09-Apr-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳରେ ଚୋରୀ,ଡକାୟତି,ଲୁଟ,ରାହାଜାନୀ ବଢିବାରେ ଲାଗିଛି।ହେଲେ ଚୋର କି ଲୁଟେରା ଧରା ପଡୁ ନାହାନ୍ତି ।ସତରେ କଣ ସେମାନେ ପୋଲିସ କୁ ଏକ ପ୍ରକାର ଚ୍ୟାଲେଞ୍ଜ  କରି ବେଖାତିର ଭାବେ ଚୋରୀ କରିବା ନେଇ ଉଦ୍ୟମ ଜାରି ରଖିଥିବା ସାଧାରଣରେ ଆଲୋଚନା ପର୍ଯ୍ୟାଲୋଚନା ହେଉଛି ।ସୂଚନା ଯୋଗ୍ୟ ଯେ କିଛିଦିନ ତଳେ ଥାନା ସମ୍ଭୁଖ ସବ୍ ପୋଷ୍ଟ ଅଫିସର ତାଲା ଭାଙ୍ଗି ଚୋରୀ ଉଦ୍ୟମ ହୋଇଥିଲା ପୁଣି ତାର କିଛିଦିନ ପରେ ଠିକାଦାର ସୂର୍ଯ୍ୟ ନାରାୟଣ ସାହୁ ଙ୍କ ଘରୁ ଚୋରୀ ହୋଇଥିଲା ଠିକ ସେହିପରି ରାସ୍ତା ରେ ଲୁଟେରା ମାନେ ସକ୍ରିୟ ହୋଇ ମୋବାଇଲ,ଟଙ୍କା ଲୋକଙ୍କ ଠାରୁ ଲୁଟି ନେଇ ଫେରାର ହେଉଛନ୍ତି କିନ୍ତୁ ଚୋର ଧରା ପଡୁ ନାହାନ୍ତି ।ଅନ୍ୟ ପକ୍ଷରେ ଗତକାଲି ରାତିରେ ମଧ୍ୟ ବିନିକା ସହର ସିଦ୍ଧି ବିନାୟକ ନଗର ଅମର ମହାନ୍ତିଙ୍କ ଘରେ କେହି ନଥିବା ସୁଯୋଗ ନେଇ କେତେକ ଦୁର୍ବୃତ୍ତ ଘରର ତାଲା ଭାଙ୍ଗି 
ଘରେ କଳାକନା ବୁଲାଇ ଆଲମାରୀ ଲକର କୁ ତାଡ଼ିଦେଇ ସେ ଭିତରେ ଥିବା ଅଧ ଭରି ସୁନା ଓ ନଗଦ ୨୫ହଜାର ଟଙ୍କା ଚୋରୀ କରି ନେଇଥିବା ଜଣାପଡିଛି ।ଏନେଇ ପ୍ରଭାସ ରଂଜନ ମହାନ୍ତିଙ୍କ ଲିଖିତ ଅଭିଯୋଗ କ୍ରମେ ବିନିକା ପୋଲିସ ଥାନା କେଶ ନଂ ୬୭/୨୦୨୫ରେ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି।ଆଜି ସକାଳେ ବଲାଙ୍ଗିର ସାଇଣ୍ଟିକଫିକ ଟିମ ଆସି ତଦନ୍ତ କରି ଫେରିଛନ୍ତି ।ସେହିପରି ଅପରାହ୍ନରେ ସୋନପୁର ଠାରୁ ଅନୁସନ୍ଧାନ କୁକୁର ଆସି ଘଟଣା ସ୍ଥଳ ବୁଲୁଥିଲେ ମଧ୍ୟ ଚୋର ମାନଙ୍କର କୌଣସି ପତ୍ତା ମିଳୁ ନଥିବା ଜଣାପଡ଼ିଛି ।ତେବେ ଦିନକୁ ଦିନ ବିନିକା ସହରରେ ଚୋରୀ ଡକାୟତି ବଢ଼ିବାରେ ଲାଗିଥିବାରୁ ସହର ବାସୀ ଭୟଭୀତ ଅବସ୍ଥାରେ ରହୁଛନ୍ତି I