30-Mar-2025

                         
ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଓକିଲ ସଂଘ ନିର୍ବାଚନ ଫଳାଫଳ ପ୍ରକାଶ ପାଇଛି। ଏଥିରେ ସମସ୍ତ ପ୍ରାର୍ଥୀ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଆଇନଜୀବୀ ପୂର୍ଣ୍ଣ ଚନ୍ଦ୍ର ପାଇକ ସଭାପତି ଭାବେ ନିର୍ବାଚିତ ହୋଇଥିବା ବେଳେ ଉପସଭାପତି ଭାବେ ଅରବିନ୍ଦ ପଧାନ, ସମ୍ପାଦକ ଭାବେ ପ୍ରଶାନ୍ତ ପଧାନ, ସହ ସମ୍ପାଦକ ଭାବେ ସମୀର କୁମାର ସାହୁ ଏବଂ କୋଷାଧ୍ୟକ୍ଷ ପଦବୀରେ ସୁଶାନ୍ତ ସାହୁ ନିର୍ବାଚିତ ହୋଇଛନ୍ତି। ତତ୍ ସଙ୍ଗେ ସଙ୍ଗେ ବରିଷ୍ଠ ଆଇନଜୀବି ଲୋକନାଥ ମହାପାତ୍ର, ଲାଲବିହାରୀ ସାହୁ ଏବଂ ସୁଶାନ୍ତ ବାରିକ କାର୍ଯ୍ୟକାରିଣୀ କମିଟି ସଭ୍ୟ ଭାବେ ନିର୍ବାଚିତ ହୋଇଥିବା ଜଣାପଡ଼ିଛି। ନିର୍ବାଚିତ ପରେ ସଭାପତି ଶ୍ରୀଯୁକ୍ତ ପାଇକ ବିଜେପୁର ବାର ଏସୋସିଏସନ ର ମର୍ଯ୍ୟାଦା ବଢ଼ାଇବା ସହ ଓକିଲ ମାନଙ୍କ ନ୍ୟାର୍ଯ୍ୟ ଅଧିକାର ଓ ବାର ର ଉନ୍ନତି ଏବଂ ଅଞ୍ଚଳର ସମସ୍ୟାକୁ ଓକିଲ ସଂଘ ସଦା ସର୍ବଦା କାର୍ଯ୍ୟ କରିବ ବୋଲି ପ୍ରକାଶ କରିଛନ୍ତି । ଏହା ସହ ଲୋକ ମାନେ କିଭଳି ଭାବରେ  ଉପଯୁକ୍ତ ନ୍ୟାୟ ପାଇପାରିବେ ସେଥି ପ୍ରତି ଓକିଲ ସଂଘ ଯତ୍ନବାନ ରହିବ ବୋଲି  କହିଛନ୍ତି । ତେବେ ନବନିର୍ବାଚିତ ସଦସ୍ୟ ମାନଙ୍କୁ ସମସ୍ତ ଓକିଲ,ବୁଦ୍ଧିଜୀବୀ ଏବଂ ବିଭିନ୍ନ ମହଲରୁ ଅଭିନନ୍ଦନ ସହ ଶୁଭେଚ୍ଛା ଜଣାଇଛନ୍ତି