03-Mar-2025

ତୁଷୁରା, (ପଞ୍ଚାନନ ନାଏକ)  ବଲାଙ୍ଗୀର ଜିଲ୍ଲାର ତୁଷୁରା ଅବକାରୀ ବିଭାଗ ପକ୍ଷରୁ ରବିବାର ପେଟ୍ରୋଲିଙ୍ଗ କରୁଥିବା ବେଳେ ତୁଷୁରା ଥାନା ଅନ୍ତର୍ଗତ କୁକୁରଖାଇ ଛକ ଠାରେ ଏକ ମାରୁତି ସୁଚକି ଏକ୍ସ ଚାରିଚକିଆ ଯାନ ନମ୍ବର ଓଆର ୦୨ ଏବ୍ଳୁ ୨୩୫୧କୁ ସନ୍ଦେହ କରି ଅଟକାଇ ଥିଲେ। ଉକ୍ତ କାରରେ ଦୁଇଟି ଧଳା ବସ୍ତାରେ ୨୬ କେଜି ଗଞ୍ଜେଇ ରହିଥିଲା। ଉକ୍ତ ଗଞ୍ଜେଇ ଜବତ କରିବା ସହ ବୌଦ୍ଧ ଜିଲ୍ଲା ଅନ୍ତର୍ଗତ କଣ୍ଟାମାଳ ଥାନା ଅଧିନସ୍ଥ କୁରୁକୁପା ଗ୍ରାମର ୪୦ ବର୍ଷିୟ ପଞ୍ଚାନନ ସାହୁ ଓ ବୌଦ୍ଧ ଜିଲ୍ଲା ଅନ୍ତର୍ଗତ ଘଣ୍ଟାପଡା ଗ୍ରାମର ୫୩ ବର୍ଷିୟ ରାଜେନ୍ଦ୍ର କୁମାର ଦାସଙ୍କୁ ଗିରଫ କରି ତୁଷୁରା କୋର୍ଟଚାଲାଣ କରିଥିବା ତୁଷୁରା ଅବକାରୀ ବିଭାଗ କାର୍ଯ୍ୟାଳୟର ଅଧିକାରୀ  ଶ୍ରୀକାନ୍ତ ପାଣିଗ୍ରାହୀ ପ୍ରକାଶ କରିଥିଲେ । ଏଏସଆଇ ପୃଥ୍ବୀରାଜ କୁଅଁର, କନଷ୍ଟେବଳ ବିଭୂତି ଭୁଷଣ ଭୋଇ, ଭୋଜରାଜ ବଢ଼େଇ, ସୁନେଲି ପ୍ରଧାନ ପେଟୋଲିଙ୍ଗରେ ଉପସ୍ଥିତ ଥିଲେ ।