-+91-9937148622 |
prerana_bgr@rediffmail.com |
Friday 24th April 2026 |
R.N.I. Regd No. ODIODI/2010/46693
Breaking News
17-Mar-2025
ଡେଲାଙ୍ଗ(ଦିଲୀପ କୁମାର ଧାଉଡିଆ): ଓଡ଼ିଆ ଭାଷା ସାହିତ୍ୟର ବିଶିଷ୍ଟ କବି ପଦ୍ମଶ୍ରୀ ରମାକାନ୍ତ ରଥଙ୍କ ପରଲୋକ ଓଡ଼ିଆ ସାହିତ୍ଯ ଜଗତ ପାଇଁ ଅପୂରଣୀୟ କ୍ଷତି। ଆଧୁନିକ ଓ ଆଧିଭୌତିକ ଚେତନାର କାବ୍ୟ ସ୍ରଷ୍ଟା ମହାନ କବି ପଦ୍ମଭୂଷଣ ରମାକାନ୍ତ ରଥ ୯୧ ବର୍ଷ ବୟସରେ ତାଙ୍କ ଭୁବନେଶ୍ଵର ସ୍ଥିତ ଖାରବେଳନଗର ଠାରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ତାଙ୍କ ବିୟୋଗରେ ସମଗ୍ର ସାରସ୍ବତ ଜଗତ ସ୍ତବ୍ଧ ଓ ମ୍ରିୟମାଣ। ତାଙ୍କ ବିୟୋଗରେ ଆଧୁନିକ କାବ୍ୟ ଜଗତରେ ସବୁଦିନ ପାଇଁ ଏକ ବିରାଟ ଶୂନ୍ୟ ସ୍ଥାନ ସୃଷ୍ଟି ହେଲା ଯାହା ଅପୂରଣୀୟ।ଏହି ମହାନ କବି ୧୯୩୪ ମସିହାରେ କଟକ ଠାରେ ଜନ୍ମଗ୍ରହଣ କରିଥିଲେ। ତାଙ୍କ ପୈତୃକ ଗ୍ରାମ ପୁରୀ ସଦର ଅଞ୍ଚଳର ପ୍ରସିଦ୍ଧ ବ୍ରାହ୍ମଣ ଗ୍ରାମ ଶାସନ ଦାମୋଦରପୁର । ରେଭେନ୍ସା ମହାବିଦ୍ୟାଳୟରୁ ଇଂରାଜୀ ରେ ସ୍ନାତକୋତ୍ତର ଉତ୍ତୀର୍ଣ୍ଣ ହେବାପରେ ସେ ୧୯୫୭ ମସିହାରେ ଭାରତୀୟ ପ୍ରଶାସନିକ ସେବାରେ ଯୋଗଦେଇ ବହୁ ଗୁରୁତ୍ୱପୁର୍ଣ୍ଣ ବିଭାଗରେ କାର୍ଯ୍ୟ କରିଥିଲେ।୧୯୯୨ ମସିହାରେ ଓଡ଼ିଶାର ମୁଖ୍ୟ ଶାସନ ସଚିବ ଥାଇ ସେ କାର୍ଯ୍ୟ ରୁ ଅବସର ଗ୍ରହଣ କରିଥିଲେ।ସେ ମଧ୍ୟ କେନ୍ଦ୍ର ସାହିତ୍ୟ ଏକାଡେମୀର ଉପ ସଭାପତି ଓ ସଭାପତି ପଦବୀ ମଣ୍ଡନ କରିଥିଲେ।ବହୁ ସମ୍ମାନ ର ଅଧିକାରୀ ଥିଲେ କବି ରମାକାନ୍ତ ରଥ। ୧୯୭୮ ମସିହାରେ *ସପ୍ତମ ଋତୁ* ପୁସ୍ତକ ପାଇଁ ସେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଥିଲେ।"