07-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ସୋହେଲା ବ୍ଲକ ଅନ୍ତର୍ଗତ ଝର ଗ୍ରାମ ରେ ରବିବାର  ମାଁ ସମଲେଶ୍ଵରୀ ବାସନ୍ତିକ ପୂଜା ଅବସର ରେ ପଶ୍ଚିମ ଓଡ଼ିଶା ଅଗ୍ରଣୀ ସାଂସ୍କୃତିକ ଅନୁଷ୍ଠାନ ବରପାଲି ବ୍ଲକ ବଡଗାଁ ସ୍ଥିତ "ଉଦୀଆଁ ତରା" ସାଂସ୍କୃତିକ ଅନୁଷ୍ଠାନ  ର ପରିଚାଳକ ଓ ନିର୍ଦ୍ଦେଶକ ବାସୁ ଦେବ ପ୍ରଧାନ ଙ୍କୁ ପୂଜା କମିଟି ତରଫରୁ ସମ୍ବର୍ଦ୍ଧିତ କରାଯାଇଛି ।କମିଟି ର ସଭାପତି ଶଙ୍କର ମେହେର ଙ୍କ ଅଧ୍ୟକ୍ଷତା ରେ ଅନୁଷ୍ଟିତ ଏହି ସ୍ବତନ୍ତ୍ର କାର୍ଯ୍ୟକ୍ରମ ରେ ଭଟଲି ବିଧାୟକ ଇରାଶିସ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ପାଦକ ନାରାୟଣ ମେହେର କାର୍ଯ୍ୟକ୍ରମ କୁ ସଂଯୋଜନା କରିଥିଲେ । ଝର ଗ୍ରାମ ବାସୀ ଙ୍କ ମିଳିତ ଉଦ୍ୟମ ରେ ଆୟୋଜିତ ଏହି ମହୋତ୍ସବ ରେ ଆଖ ପାଖ ଅଞ୍ଚଳ ର ସହସ୍ରାଧିକ ଲୋକ ଙ୍କ ଭିଡ ପରିଲକ୍ଷିତ ହୋଇଥିଲା  ।କୋଷାଧ୍ୟକ୍ଷ ତେଜ ରାଜ୍ ମେହେର ଧନ୍ୟବାଦ୍ ଅର୍ପଣ କରିଥିଲେ ।