09-Apr-2025

ଦେଓଗାଁ:  ଭାରତୀୟ ଜନତା ପାର୍ଟି ର ପ୍ରତିଷ୍ଠା ଦିବସ ଉପଲକ୍ଷେ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଅନ୍ତର୍ଗତ ଗୁଡଖାପଲା ପଞ୍ଚାୟତରେ ବୁଥସ୍ତରୀୟ ପ୍ରାଥମିକ ସଦସ୍ୟ ମାନଙ୍କୁ ନେଇ ଏକ କର୍ମୀ ସମ୍ମିଳନୀ ଓ ବୈଠକ ଅନୁଷ୍ଠିତ ହୋଇଯାଇଛି l ଏଥିରେ ଆଖପାଖ ୬ ଖଣ୍ଡ ଗାଁର ଶତାଧିକ  ପୁରୁଷ ମହିଳା ଯୋଗ ଦେଇଥିଲେ l  ବଲାଙ୍ଗୀର ବିଜେପି ବିଧାନସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଗୋପାଳଜୀ ପାଣିଗ୍ରାହୀ ଏଥିରେ ଯୋଗ ଦେଇ କେନ୍ଦ୍ର ଓ ରାଜ୍ଯ ନେତୃତ୍ୱାଧୀନ ଡବଲ ଇଞ୍ଜିନ୍ ସରକାର ଜିଲ୍ଲାରେ ମହିଳା ଓ ଚାଷୀ ମାନଙ୍କୁ ଆର୍ଥିକ ବିକାଶକୁ ପ୍ରାଥମିକତା ଦେଇ ଆସିଛି ବୋଲି କହିଥିଲେ l ଧାନ କୁଇଣ୍ଟାଲ ପିଛା ଦର ୩୧୦୦ ଟଙ୍କାକୁ ବୃଦ୍ଧି କରିବା,  ରାଜ୍ୟ ସରକାରଙ୍କ ଅନ୍ତୋଦୟ ଗୃହ ଯୋଜନା ଓ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବlସ ଯୋଜନାରେ ରେ ହିତାଧିକାରୀଙ୍କୁ ପକ୍କା ଘର ଯୋଗାଇଦେବା ଆଦି ଯୋଜନା ମୋଦୀ ସରକାରଙ୍କ ୧୧ ବର୍ଷ ଶାସନର ଏକ ବଡ ଉପଲବ୍ଧି ବୋଲି ଶ୍ରୀ ପାଣିଗ୍ରାହୀ କହିଛନ୍ତି l ବଲାଙ୍ଗୀର

ନିର୍ବାଚନମଣ୍ଡଳୀରେ ଲୋକଙ୍କ ମୌଳିକ ଆବଶ୍ୟକତା ପୂରଣ କରିବା ଦିଗରେ  ଉଭୟ କେନ୍ଦ୍ର ଓ ରାଜ୍ୟ ସରକାର ପର୍ଯ୍ୟାପ୍ତ ଅନୁଦାନ ପ୍ରଦାନ କରୁଛନ୍ତି ବୋଲି ଶ୍ରୀ ପାଣିଗ୍ରାହୀ କହିଛନ୍ତି l କାର୍ଯ୍ୟକ୍ରମରେ ବିଜେପି ମଣ୍ଡଳ ସଭାପତି ଗୌରିଶଙ୍କର ଥନାପତି ସାଂସଦ ପ୍ରତିନିଧି ଶଶି ପାଣିଗ୍ରାହୀ, କରତାର ସିଂହ, ଶୁକଦେବ ବାଗ, ମହାଦେବ ସୁନା ସରପଞ୍ଚ ସୁରେନ୍ଦ୍ର ଦାସ ମଞ୍ଚାସୀନ ରହି ବିଜେପି ର ଲୋକାଭିମୁଖୀ ଯୋଜନା ସମ୍ପର୍କରେ ଲୋକଙ୍କୁ ବୁଝାଇଥିଲେ l