02-Mar-2025

ଅତାବିରା(ଆକାଶ ମିଶ୍ର) ବରଗଡ ଜିଲ୍ଲା ଅତାବିରା ବ୍ଲକ୍ ଅନ୍ତର୍ଗତ କୁମେଲ ସିଂହା ଗ୍ରାମରେ ୧୮୯୨ ମସିହାରେ ସ୍ଥାପିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଖେଳ ପଡିଆ ପରିସର ରେ ତିନୋଟି ପର୍ଯ୍ୟାୟରେ ବାର୍ଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ବିଦ୍ୟାଳୟ ର ପ୍ରଧାନ ଶିକ୍ଷକ ଧନଞ୍ଜୟ ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ   କୁମୁଦିନୀ  ମହାନନ୍ଦ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ଗ୍ରାମର ଦଧିବାମନ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ରଘୁ ନନ୍ଦନ ପଣ୍ଡା ମୁଖ୍ୟ ବକ୍ତା ,ବିଦ୍ୟାଳୟ ପରିଚାଳନା କମିଟି ର ସଭାପତି କୃଷ୍ଣ ଚନ୍ଦ୍ର ମେଣ୍ଡଳି,ଜ୍ୟୋତିର୍ମୟୀ ନାୟକ, ନିର୍ମଳ କୁମାର ନାୟକ,ପ୍ରମୁଖ ସମ୍ମାନିତ ଅତିଥି ରୂପେ

ମଞ୍ଚାସିନ ଥିଲେ । ଅତିଥି ମାନଙ୍କ ଦ୍ଵାରା ମାଁ ସରସ୍ଵତୀ ଓ ଗଜାନନଙ୍କ ତୈଳ ଫଟୋଚିତ୍ରରେ ପୂଜା ପୂର୍ବକ ଛାତ୍ରୀ ମାନଙ୍କ ଦ୍ଵାରା ପ୍ରାରମ୍ଭିକ ସଙ୍ଗୀତ ଗାନ କରାଯାଇଥିଲା । ଶିକ୍ଷକ ଦେବାଶିଷ ପ୍ରଧାନ ଅତିଥି ପରିଚୟ ପ୍ରଦାନ କରିବା ସହ ମଞ୍ଚ ପରିଚାଳନା କରିଥିଲେ । ପ୍ରଧାନ ଶିକ୍ଷକ ଶ୍ରୀଯୁକ୍ତ ପାତ୍ର ବାର୍ଷିକ ବିବରଣୀ ପଠନ କରି ସଭା କର୍ଯ୍ୟ କୁ ଆଗେଇ ନେଇଥିଲେ । ପ୍ରଥମ ପର୍ଯ୍ୟାୟରେ ବାର୍ଷିକ ଉତ୍ସବର ଏକ ସାଧାରଣ ସଭା କରାଯାଇ ବିଭିନ୍ନ କ୍ଷେତ୍ରରେ କୃତି ହୋଇଥିବା

୧୨୧ ଜଣ ଛାତ୍ର ଛାତ୍ରୀଙ୍କୁ ମାନ ପତ୍ର,ଟ୍ରଫି ରେ ପୁରସ୍କୃତ କରାଯାଇଥିଲା । ଦ୍ଵିତୀୟ ପର୍ଯ୍ୟାୟ ରେ ପୁରୁଣା ଖେଳ କୁଁଢ଼ି  କାଁଚି ଖେଳ କୁ ନେଇ "ଆମ ସଂସ୍କୃତି,ଆମ ଖେଲଣ। ଉପରେ ଏକ ସ୍ବତନ୍ତ୍ର କାର୍ଯ୍ୟକ୍ରମ କରାଯାଇଥିଲା । ଯାହା ଦ୍ଵାରା  ପିଲାଙ୍କ ମଧ୍ୟରେ ଉତ୍ସାହ ଦେଖାଯାଇଥିଲା । ସେହିପରି ଶେଷ ସାଂସ୍କୃତିକ କାର୍ଯ୍ୟକ୍ରମ   ଛାତ୍ରଛାତ୍ରୀଙ୍କ ଦ୍ଵାରା  ମଞ୍ଚସ୍ଥ " କାଣା ହେଇ ଗଲା "  ନାଟକ ଦର୍ଶକଙ୍କ ମନ ମୋହି ଦେଇଥିଲା ।ଶିକ୍ଷକ ହେମନ୍ତ କଣ୍ଟା ଓ ଶିକ୍ଷୟିତ୍ରୀ ସୁପ୍ରଭା ସାହୁଙ୍କ  ନିର୍ଦ୍ଦେଶନାରେ ୨୫ ଟି ନୃତ୍ୟ  ପରିବେଷିତ ହୋଇଥିଲା । ଶିକ୍ଷକ ପଞ୍ଚାନନ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ ।
ରଞ୍ଜୁଲତା ପୋଢ଼,ଦେବବ୍ରତ ପ୍ରଧାନ,ପଞ୍ଚାନନ ପ୍ରଧାନ,ଅଞ୍ଜନା ମେହେର,ବିନାୟକ ବାବୁ, ୱାଜିବ ବାବୁ,ଅଭିଭାବକ , ଅଭିଭାବିକା ତଥା ଗ୍ରାମବାସୀ ସକ୍ରିୟ ସହଯୋଗ କରିଥିଲେ ।