29-Mar-2025

ବଲାଙ୍ଗିର(ପ୍ରେରଣା ଖବର): ଜିଲ୍ଲା ଲେଖକ ପରିଷଦ ତରଫରୁ ଦିବଂଗତ କବି, କଳାକାର,ନାଟ୍ୟ ନିର୍ଦ୍ଦେଶକ ଙ୍କ ଅକାଳ ବିଯୋଗରେ ଏକ ସ୍ମୁତି ସଭା ସ୍ଥାନୀୟ ଷ୍ଟୁଡେଣ୍ଟ୍ ବୁକ୍ ଷ୍ଟୋର ଠାରେ ଅନୁଷ୍ଠିତ ହୋଇଯାଇଅଛି।ଏହି ଅମର ଆତ୍ମା ମାନଙ୍କ ତିରୋଧାନ ରେ କବି ତଥା କଳାକାର ମହଲ ରେ ଶୋକ ର ଛାୟା ଖେଳି ଯାଇଛି।ସେମାନେ ହେଲେ କବି ତଥା ଲେଖକ ସ୍ବର୍ଗତ ରମାକାନ୍ତ ରଥ,ଆକାଶବାଣୀ ଗୀତିକାର ତଥା ବିଭିନ୍ନ ପୌର ପରିଷଦ ର କାର୍ଯ୍ୟ ନିର୍ବାହୀ ଅଧିକାରୀ ସ୍ବର୍ଗତ ଲିଙ୍ଗରାଜ ଚିନ୍ଦା,ଚଳଚ୍ଚିତ୍ର ଅଭିନେତା ତଥା ଶିକ୍ଷ୍ୟା ବିଭାଗରେ କାର୍ଯ୍ୟରତ ଥିବା ସ୍ବର୍ଗତ ଗୋବର୍ଦ୍ଧନ ଭୋଇ,ନାଟ୍ୟ ନିର୍ଦ୍ଦେଶକ ତଥା ନାଟ୍ୟ ଅଭିନେତା ସ୍ବର୍ଗତ ବ୍ରଜ ମୋହନ ମିଶ୍ର।ସଭିଏଁ କିଛି ବ୍ୟବଧାନ ରେ ଇହଧାମ ତ୍ୟାଗ କରିଛନ୍ତି।ଚାରିଜଣ ବିଦ୍ୱାନ ଙ୍କ ଅକାଳ ବିୟୋଗ ରେ ମର୍ମାହତ।ତାଙ୍କ ସ୍ଥାନ କେହି ନେଇ ପାରିବେ ନାହିଁ।ଜିଲ୍ଲା ଲେଖକ୍ ପରିଷଦ ପକ୍ଷରୁ ଦିବଂଗତ ମାନଙ୍କ ସ୍ମୁତି ଚାରଣ କରାଯାଇଥିଲା।ସ୍ମୁତି ସଭା ଆରମ୍ଭ ପୂର୍ବରୁ ଚାରି ଜଣ ଦିବଂଗତଙ୍କ ଫଟୋଚିତ୍ରରେ ପୁଷ୍ପମାଲ୍ୟ ପ୍ରଦାନ କରାଯାଇଥିଲା।ଜିଲ୍ଲା ଲେଖକ ପରିଷଦର ସମ୍ପାଦକ

କପିଳେଶ୍ୱର ଖମାରୀ ସଂଯୋଜନା କରିଥିଲେ ପରିଷଦର ସଭାପତି ବିଶିଷ୍ଟ ଗାଳ୍ପିକ ମଳୟ ମିଶ୍ର,ନାଟ୍ୟ ଅଭିନେତା ତଥା ଲେଖକ ବିଜୟ ତ୍ରିପାଠୀ,ପରିଷଦର କୋଷାଧ୍ୟକ୍ଷ ଅଜିତ ମହାନ୍ତି,ଉପସଭାପତି ମୁରଲିଧାରି ପତି,ପରିଷଦର ପୂର୍ବତନ ସମ୍ପାଦକ କୃଷ୍ଣ ଚନ୍ଦ୍ର ବାରିକ,ଗିରିଜା ଶଙ୍କର ରଥ,କବି ରତ୍ନମୟ ତ୍ରିପାଠୀ,ପରିଷଦ ର ସହ ସମ୍ପାଦକ ରଘୁ ନନ୍ଦନ ସିଂହ, ଯୁଗ୍ମ ସମ୍ପାଦକ ମହେନ୍ଦ୍ର କୁମାର ଦର୍ଜି,ପରିଷଦର ସଭ୍ୟ ଧୀରେନ୍ଦ୍ର ସିଂଦେଓ ପ୍ରମୁଖ ଦିବଂଗତ ମାନଙ୍କ ସ୍ମୁତି ଚାରଣ କରିଥିଲେ।