13-Apr-2025

କନ୍ଧମାଳ ଜିଲ୍ଲା ଟିକାବାଲି ଏ.ଏମ୍. ସି. ଏସ୍ କଲେଜରେ ୦୧/୦୪/୨୦୨୫ ଠାରୁ ୧୪/୦୪/୨୦୨୫ ପର୍ଯ୍ୟନ୍ତ ଓଡ଼ିଆ ପକ୍ଷ- ୨୦୨୫  ପାଳନ କରାଯାଉଛି। ଓଡ଼ିଶା ସରକାରଙ୍କର ଯେଉଁ ଆଭିମୁଖ୍ୟ ରହିଛି ପ୍ରତ୍ୟେକ ଛାତ୍ରଛାତ୍ରୀ ଭିତରେ ଓଡ଼ିଆ ଭାଷା, ସାହିତ୍ୟ, କଳା, ସଂକୃତି ଓ ଏୈତିହକୁ ବୁଝି କିପରି ବିକାଶ କରିପାରିବେ ତାହା ଉଚ୍ଚଶିକ୍ଷା ବିଭାଗ ତରଫରୁ ନିର୍ଦ୍ଦେଶ ରହିଛି। ଟିକାବାଲି ମହାବିଦ୍ୟାଳୟରେ ପ୍ରବନ୍ଧ, ଗଳ୍ପ, ଓ କବିତା ପ୍ରତିଯୋଗିତା କରାଯାଇଥିଲା। ଗଳ୍ପରେ ଜ୍ଞାନେଶ୍ବର ସାହୁ, ଲିନା ନାୟକ, ସଂଗୀତା ନାୟକ କବିତାରେ ସଲମା ମହାପାତ୍ର, ଉମାଲତା କହଁର, ନାହୁମ୍ ପ୍ରଧାନ ଏବଂ ପ୍ରବନ୍ଧରେ ବଳରାମ ବେହେରା, ତୃପ୍ତିମୟୀ ରଥ, ଶିବାନୀ ମଳିକ ଏହି ନଅ ଜଣ ପ୍ରତିଯୋଗୀ ସଫଳତା ପାଇଥିଲେ।ଏହି ସଫଳ ପାଇଥିବା ପ୍ରତିଯୋଗୀ କନ୍ଧମାଳ ଜିଲ୍ଲା ଫୁଲବାଣୀ ସଂସ୍କୃତି ବିଭାଗ ପକ୍ଷରୁ ଅନୁଷ୍ଠିତ ହୋଇଥିବା ଓଡ଼ିଆ ପକ୍ଷ ୨୦୨୫ ଯୁବ

ଲେଖନ ସମ୍ମିଳନୀ ପ୍ରତିଯୋଗିତାରେ ଯୋଗ ଦେଇଥିଲେ। ଗଳ୍ପରେ ଛାତ୍ର ଜ୍ଞାନେଶ୍ବର ପ୍ରଥମ ସ୍ଥାନ ପାଇ ରାଜ୍ୟସ୍ତରରେ ଅଂଶଗ୍ରହଣ କରିବାର ସୁଯୋଗ ପାଇଥିବା ବେଳେ ଛାତ୍ରୀ ତୃପ୍ତିମୟୀ ମହାପାତ୍ର ପ୍ରବନ୍ଧରେ ତୃତୀୟ ସ୍ଥାନ ପାଇଥିଲେ। ଅଧ୍ୟାପକ ରାଜେନ୍ଦ୍ର କୁମାର ନାୟକ ଓଡ଼ିଆ ପକ୍ଷ ପାଳନର ନୋଡାଲ ଅଫିସର ଭାବେ କଲେଜ ପ୍ରତିଯୋଗିତା ପରିଚାଳନା କରି ଛାତ୍ରଛାତ୍ରୀଙ୍କୁ ନେଇ ଜିଲ୍ଲା ସ୍ତରରେ ଯୋଗଦେଇଥିଲେ। ଏହି ତିନିଜଣ କଲେଜ ପାଇଁ ଗୌରବ ଆଣିଥିବାରୁ ଅଧ୍ୟକ୍ଷ ଦୀନବନ୍ଧୁ ମହାନ୍ତି କୃତଜ୍ଞତା ଜଣାଇଛନ୍ତି।

(ଟିକାବାଲି ରୁ ରାଜକିଶୋର ପ୍ରଧାନଙ୍କ ରିପୋର୍ଟ)