04-Apr-2025

ଟିକାବାଲି(ରାଜକିଶୋର ପ୍ରଧାନ): କନ୍ଧମାଳ ଜିଲ୍ଲା ଟିକାବାଲି ବ୍ଲକ ଅନ୍ତର୍ଗତ ଗାର୍ଡିଙ୍ଗିଆ ଗ୍ରାମପଞ୍ଚାୟତ ପାଙ୍ଗାନାଯୁ ଗ୍ରାମ ର ସ୍ବର୍ଗତଃ ଜୁତୃ ପ୍ରଧାନ ଙ୍କ ପୁଅ ସୁଜିତ କୁମାର ପ୍ରଧାନ, ଗତ କିଛି ମାସ ହେବ ଗ୍ରାମ ରେ କିଛି ରୋଜଗାର ନଥିବାରୁ ଏବଂ ବାପା ଙ୍କ ମୃତ୍ୟୁ ପରେ ପରିବାରକୁ ପ୍ରତିପୋଷଣ କରିବା ଉଦ୍ଧେଶ୍ୟ ନେଇ ଦାଦନ ଖଟିବକୁ ଦାଦନ ଶ୍ରମିକ ଭାବରେ କେରଳ ରାଜ୍ୟକୁ ଯାଇଥିଲା l କିନ୍ତୁ ବିଧାତା ସେହି ଗରୀବ ଅସହାୟ ପରିବାର ପ୍ରତି ଦାଉ ସାଧିଲା | ବୋଝ ଉପରେ ନଳିତା ବିଡ଼ା ସଦୃଶ୍ୟ ଦୁଃଖ ଉପରେ ପୁଣି ଦୁଃଖ ଦେଇ ଚାଲିଗଲା ବାପ ଛେଉଣ୍ଡ ଭେଣ୍ଡା ପୁଅ | ଯାହା କି ଆଜି ଗାର୍ଡିଙ୍ଗିଆ ଗ୍ରାମପଞ୍ଚାୟତ ରେ ଶୋକର ଛାୟା ଖେଳି ଯାଇଛି l  ସୂଚନା ଅନୁସାରେ ସୁଜିତ କେରଳ ରାଜ୍ୟରେ ଏକ ଘୋରଇ କମ୍ପାନୀ ରେ ଦୈନିକ ମଜୁରୀଆ ଭାବରେ କାମ କରୁଥିବା ଜଣାପପଡିଛି | ସବୁଦିନ ପରି ଗତ ମଙ୍ଗଳ ଦିନ ବି କାମ କରିବାକୁ କମ୍ପାନୀ କୁ ଯାଇ ଥିଲା କିନ୍ତୁ ଦୁର୍ଭାଗ୍ୟ ବଶତଃ କମ୍ପାନୀ ରେ ସଂଯୋଗ ହୋଇଥିବା  ଏକ ହାଇଭଲ୍ଟେଜ ବିଦ୍ୟୁତ  ତାର ରେ ଲାଗି ନିମିଷକେ ମଧ୍ୟରେ ପ୍ରାଣ ଵାୟୁ ଚାଲିଗଲା ବାପା ଛେଉଣ୍ଡ ପୁଅ ସୁଜିତ କୁମାର ପ୍ରଧାନ ଙ୍କର l ଏବଂ ବୁଧବାର ଶବ ବ୍ୟବଛେଦ କରି ଗତକାଲି ଅର୍ଥାତ ଗୁରୁବାର ଦିନ ବିମାନ ଯୋଗେ ତାଙ୍କ ମୃତଶରୀର ଘରକୁ ଆଣି ସଂସ୍କାର କରିଥିଲେ ତାଙ୍କ ବଡ଼ ଭାଇ | ଏନେଇ ବ୍ଲକ ପ୍ରଶାସନ କୁ ଏପର୍ଯ୍ୟନ୍ତ କୌଣସି ଦୃଷ୍ଟି ଗୋଚର ହୋଇନ ଥିବା ଟିକାବାଲି ଗୋଷ୍ଠୀ ଉନ୍ନୟନ ଅଧିକାରୀ ନାରାୟଣ ଦୀକ୍ଷିତ କହିଛନ୍ତି | ଏନେଇ ସୁଜିତ ଙ୍କ ପରିବାର ଲୋକେ ପ୍ରଶାସନ କୁ କ୍ଷତି ପୂରଣ ର ଗୁହାରୀ କରି ଥିବା ଜଣା ପଡିଛି | ଦାଦନ ଯନ୍ତ୍ରଣା କନ୍ଧମାଳ ଜିଲ୍ଲା ରେ ଏପରି ଏକ ଦାଉ ସାଜିଛି ଯେ ଏହାର ପ୍ରତିକାର ପାଇଁ ଜିଲ୍ଲା ପ୍ରଶାସନଙ୍କ ପାଖରେ ଟିକେ ବି ଦରଦ ନ ଥିବା ସାଧାରଣ ମହଲ  ଚର୍ଚ୍ଚା ହେଉଥିବା ବେଳେ ମନରେଗା ଛଡ଼ା ଆଉ କୌଣସି ରୋଜଗାର ପନ୍ଥା ସରକାର ଏପର୍ଯ୍ୟନ୍ତ କରିନ ଥିବା ମଧ୍ୟ ଆଲୋଚନା ହେଉଛି | କାରଣ ଜିଲ୍ଲା ରେ ହେଉ କିମ୍ବା ବ୍ଲକ ରେ ହେଉ ଏକ ଆଖି ଦୃଶ୍ୟୟା ସ୍ଥାୟୀ ରୋଜଗାର କରିବାର ସୁବିଧା ହିଁ ନାହଁ, ଯାହାରୀ ଫଳ ରେ ନିଜର ପିଲାଛୁଆ, ବାପା ମାଆ ଙ୍କୁ ଛାଡ଼ି ବିଦେଶ ଯିବା ପାଇଁ ବାଧ୍ୟ ମନେ କରନ୍ତି ଆଜି କାଲି ର ଯୁବପିଢ଼ି l  
 ନିର୍ବାଚନ ବେଳେ ଚାଷ ଜମିକୁ ପାଣି, ଗାଁ କୁ କାମ, ମାଆ କୁ ସଂମ୍ମାନ, ବେକାରୀ ଦୂରୀଭୂତ, ପରି ଅନେକ ଭଲିକି ଭଲି ପ୍ରତିଶୃତି ଦେଇ ନିର୍ବାଚନ ବୈତରଣୀ ପାର ହୋଇଯାଆନ୍ତି ନିର୍ବାଚନ ପ୍ରତିନିଧି ମାନେ l କିନ୍ତୁ ନିର୍ବାଚନ ପରେ ଦେଇଥିବା କଥା କୁ ଗରୀବ ମାନଙ୍କ ମନରେ ସ୍ୱପ୍ନ ହୋଇ ରହିଯାଏ l ଏପର୍ଯ୍ୟନ୍ତ କନ୍ଧମାଳ ଜିଲ୍ଲା ଏହି ସୁଜିତ ପ୍ରଧାନ ଙ୍କ ପରି ଅନେକ ପରିବାର ଭାଙ୍ଗି ଚୁରମାର ହୋଇ ଯାଇଛି ତଥାପି ସରକାର କୌଣସି ଆଖି ଦୃଶିଆ ପଦକ୍ଷେପ ନ ନେବା ଦୁର୍ଭାଗ୍ୟ ର ବିଷୟ | ଯଦି ପ୍ରଶାସନ ଚାଷ ଜମିକୁ ପାଣି ଏବଂ ପ୍ରତି ଗ୍ରାମପଞ୍ଚାୟତ ରେ ପର୍ଯ୍ୟାପ୍ତ ପରିମାଣରେ କାମ ଯୋଗାଇ ଦେବାର ସୁବ୍ୟବସ୍ଥା କରି ଏକ ଗ୍ରାମ ପଞ୍ଚାୟତର ବିକାଶ ଯୋଜନାରେ ସମସ୍ତଙ୍କୁ ସାମିଲ କରି ଉଚିତ ପଦକ୍ଷେପ ନିଆଯାଆନ୍ତା ତେବେ ହୁଏତ ଏପରି ଦୁଃଖକୁ ରୋକା ଯାଇ ପାରିଥାନ୍ତା ବୋଲି ସାଧାରଣ ରେ ଚର୍ଚ୍ଚା ହେଉଛି |