟନ ମୂଳକ କାର୍ଯ୍ୟ କୁ କାଗଜ କଲମ ଚାଷ ରେ ସୀମିତ ରଖିବା ର ଦୃଷ୍ଟି ଆକର୍ଷଣ କରିଛି କଂଗ୍ରେସ | ରାଜୀବ ଗାନ୍ଧୀ ଜନସେବା କେନ୍ଦ୍ରକୁ ଗୋଦାମ ଘର ବନାଇ ମନମୁଖୀ କାର୍ଯ୍ୟ କରୁଥିବା ସହିତ ବିନା ପଲ୍ଲିସଭା ରେ ସମସ୍ତ ଉନ୍ନୟନ କାର୍ଯ୍ୟ ଗୁଡିକୁ ସରକାରୀ ଯନ୍ତ୍ରୀ ଙ୍କ ନାମରେ କାର୍ଯ୍ୟାଦେଶ କରିବା ଏକଛତ୍ରବାଦ ବିଜେଡି ଶାସନ ବୋଲି କଂଗ୍ରେସ ପ୍ରେସମିଟ ରେ ଆଲୋଚନା  ହୋଇଛି | ଦଶପଲ୍ଲା ନିର୍ବାଚନ ମଣ୍ଡଳୀ ର ଯୁବ କଂଗ୍ରେସ ସଭାପତି ଚିତ୍ତ ରଞ୍ଜନ ମହାଳିକ ଙ୍କ ନେତୃତ୍ୱ ରେ ଆଜି ଗଣିଆ ବଜାର ସ୍ଥିତ ଗାନ୍ଧୀ ମଣ୍ଡପ ଠାରେ ଏକ ପ୍ରେସ ମିଟ ରେ ରାଜୀବ ଗାନ୍ଧୀ ପଞ୍ଚାୟତ ରାଜ ର ଉପଦେଷ୍ଟା ସୁକାନ୍ତ କୁମାର ଶତପଥୀ, ପୂର୍ବତନ ବ୍ଳକ କଂଗ୍ରେସ ସଭାପତି ସୁରଜ କୁମାର ମହାଳିକ , ଗଣିଆ ବ୍ଳକ କଂଗ୍ରେସ ର ସେକ୍ରେଟେରୀ ସୁନୀଲ କୁମାର ପରିଡା, ବରିଷ୍ଠ କଂଗ୍ରେସ କର୍ମୀ ପ୍ରଶନ୍ନ କୁମାର ସାହୁ, ହରିଜନ ସେଲ ସଭାପତି ଗୌରାଙ୍ଗ ନାୟକ, ବରିଷ୍ଠ କଂଗ୍ରେସ କର୍ମୀ ନିର୍ମଳ ରଥ, ଗଣିଆ ବ୍ଳକ କଂଗ୍ରେସ ସଭାପତି ସନ୍ତୋଷ ରାଉତ, ଉପସଭାପତି ହଲିମ ଖାଁ, ବରିଷ୍ଠ କର୍ମୀ ପ୍ରଦୀପ ସାହୁ ପ୍ରମୁଖ ଉପସ୍ଥିତ ଥିଲେ | ଗଣିଆ ବ୍ଳକ ଉନ୍ନୟନ ଅଧିକାରୀ ଙ୍କୁ ଏକ ଦାବି ପତ୍ର ପ୍ରଦାନ କରିଥିଲେ ଏହି କଂଗ୍ରେସ ଦଳ | ଗଣିଆ ବ୍ଲକ ରେ ଏକ ଛତ୍ରବାଦ ଶାସନ ର ଜନସାଧାରଣ ଙ୍କ ଦୃଷ୍ଟି ଆକର୍ଷଣ କରିବା ଏହି ପ୍ରେସ ମିଟ ତଥା ଶୋଭାଯାତ୍ରା ର ମୁଖ୍ୟ ଆଭିମୁଖ୍ୟ ଥିଲା | ଦାବିପତ୍ର ରେ ଦାବି ଥିଲା କି ବିଡିଓ ଶ୍ରୀଯୁକ୍ତ ପଟେଲ ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଡାକ୍ତର ଅଭାବ, ଆଦର୍ଶ ଶୌଚାଳୟ ବ୍ୟବହାର ଉପଯୋଗୀ ହେବା ପୂର୍ବରୁ ଏହାର ଉଦଘାଟନ, ରାଜୀବ ଗାନ୍ଧୀ ଜନ ସେବା କେନ୍ଦ୍ର କୁ ଗୋଦାମ ଘର ବନାଇ ଭଡା ଦିଆଯିବା ବିଷୟରେ, କାଳିଆ ଯୋଜନା ରୁ ବଞ୍ଚିତ ହିତାଧିକାରୀ ଙ୍କ ଦୁଃଖ ପ୍ରଭୃତି ଉପରେ ତଦନ୍ତ କରି ଉପଯୁକ୍ତ କାର୍ଯ୍ୟାନୁଷ୍ଠାନ ନେବା ସହିତ ଗଣିଆ ଅଞ୍ଚଳ ର ସର୍ବାଙ୍ଗୀନ ଉନ୍ନତି ଉପରେ ଦୃଷ୍ଟି ଦେବା ଆବଶ୍ୟକ |