30-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)- ଓଡ଼ିଶା ମାରୱାଡ଼ି ୟୁବା ମଞ୍ଚ ଦ୍ଵାରା ଅଖିଳଭାରତୀୟ ମାରୱାଡ଼ି ୟୁବା ମଞ୍ଚର ତ୍ରୟୋଦଶତମ ପ୍ରାନ୍ତୀୟ ଅଧିବେଶନର ଆୟୋଜନ କରାଯାଇ ଥିଲା । ଏହି ଅଧିବେଶନରେ ବରଗଡ଼ ନିବାସୀ ସଂସ୍କାର ଇଣ୍ଟରନ୍ୟାସନାଲ  ସ୍କୁଲର ଚେୟାରମ୍ୟାନ ତଥା ସମାଜ ସେବୀ ଶ୍ରୀଯୁକ୍ତ ସୁମନ ସାୱାଡ଼ିଆଙ୍କୁ ସମାଜ ସେବା ଏବଂ ଶିକ୍ଷା କ୍ଷେତ୍ରରେ ଉତ୍କୃଷ୍ଟ ଓ ଅବିସ୍ମରଣୀୟ ଯୋଗଦାନ ହେତୁ  " ସମାଜ ଗୌରବ ସମ୍ମାନ" ଦ୍ଵାରା ସମ୍ମାନିତ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଅଖିଳଭାରତୀୟ ମାରୱାଡ଼ି ୟୁବା ମଞ୍ଚର ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ସୁରେଶ ଜେନ, ସମ୍ମାନିତ ଅତିଥି ଶ୍ରୀ ଗୋବିନ୍ଦ ରାମ ଅଗ୍ରୱାଲ ,( ପ୍ରାନ୍ତୀୟ ଅଧ୍ୟକ୍ଷ, ଅଖିଳଭାରତୀୟ ମାରୱାଡ଼ି ୟୁବା ମଞ୍ଚ) ପ୍ରାନ୍ତୀୟ ଅଧ୍ୟକ୍ଷ ଶ୍ରୀ ପରାଗ ଅଗ୍ରୱାଲ , ପ୍ରାନ୍ତୀୟ ମହମନ୍ତ୍ରୀ ଶ୍ରୀ ପ୍ରତୀକ ଅଗ୍ରୱାଲଙ୍କ ସମେତ ପ୍ରାୟ ୭୦୦ ଜଣ ଉପସ୍ଥିତ ଥିଲେ । ଶ୍ରୀ ସୁମନ ସାୱାଡ଼ିଆ ବ୍ୟବସାୟ , ଶିକ୍ଷା ଓ ସମାଜର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ପରିବର୍ତ୍ତନକାରୀ ଭାବରେ ପରିଚିତ ଅଟନ୍ତି । ସେ ବରଗଡ଼ରେ ସଂସ୍କାର ଇଣ୍ଟରନ୍ୟାସନାଲ  ସ୍କୁଲ(ବୋର୍ଡିଙ୍ଗ) ର ସ୍ଥାପନା କରି ଶିକ୍ଷା କ୍ଷେତ୍ରରେ ଏକ ନୂତନ ଦିଗ ସ୍ଥାପନ କରିବା ଉତ୍କୃଷ୍ଟ ଗୁଣବତ୍ତା ପୂର୍ଣ୍ଣ ଶିକ୍ଷା ପ୍ରଦାନ ସହ ବିଦ୍ୟାର୍ଥୀ ମାନଙ୍କୁ ନୈତିକ ମୂଲ୍ୟବୋଧ ଏବଂ ବାସ୍ତବିକ ଜୀବନମୂଲ୍ୟ ଆଧାରିତ ଶିକ୍ଷା ପ୍ରଦାନ କରିଛନ୍ତି । ସି. ବି. ଏସ. ଇ ସହ ସମ୍ବନ୍ଧିତ ଥିବା ଏହି ସ୍କୁଲ ପୂର୍ବ ଭାରତର ଛାତ୍ରଛାତ୍ରମାନଙ୍କୁ ଆକର୍ଷିତ କରିବା ସହ ଟାଇମସ୍ ବିଜନେସ ଗ୍ରୁପ ଦ୍ଵାରା ପଶ୍ଚିମ ଓଡ଼ିଶାର ସର୍ବଶ୍ରେଷ୍ଠ ବୋର୍ଡିଙ୍ଗ ସ୍କୁଲ ଭାବରେ ଗୌରବ ଅର୍ଜନ କରିସାରିଛି । ଏଥି ସହିତ ଶ୍ରୀଯୁକ୍ତ ସୁମନ ସାୱାଡ଼ିଆ ମାରୱାଡ଼ି ୟୁବା ମଞ୍ଚର ସଂସ୍ଥାପକ ସଦସ୍ୟ, ରୋଟାରୀ କ୍ଲବ ଅଫ ବରଗଡ଼ ସେଣ୍ଟ୍ରାଲ ର ସଂସ୍ଥାପକ ସଦସ୍ୟ ଏବଂ ପୂର୍ବତନ ଅଧ୍ୟକ୍ଷ ରହିସାରିଛନ୍ତି ।