05-Apr-2025

ଉମରକୋଟ-(ମିହିର ଶଙ୍କର ପାତ୍ର)
 ଉମରକୋଟ ପ୍ରସିଦ୍ଧ ମା ଜଗତଜନନୀ ଙ୍କ ନବଦିନ ଯାତ୍ରା ରେ ପରମ୍ପରା ପାଳୁଛନ୍ତି ସିଂ ପରିବାର ,
କାଳୀଙ୍କ ବେଶ ରେ କରୁଛନ୍ତି ସହର ପରିକ୍ରମା। କିମ୍ବଦନ୍ତୀ ଅନୁସାରେ ଦୀର୍ଘ ବର୍ଷ ତଳେ ଯେଉଁ ସମୟରେ କି ଉମରକୋଟ ସହର ରେ ମା ଠାକୁରାଣୀ ଙ୍କ ଯାତ୍ରା ପାଳିତ ହେଉନଥିଲା ସେହି ସମୟରେ ସ୍ଵର୍ଗତ ରାଜେନ୍ଦ୍ର ପ୍ରସାଦ ସିଂ (ରାଜି ବାବୁ )ଙ୍କ ପିତା ସ୍ଵର୍ଗତ ଭରତ ସିଂ ଭୟଙ୍କର ବସନ୍ତ ରୋଗ ରେ ଆକାନ୍ତ ହେଲେ ଏପରି ଅବସ୍ଥା ହେଲା ଯେ ତାଙ୍କୁ କଦଳୀ ପତ୍ରରେ ଶୁଆଇ ଦିଆଗଲା । ଏହା ଦେଖି ସ୍ଵର୍ଗତ ରାଜି ବାବୁଙ୍କ ମାତା ସ୍ଵର୍ଗତ ପଦ୍ମବତୀ ମା ଠାକୁରାଣୀ ଙ୍କୁ ପୁଅର ଶୁଭ ମନାସି ମାନସିକ କଲେ ପୁଅ ସୁସ୍ଥ ହେଲେ ସେ ଉମରକୋଟରେ ଠାକୁରାଣୀ ଙ୍କ ଯାତ୍ରା ପାଳନ କରିବା ସାଥେ ସାଥେ ମା କାଳୀ ଭେଷ ମଣ୍ଡପ ରେ ବାହାର କରିବେ। ତାଙ୍କରି କଥାରେ ମା ଠାକୁରାଣୀ ସନ୍ତୁଷ୍ଟ ହୋଇ ତାଙ୍କ ପୁଅ ଭରତ ସିଂ ଙ୍କୁ ବସନ୍ତ ରୋଗ ରୁ ମୁକ୍ତ କଲେ ସେହି ବର୍ଷ ଠାରୁ ନିଜେ ଭରତ ସିଂ କୋଟପାଡ଼ ଯାଇ ମା ଠାକୁରାଣୀ ମନ୍ଦିରରୁ ଆଜ୍ଞାମାଳ ଆଣି ଘଟହାଣ୍ଡି ସ୍ଥାପନ କରିବା ସହ ପୂଜା କଲେ। ଯେଉଁ ଘଟହାଣ୍ଡି ପରଦେଶୀଣି ମା ନାମରେ ଆଜି ପର୍ଯ୍ୟନ୍ତ ପୂଜା ପାଉଛନ୍ତି। ସେହି ଦିନ ଠାରୁ ଆଜି ପର୍ଯ୍ୟନ୍ତ ପ୍ରତି ବର୍ଷ ଯାତ୍ରା ଆରମ୍ଭର ଶୁକ୍ରବାର ଠାରୁ ସୋମବାର ପର୍ଯ୍ୟନ୍ତ ମା ଙ୍କ ମଣ୍ଡପରେ ୪ ଟି ରୂପ ରେ ଶୁକ୍ରବାର ଦିନ ଜୁଳି ଜୁଲିଆ ହାଣ୍ଡି, ଶନିବାର ଶୂନ୍ୟ ହାଣ୍ଡି, ରବିବାର କାଣ୍ଡ ଗଳା, ସୋମବାର ପ୍ରଭା ( କାଳୀ )ତାଙ୍କ ପରିବାର ମା ଙ୍କ ବେଶ ଧାରଣା କରି ମା ଙ୍କୁ ଭେଟ ହୁଅନ୍ତି ପୁନଃରୂପୀ ରବିବାର ଦିନ ରାଜି ବାବୁ ଙ୍କ ଜାମାତା ତ୍ରିନାଥ ପରିଛା ଙ୍କ ଘରୁ ମା କାଳୀ ଙ୍କ ବେଶ ବାହାର କରି ସହର ପରିକ୍ରମା କରନ୍ତି  ଏହି ପରମ୍ପରା ଆଜି ପର୍ଯ୍ୟନ୍ତ ବଜାୟରହିଛି।