02-Mar-2025

ସିନାପାଲି- ନୂଆପଡ଼ା ଜିଲ୍ଲା ସିନାପାଲି ଜଗନ୍ନାଥ ଛକ ତରଫରୁ ନାଇଟ୍ ସାର୍କିଲ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହୋଇଛି l ସ୍ଥାନୀୟ ଶିବ ମନ୍ଦିର ପଡ଼ିଆ ଠାରେ ଆୟୋଜିତ ଏହି ଟୁର୍ଣ୍ଣା ମେଣ୍ଟରେ ପ୍ରଥମ ଦିନ କାପସି ସହ ହଳଦିମୁଣ୍ଡା, ପଲସାମାଲ ସହ ମଖାପଦର ମ୍ଯାଚ ହେବା ପରେ ଉକ୍ତ ଦୁଇଟି ମ୍ଯାଚର ବିଜେତା କାପସି ଓ ପଲସାମାଲ ମଧ୍ଯରେ ଅନୁଷ୍ଠିତ ତୃତୀୟ ମ୍ଯାଚ୍ ରେ ପଲସାମାଲ ବିଜୟ ହୋଇ ସେମିଫାଇନାଲକୁ ଯାଇଥିବା ଜଣା ପଡ଼ିଛି l ଉଦଘାଟନୀ ଦିବସର ମୁଖ୍ଯ ଅତିଥି ଭାବରେ ସ୍ବରସଙ୍ଗମ କଳା ପରିଷଦର ସଭାପତି ତ୍ରିନାଥ ମେହେର ଓ ସମ୍ମାନିତ ଅତିଥି ଭାବରେ ଗଙ୍ଗାଧର ସାରସ୍ୱତ ସମିତିର ସଭାପତି ବୈଷ୍ଣବ ମେହେର, ପୂର୍ବତନ ଜିଲ୍ଲା ପରିଷଦ ସଦସ୍ଯ ପ୍ରିୟରଞ୍ଜନ ମେହେର, କ୍ରୀଡ଼ାବିତ ରଜନୀ ମାଝୀ, ଭୀଷ୍ମଦେବ ଦାଶ, ବସନ୍ତ ପତି, ପରମେଶ୍ୱର ମେହେର, ହୃଷିକେଶ ବେମାଲ, ପ୍ରବୀଣ ମେହେର ପ୍ରମୁଖ ଯୋଗ ଦେଇ ଆୟୋଜକ ଓ ଖେଳାଳିଙ୍କୁ ଉତ୍ସାହିତ କରିଥିଲେ ା ଆଜିର ମ୍ଯାଚକୁ ଅମ୍ପାୟାର ରାକେଶ ମେହେର ଓ କ୍ଷିତେଶ୍ବର ମେହେର ପରିଚାଳନା କରିଥିବା ବେଳେ ଭାଷ୍ଯକାର ନରେଶ ମାଝୀ ଧାରା ବିବରଣୀ ପ୍ରଦାନ କରିଥିଲେ ା ଏହି ଟୁର୍ଣ୍ଣାମେଣ୍ଟ ପାଂଚ ଦିନ ବ୍ଯାପି ଅନୁଷ୍ଠିତ ହେବାକୁ ଥିବା ବେଳେ ଟୁର୍ଣ୍ଣାମେଣ୍ଟ ଆୟୋଜନରେ ସଂଗ୍ରାମ ମେହେର, ଗଣେଶ ମେହେର, ସୋହନ ମେହେର, ହେମନ୍ତ ମେହେର ପ୍ରମୁଖ ସହଯୋଗ କରୁଛନ୍ତି l

(ପରମେଶ୍ୱର ମେହେର )