30-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ସରସ୍ଵତୀ ଶିଶୁ ବିଦ୍ୟା ମନ୍ଦିର ହିନ୍ଦୀ ବିଭାଗ ଠାରେ ରାଷ୍ଟ୍ରୀୟ କବି ସଙ୍ଗମ ବରଗଡ଼ ନଗର ଶାଖା ର ଅଧ୍ୟକ୍ଷ ଅଭିଜିତ ପ୍ରତିହାର୍ ଙ୍କ ଅଧ୍ୟକ୍ଷତା ରେ ଶନିବାର ଭାରତୀୟ ନବ ବର୍ଷ ମହା ସମାରୋହ ରେ ପାଳିତ ହୋଇ ଯାଇଛି । ବରଗଡ଼ ଶିଶୁ କଲ୍ୟାଣ ପରିଚାଳନା ସମିତି ର ସଦସ୍ୟା ରାଧା ଅଗ୍ରୱାଲ ମୁଖ୍ୟ ଅତିଥି ଭାବେ ଯୋଗ ଦେଇ ଭାରତୀୟ ଶିକ୍ଷା ସାହିତ୍ୟ ସଂସ୍କୃତି ଓ ପରମ୍ପରା ସମ୍ବନ୍ଧ ରେ ବିସ୍ତୃତ ଆଲୋଚନା କରି ଭାରତୀୟ ସଂସ୍କୃତି ପ୍ରତି ରୁଚି ଜାଗରଣ ର ଆବଶ୍ୟକତା ରହିଛି ବୋଲି ଉଲ୍ଲେଖ କରିଥିଲେ । ସମ୍ମାନିତ ଅତିଥି ଭାବେ ଉପଦେଷ୍ଟା ସର୍ଦ୍ଦାର ପ୍ରିତମ ସିଂ ,ମହାମନ୍ତ୍ରୀ ଖୁସବୁ ଶର୍ମା ପ୍ରମୁଖ ଯୋଗ ଦେଇ ଭାରତୀୟ ନବ ବର୍ଷ ପାଳନ ର ମହତ୍ତ୍ଵ ସମ୍ବନ୍ଧ ରେ ଆଲୋଚନା କରିଥିଲେ । ଗୋପବନ୍ଧୁ ପୁରୋହିତ ଙ୍କ ସଂଯୋଜନା ରେ ଅନୁଷ୍ଟିତ ପ୍ରଥମ ଅଧିବେଶନ ରେ ତରଣୀ ସେନ ଗୁରୁ ସ୍ଵାଗତ ସଙ୍ଗୀତ ପରିବେଷଣ କରିଥିବା ବେଳେ ବରିଷ୍ଟ ସଦସ୍ୟ ସଦାଶିବ କର ଧନ୍ୟବାଦ୍ ଅର୍ପଣ କରିଥିଲେ ।ଏହି ଅବସର ରେ  ଆଦ୍ୟାଶା ପାଣିଗ୍ରାହୀ ଓ ସୁପ୍ରିତି ଭୋଇ ଙ୍କ ସଂଯୋଜନା ରେ ଦ୍ବିତୀୟ ଅଧିବେଶନ ର କବିତା ପାଠ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା 
ସୁପ୍ରଭା ସାମଲ,ପୁଷ୍ପାଞ୍ଜଳି ପଣ୍ଡା,ନୁରାବତୀ ସାହୁ,ରାଧାରାଣୀ ପଟ୍ଟନାୟକ,କବିତା ରଥ,ସୁଜାତା ପଣ୍ଡା,ଶ୍ରଦ୍ଧାଞ୍ଜଳୀ ତ୍ରିପାଠୀ,ଅନୀମା ଚକ୍ରବର୍ତ୍ତୀ,ଗୌରୀ ଶଙ୍କର ପଣ୍ଡା ଡ଼ ଡୋଳା ମଣି ସତପଥି,ପ୍ରଦୀପ ମିଶ୍ରଙ୍କ ସମେତ ଶିଶୁ ଲେଖିକା ଅନନ୍ୟା ଦାସ,ଅନାମିକା ଦାଶ ଅନ୍ୱେଷା ଦାଶ ,ବୈଷ୍ଣବୀ ପ୍ରଧାନ
ପ୍ରମୁଖ ଉପସ୍ଥିତ ରହି କବିତା ପାଠ କରିଥିଲେ ।କାର୍ଯ୍ୟକ୍ରମ ରେ ବରିଷ୍ଟ ନାଗରିକ ସଂଘ ସମ୍ପାଦକ ଗୋବିନ୍ଦ ଦାସ ଉପାଧ୍ୟକ୍ଷ ନିର୍ମଳ କର ,ବରଗଡ଼ ମହିଳା ସମିତି ପୂର୍ବତନ ଅଧ୍ୟକ୍ଷା ହର୍ଜିନ୍ଦର୍ କୌର ଓ ପୂର୍ବତନ ପ୍ରଧାନ ଶିକ୍ଷକ ଗୌରୀ ଶଙ୍କର ପଣ୍ଡା ପ୍ରମୁଖ ଙ୍କୁ ସମ୍ବର୍ଦ୍ଧିତ କରାଯାଇଥିଲା ।ପରିଶେଷରେ କବୟିତ୍ରୀ ସୁପ୍ରଭା ସାମଲ ଧନ୍ୟବାଦ୍ ଅର୍ପଣ କରିଥିଲେ ।