04-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ସହର ସ୍ଥିତ ରେଡିଏନ୍ସ ଶିକ୍ଷାନୁଷ୍ଠାନରେ ଆସନ୍ତା ତା.୦୯.୦୪.୨୦୨୫ ରିଖ ଓ  ତା.୧୦.୦୪.୨୦୨୫ ରିଖ ଦୁଇଦିନ ଧରି ଅନୁଷ୍ଠିତ ହେବାକୁ ଥିବା ବାର୍ଷିକଉତ୍ସବ ଓ ଦଶମ ପ୍ରତିଷ୍ଠା ଦିବସର ପ୍ରସ୍ତୁତି ବୈଠକ ଚେୟାରମେନ ଶ୍ରୀ ଅଜିତ କୁମାର ମେହେର ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଅଧ୍ୟକ୍ଷ ଶ୍ରୀଯୁକ୍ତ ଘନଶ୍ୟାମ ମେହେର, ଅନୁଷ୍ଠାନର  ଏକାଡେମିକ ଡାଇରେକ୍ଟର ଗୋବିନ୍ଦ ମେହେର, ଆଡମିନିଷ୍ଟ୍ରେଟିଭ ଡାଇରେକ୍ଟର ନେତ୍ରମଣୀ ମେହେର, ଉପାଧ୍ୟକ୍ଷ ସଞ୍ଜୟ ବାରିକ,ସ୍କୁଲର ଅଧ୍ୟକ୍ଷା ଶ୍ରୀମତୀ ମୋହିନୀ ମେହେର,ସମସ୍ତ ଅଧ୍ୟାପକ, ଅଧ୍ୟାପିକା, ଶିକ୍ଷକ,ଶିକ୍ଷୟତ୍ରୀ,ଛାତ୍ର ଛାତ୍ରୀ ତଥା ଅନୁଷ୍ଠାନର ସମସ୍ତ କର୍ମଚାରୀ ଉପସ୍ଥିତ ଥିଲେ। ଚେୟାରମେନ ଶ୍ରୀ ମେହେର କିପରି ଶାନ୍ତି ଶୃଙ୍ଖଳାରେ ବାର୍ଷିକ ଉତ୍ସବ ସମାହିତ ହେବ ସେନେଇ କର୍ମଚାରୀ ମାନଙ୍କୁ ଦିଗଦର୍ଶନ ପ୍ରଦାନ କରିବା ସହ ଅଧ୍ୟକ୍ଷ ସମସ୍ତ କର୍ମଚାରୀଙ୍କୁ ଦାୟିତ୍ଵ ବଣ୍ଟନ କରିଥିଲେ । ଅଧ୍ୟକ୍ଷ ଶ୍ରୀ ମେହେର ସମସ୍ତ ଅଭିଭାବକ ତଥା ଜନସାଧାରଣଙ୍କୁ  ରେଡିଏନ୍ସ ପରିବାର ତରଫରୁ ସାଦର ନିମନ୍ତ୍ରଣ କରିଛନ୍ତି । ଶେଷରେ ଓଡ଼ିଆ ଅଧ୍ୟାପକ ପ୍ରଫୁଲ୍ଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ଏହି ଉତ୍ସବ ରେ ଛାତ୍ରଛାତ୍ରୀ ମାନେ ନୃତ୍ୟ ,ସଙ୍ଗୀତ ତଥା କ୍ଷୁଦ୍ର ନାଟକ ପ୍ରଦର୍ଶନ ପାଇଁ ଜୋରଦାର ପ୍ରସ୍ତୁତି ରେ ଲାଗି ପଡ଼ିଛନ୍ତି। ମୁଖ୍ୟ ଅତିଥି ଭାବେ ବିଜେପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀଯୁକ୍ତ ସନତ କୁମାର ଗଡତୀୟା, ସମ୍ମାନିତ ଅତିଥି ଶ୍ରୀଯୁକ୍ତ ପ୍ରମୋଦ ଅଗ୍ରୱାଲ ସଭାପତି ରୋଟାରୀ କ୍ଲବ ବରଗଡ, ମୁଖ୍ୟବକ୍ତା ପ୍ରଫେସର ରେବନ୍ତ କୁମାର ମେହେର ଅବସର ପ୍ରାପ୍ତ ଓଡ଼ିଆ ପ୍ରାଧ୍ୟାପକ ଯୋଗଦାନ କରିବେ ବୋଲି ସମ୍ମତି ପ୍ରଦାନ କରିଛନ୍ତି ବୋଲି ଅନୁଷ୍ଠାନର ଉପାଧ୍ୟକ୍ଷ ଶ୍ରୀ ବାରିକ ଆମ ଜିଲ୍ଲା ପ୍ରତିନିଧିଙ୍କୁ ଜଣାଇଛନ୍ତି।