10-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ବିଜେପୁର ସ୍ଥିତ ପ୍ରକୃତି ବିହାର ରେ ଗଢ଼ି ଉଠି ଥିବା ଏକମାତ୍ର ସୁନାମ ଧନ୍ୟ ଶିକ୍ଷାନୁଷ୍ଠାନ ରେଡ଼ିଏନ୍ସ୍ ଇନଷ୍ଟିଚ୍ୟୁଟର ଦଶମ ପ୍ରତିଷ୍ଠା ଦିବସ ଓ ବାର୍ଷିକୋତ୍ସବ "ୟୁଫୋରିଆ-୨୦୨୫" ସଭାପତି ତଥା ଚେୟାରମେନ ଶ୍ରୀଯୁକ୍ତ ଅଜିତ କୁମାର ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଅଧ୍ୟକ୍ଷ ପ୍ରଫେସର ଘନଶ୍ୟାମ ମେହେର ସ୍ଵାଗତ ଅଭିଭାଷଣ ସହିତ ଅନୁଷ୍ଠାନର ସୃଷ୍ଟି ଠାରୁ ଆଜି ପର୍ଯ୍ୟନ୍ତ ସମସ୍ତ କୃତିତ୍ୱ ଉପରେ କହି ସ୍ୱର୍ଗତଃ ଠାକୁର ଚରଣ ମେହେରଙ୍କ ଦେଇଥିବା ଗୁରୁ ମନ୍ତ୍ରକୁ ଦୋହରାଇ ଭାବ ବିହ୍ୱଳ ହୋଇପଡ଼ିଥିବା ବେଳେ, ଚେୟାରମେନ ଶ୍ରୀ ମେହେର ନିଜ ସମସ୍ତ କର୍ମକର୍ତ୍ତା ଉଚିତ କର୍ମ, ନିଷ୍ଠା ଓ ଏକତା ଦ୍ଵାରା ସମସ୍ତ କାର୍ଯ୍ୟ ସମ୍ପାଦନା କରୁଥିବାରୁ ସଫଳତା ହାସଲ ହେଉଛି ବୋଲି ମତ ବ୍ୟକ୍ତ କରିଥିଲେ। ବିଜେପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀମାନ ସନତ କୁମାର ଗଡତୀୟା ମୁଖ୍ୟ ଅତିଥି ଭାବେ ଯୋଗଦେଇ ତାଙ୍କ ବକ୍ତବ୍ୟରେ ଛାତ୍ର ଜୀବନରେ ସଂଘର୍ଷ ଦ୍ଵାରା ହିଁ ଲକ୍ଷ୍ୟସ୍ଥଳକୁ ପହଞ୍ଚି ପାରିବେ ଓ ଅନୁଷ୍ଠାନର ସ୍ୱତନ୍ତ୍ରତା ରହିଛି ଆଗକୁ ଆହୁରି ଲୋକାଭିମୁଖୀ ହେବ ଏବଂ ସ୍ବର୍ଗତ ଠାକୁର ଚରଣ ମେହେର କେବଳ ଏହି ଅନୁଷ୍ଠାନ ନୁହେଁ ବିଜେପୁର ମହାବିଦ୍ୟାଳୟର ମାର୍ଗଦର୍ଶକ ତଥା କର୍ଣ୍ଣଧାର ଥିଲେ ବୋଲି ମତବ୍ୟକ୍ତ କରିଥିଲେ । ସମ୍ମାନିତ ଅତିଥି ବରଗଡ ରୋଟାରୀ କ୍ଲବର ସଭାପତି ଶ୍ରୀଯୁକ୍ତ ପ୍ରମୋଦ ଅଗ୍ରୱାଲ ରେଡ଼ିଏନ୍ସ୍ ର ପ୍ରକୃତି ଏବଂ  ଛାତ୍ର ଜୀବନ ଲକ୍ଷ କିପରି ସାଧନ ହେବ ତାର ଉପରେ ବକ୍ତବ୍ୟ ପ୍ରଦାନ କରିଥିଲେ। ମୁଖ୍ୟବକ୍ତା ବିଜେପୁର ମହାବିଦ୍ୟାଳୟର ଅବସର ପ୍ରାପ୍ତ ଓଡ଼ିଆ ପ୍ରାଧ୍ୟାପକ ବେବନ୍ତ କୁମାର ମେହେର ଛାତ୍ରଛାତ୍ରୀ ମାନଙ୍କ ଶୃଙ୍ଖଳାକୁ ପ୍ରଶଂସା କରି ଜଣେ ସୁଯୋଗ୍ୟ ପୁତ୍ର କିପରି ବାପାଙ୍କ ସ୍ବପ୍ନ କୁ ସାକାର ତଥା ତାଙ୍କ ସମସ୍ତ କାର୍ଯ୍ୟକୁ କିପରି କାନ୍ଧେଇ ନେଇଛନ୍ତି ସେ ଉପରେ ଆଲୋଚନା କରି ଅନୁଷ୍ଠାନର ଛାତ୍ରଛାତ୍ରୀ ମାନଙ୍କର ପୂର୍ବ ପରୀକ୍ଷା ଫଳାଫଳ ଉପରେ ବକ୍ତବ୍ୟ ରଖି ଅଧ୍ୟକ୍ଷ ଓ ଚେୟାରମେନଙ୍କ ନେତୃତ୍ବକୁ ପ୍ରଶଂସା କରିଥିଲେ। ଅନୁଷ୍ଠାନର ଏକାଡେମୀ ଡାଇରେକ୍ଟର ଗୋବିନ୍ଦ ମେହେର ସଫଳତା ମୂଳମନ୍ତ୍ର ଓ ରଣନୀତି ଉପରେ ବ୍ୟାଖ୍ୟା କରିଥିଲେ । ଅନୁଷ୍ଠାନର ଏଡମିନିଟେଷ୍ଟିବ ଡାଇରେକ୍ଟର ନେତ୍ରାମଣୀ ମେହେର,ରେଡ଼ିଏନ୍ସ୍ ପରିଚାଳନା କମିଟିର ସମସ୍ତ ସଦସ୍ୟ,  ଅଧ୍ୟାପକ ଆଲୋକ ପୋଢ଼, ଲୟକାନ୍ତ କୁମ୍ଭାର,ଅଧ୍ୟାପିକା ରିତା ପଧାନ,ନୀଲମ ସାହୁ , ହେଲିସା ବେହେରା,ଜ୍ୟୋତି ପଧାନ, ଦୀପାଞ୍ଜଳି ମେହେର,ଶିକ୍ଷକ ଜୟନ୍ତ ସାହୁ,ଧର୍ମରାଜ ସାହା,ଲାଲବାବୁ ବରିହା,ମୃଣାଳ ମେହେର,ଶିକ୍ଷୟତ୍ରୀ ମମତା ମେହେର, ଉମା ଗଡତିଆ, ଭାରତୀ ଗଡତିଆ,ସ୍ୱାଗତିକା ପଣ୍ଡା, ମମତା ବାରିକ,କରୁଣା ପଣ୍ଡା, ବର୍ଷା ଆଗମନୀ ସାହୁ, ମିନତି,ସନ୍ତୋଷ ବାରିକ,ରୋହିତ ଭୋଇ,ବରୁଣ ମେହେର,ଉପେନ୍ଦ୍ର ବେହେରା,କିଶୋର ମାହାନା ଓ ସମସ୍ତ କର୍ମଚାରୀ, ଛାତ୍ରଛାତ୍ରୀ, ଅଭିଭାବକ ମଣ୍ଡଳୀ , ସାମ୍ବାଦିକ ବନ୍ଧୁ ଓ ବିଜେପୁର ଅଞ୍ଚଳର ଅନେକ ବୁଦ୍ଧିଜୀବି ସଭାରେ ଉପସ୍ଥିତ ଥିଲେ।ସ୍କୁଲ ର ଅଧ୍ୟକ୍ଷା ଶ୍ରୀମତୀ ମୋହିନୀ ମେହେର ବାର୍ଷିକ ବିବରଣୀ ପାଠ କରିଥିବା ବେଳେ କଲେଜ ଉପାଧ୍ୟକ୍ଷ ଶ୍ରୀ ସଞ୍ଜୟ ବାରିକ ମଞ୍ଚ ପରିଚାଳନା କରିଥିଲେ। ଉଚ୍ଚ ମାଧ୍ୟମିକ ବାର୍ଷିକ ପରୀକ୍ଷା-୨୦୨୪ ରେ ରେଡ଼ିଏନ୍ସ୍ ରେ ସର୍ବାଧିକ ନମ୍ବର ରଖିଥିବା ଛାତ୍ରୀ ପିଙ୍କି ଗଡ଼ତିଆଙ୍କୁ ସ୍ୱର୍ଗତଃ ଠାକୁର ଚରଣ ମେହେର ସ୍ମୃତି ସମ୍ମାନରେ ସମ୍ମାନୀତ କରାଯାଇଥିଲା। ରେଡ଼ିଏନ୍ସ୍ ପରିଚାଳନା କମିଟି ଦ୍ବାରା ଶ୍ରେଷ୍ଠ କର୍ତ୍ତବ୍ୟନିଷ୍ଠ ଭାବେ ରେଡ଼ିଏନ୍ସ୍ ଅନୁଷ୍ଠାନ ତରଫରୁ ଆଶିଷ କୁମ୍ଭାର ଓ ଖେଳ ଶିକ୍ଷକ ସୁବ୍ରତ ବାରିକଙ୍କୁ ରେଡ଼ିଏନ୍ସ ପ୍ରଜ୍ଞା ସମ୍ମାନରେ ସମ୍ମାନୀତ କରଯାଇଥିଲା ।ଛାତ୍ରଛାତ୍ରୀ ମାନଙ୍କ ଦ୍ଵାରା ଅତି ସୁନ୍ଦର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଯାହା ସମାଜକୁ ଏକ ନୂତନ ବାର୍ତ୍ତା ଦେଉଥିଲା ଓ  ଶେଷରେ ଓଡ଼ିଆ ଅଧ୍ୟାପକ ପ୍ରଫୁଲ୍ଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ନେତ୍ରମଣୀ ମେହେର,ମମତା ମେହେର ,ନୀଲମ ସାହୁ ,ରିତା ପଧାନ ଏବଂ ଶିବ ଶଙ୍କର ମେହେରଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମଞ୍ଚର ପ୍ରଥମ ନୃତ୍ୟ ବିଗ୍ନହର୍ତା ବାସ୍ତବିକ ଦର୍ଶନଙ୍କ ମନକୁ ଛୁଇଁ ପାରିଥିଲା।