09-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ସଂଗ୍ରାମୀ ପୀଠ ସମଲେଇପଦର ଗ୍ରାମକୁ ବିଜେପୁର ନିର୍ବାଚନ ମଣ୍ଡଳୀର ବିଧାୟକ ଶ୍ରୀମାନ ସନତ କୁମାର ଗଡତୀୟା ଏବଂ ବରଗଡ଼ ଜିଲ୍ଲାପାଳ ଆଦିତ୍ୟ ଗୋୟଲ ପହଞ୍ଚି ଭାରତର ମୁକ୍ତି ସଂଗ୍ରାମର ସେନାନୀ ରାମଚନ୍ଦ୍ର ପୁରି, ପାର୍ବତୀ ଗିରି,କୁବେର ଗିରି,ଉଜଲ ପୁରି,ଦୁତିୟା ଗିରି,ମଙ୍ଗଲପ୍ରସାଦ ଗିରି, ସଂତୋଷ ସ୍ୱାଇଁ,ତୁଲସୀରାମ ଗିରି, ଦ୍ୱାଦଶୀ ରଣାଙ୍କ ସ୍ମାରକୀ ନିର୍ମାଣ, ପାର୍ବତୀ ଗିରିଙ୍କ ପାଠାଗାର ନିର୍ମାଣ ସକାଶେ ପାରିପାର୍ଶ୍ବିକ ସ୍ଥିତି ଅନୁଧ୍ୟାନ କରି ଗ୍ରାମବାସୀଙ୍କ ସହ ଆଲୋଚନା କରିଥିଲେ।

ପାର୍ବତୀ ଗିରି ଓ ରାମଚନ୍ଦ୍ର ପୁରି ଙ୍କ ବାସଭବନକୁ ଯାଇ ବୁଲି ନିରୀକ୍ଷଣ କରିଥିଲେ। ତତ୍ ସହିତ ସଂଗ୍ରାମୀ ମାନଙ୍କ ପ୍ରତିମୂର୍ତ୍ତି ଏବଂ ପାର୍କ ସକାଶେ ସ୍ଥାନ ନିରୀକ୍ଷଣ କରିଥିଲେ। ଏହାପରେ ପୁଖାମୁଣ୍ଡା ସ୍ଥିତ ପ୍ରସିଦ୍ଧ ଶୈବପୀଠ କୁ ପହଞ୍ଚିଥିଲେ। ଶୈବ ମନ୍ଦିରର ପାରିପାର୍ଶ୍ବିକ ଉନ୍ନତି କରଣ ପାଇଁ ମନ୍ଦିର ପରିଚାଳନା କମିଟି ସହ ଆଲୋଚନା କରିଥିଲେ। ମାନ୍ୟବର ବିଧାୟକଙ୍କ ପ୍ରଚେଷ୍ଟାରେ ବିକାଶ ଉନ୍ନତି ନିଶ୍ଚିତ ବୋଲି ଜନସାଧାରଣ କୃତଜ୍ଞତା ଜଣାଇଛନ୍ତି।