ସଚିତ୍ର ଅନ୍ଧାର" ପୁସ୍ତକ ନିମନ୍ତେ,୧୯୮୪ ମସିହାରେ ସେ ପାଇଥିଲେ ସାରଳା ପୁରସ୍କାର।୧୯୯୧ ରେ ପ୍ରଜାତନ୍ତ୍ର ବିଷୁବ ପୁରସ୍କାର,୧୯୯୨ ରେ ସମ୍ମାନଜନକ ସରସ୍ଵତୀ ସମ୍ମାନ,୨୦୧୮ ମସିହାରେ ଅତିବଡ଼ି ସମ୍ମାନ,୨୦୦୬ ରେ ସାହିତ୍ୟ ଭାରତୀ ସମ୍ମାନ,୨୦୦୯ ରେ ଫେଲୋସିପ ସମ୍ମାନ ଆଦି ପାଇବା ସହିତ ୨୦୦୬ ରେ ତାଙ୍କୁ ପଦ୍ମଭୂଷଣ ସମ୍ମାନ ରେ ସମ୍ମାନିତ କରିଥିଲେ ରାଷ୍ଟ୍ରପତି ମହୋଦୟ।ଏହି ମହାନ କବିଙ୍କର ଅନେକ ଆଧୁନିକ କାବ୍ୟ ଓ ପ୍ରମୁଖ ସାରସ୍ବତ ସୃଷ୍ଟି ମଧ୍ୟରେ *ଶ୍ରୀରାଧା*,*ପଳାତକ*, *ସପ୍ତମ ଋତୁ*, *ସଚିତ୍ର ଅନ୍ଧାର*, *ଧର୍ମପଦର ଆତ୍ମହତ୍ୟା* ,*ସନ୍ଦିଗ୍ଧ ମୃଗୟା* ଆଦି ଖୁବ୍ ପାଠକୀୟ ଶ୍ରଦ୍ଧା ଓ ସମ୍ମାନ ପାଇଛି। ତାଙ୍କ ସମଗ୍ର ସାରସ୍ବତ ସୃଷ୍ଟି ଆଧୁନିକତା, ଆଧ୍ୟାତ୍ମିକତା ଓ ଆଧିଭୌତିକତାର ତ୍ରିବେଣୀ ସଙ୍ଗମ। ଆଧୁନିକ ଓଡ଼ିଆ କାବ୍ୟ ସାହିତ୍ୟକୁ ରମାକାନ୍ତ ଙ୍କ ଅବଦାନ ଅତୁଳନୀୟ। ଆଗାମୀ ପିଢ଼ିର ସାହିତ୍ୟିକ ମାନଙ୍କ ପାଇଁ ତାଙ୍କ କାବ୍ୟ ସମୁହ ଗୋଟିଏ ଗୋଟିଏ ସାର୍ଥକ ମାର୍ଗଦର୍ଶକ ଭାବେ ଠିଆ ହେବ ଏଥିରେ ସନ୍ଦେହ ନାହିଁ। ରମାକାନ୍ତ ରଥ କେବଳ ଓଡ଼ିଶାର ନୁହନ୍ତି ସମଗ୍ର ଦେଶର ଗର୍ବ ଓ ଗୌରବ।ସେ ମରି ମଧ୍ୟ ଅମର।ଏହି ବରପୁତ୍ରଙ୍କ ଅମର ଆତ୍ମା ପ୍ରତି ଜଳନ୍ଧର ସ୍ମୁତି ସାହିତ୍ୟ ପ୍ରତିଷ୍ଠାନ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରୁଛି। ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇବା ସହ ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ପ୍ରାର୍ଥନା ଜଣାଉଛି ସମ୍ପାଦକ,ଦିଲ୍ଲୀପ କୁମାର ଧାଉଡ଼ିଆ , ଜଳନ୍ଧର ସ୍ମୁତି ସାହିତ୍ୟ ପ୍ରତିଷ୍ଠାନ , ଘୋରଡ଼ିଆ , ଡେଲାଙ୍ଗ ପୁରୀ !