10-Apr-2025

ପଦ୍ମପୁର(ନିରଞ୍ଜନ ତ୍ରିପାଠୀ): ବଲାଙ୍ଗୀର ଶିକ୍ଷା ଜିଲ୍ଲାର ଛାତ୍ରଛାତ୍ରୀ ମାନେ  ଖପ୍ରାଖୋଲ ଏବିଇଓ ରୁଦ୍ରଦେବ ଷଡ଼ଙ୍ଗୀଙ୍କ ନେତୃତ୍ବରେ ୨୩୬ ଜଣ ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ ଓ ଅବିଭାବକ ରାଜ୍ୟସ୍ତରରେ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପ୍ରାପ୍ତ ସରକାରୀ ଉଚ୍ଚ ବିଦ୍ୟାଳୟ ପାଇକମାଲ ପରିଦର୍ଶନ କରିଛନ୍ତି। ବିଦ୍ୟାଳୟର ବିଜ୍ଞନାଗାର , ପାଠାଗାର,ଆଇ ଟି କକ୍ଷ, ଆର ଏମ୍ କକ୍ଷ,ଭୂଗୋଳ ପ୍ରୟୋଗଶାଳା ଓ ବିଦ୍ୟାଳୟ ପରିସରରେ ଥିବା ପ୍ରେକ୍ଷାଳୟ,ବ୍ୟାୟାମଶାଳା, ଔଷଧୀୟ ବଗିଚା ପରିଦର୍ଶନ କରି ସମସ୍ତ ବ୍ୟବସ୍ଥାର ଭୂୟସୀ ପ୍ରଶଂସା

କରିଥିଲେ। ଏବିଇଓ ରୂଦ୍ରଦେବ ଷଡ଼ଙ୍ଗୀଙ୍କ ସହିତ,୬ ଜଣ ସିଆରସିସି, ୬ ଜଣ ପ୍ରଧାନ ଶିକ୍ଷକ,୧୬ ଜଣ ଶିକ୍ଷକ ଶିକ୍ଷୟିତ୍ରୀ ଓ ୮ ଜଣ ବ୍ଳକ ସହକର୍ମୀ ପରିଦର୍ଶନରେ ଆସିଥିଲେ ।ପାଇକମାଲ ଉଚ୍ଚ ବିଦ୍ୟାଳୟର ଶିକ୍ଷକ ରଜତ କୁମାର ସାହୁ, ଲଳିତ କୁମାର ବିଶ୍ବାଳ, ମନୋଜ କୁମାର ସାହୁ ଓ ଜଗବନ୍ଧୁ ସ୍ବାଧୀନ ସମସ୍ତଙ୍କୁ ବିଦ୍ୟାଳୟ ପରିଦର୍ଶନରେ ସାହାଯ୍ୟ କରିଥିଲେ।