03-Mar-2025

ବରୀ(ରଞ୍ଜିତ ମହାନ୍ତି): ଯାଜପୁର ଜିଲ୍ଲା ବରୀ ଶିକ୍ଷାମଣ୍ଡଳ ଅଧୀ ଅଧୀନରେ ଅରୁଆଳ ପ୍ରାଥମିକ ବିଦ୍ୟାଳୟର ଶିକ୍ଷକ ଗୋପାଳ ମାଝୀଙ୍କ ଅନ୍ୟତ୍ର ବଦଳି ହେବା ପରେ ଛାତ୍ରଛାତ୍ରୀ ଓ ଅଭିଭାବକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଆଗକୁ ବାର୍ଷିକ ପରୀକ୍ଷା ଥିବାରୁ ଛାତ୍ରଛାତ୍ରୀଙ୍କ ପାଠପଢ଼ାରେ ବ୍ୟାଘାତ ସୃଷ୍ଟି କରିଛି | ଯାହାକୁ ନେଇ ଆଜି ଛାତ୍ରଛାତ୍ରୀ ଓ ଅଭିଭାବକ ବିଦ୍ୟାଳୟ ସମ୍ମୁଖରେ ଧାରଣାରେ ବସିଥିବା ଦେଖ‌ିବାକୁ ମିଳିଛି | ଶିକ୍ଷକଙ୍କୁ କୌଣସି କାରଣ ନ ଥାଇ ତାଙ୍କୁ ଅନ୍ୟ ବିଦ୍ୟାଳୟକୁ ବଦଳି ଘଟଣାକୁ ଗ୍ରାମବାସୀ ଘୋର ବିରୋଧ କରିଛନ୍ତି I ଏନେଇ ବରୀ ଶିକ୍ଷାମଣ୍ଡଳ ଅଧୂକାରୀଙ୍କ ସହିତ ଯୋଗାଯୋଗ କରିଥିବାବେଳେ ତାଙ୍କ ପ୍ରତ୍ରିକ୍ରିୟ ମିଳିପାରି ନ ଥିଲା | ଯଦି ଏହି ବଦଳିକୁ ସ୍ଥଗିତ ନ କରାଯାଏ ତେବେ ଆଗାମୀ ଦିନରେ ବରୀ ଶିକ୍ଷାମଣ୍ଡଳ କାର୍ଯ୍ୟାଳୟ ସମ୍ମୁଖରେ ଛାତ୍ରଛାତ୍ରୀ, ଅଭିଭାବକଙ୍କ ସମେତ ଗ୍ରାମବାସୀ ଧାରଣା ଦେବେ ବୋଲି ଚେତାବନୀ ଦେଇଛନ୍ତି।