01-Mar-2025

ସୋନପୁର (ମନୋରଞ୍ଜନ ତ୍ରିପାଠୀ )  ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ର ୩ ଗୋଟି ପଞ୍ଚାୟତ ର ୨୨ ଟି ଗ୍ରାମ କୁ ତେଲ ନଦୀ ରେ ମେଗା ଲିପ୍ଟ ପଏଣ୍ଟ ମାଧ୍ୟମରେ ଋତୁ କାଳୀନ ଏକକ ଚାଷ ସୁନିଶ୍ଚିତ କରିବା ପାଇଁ ସୁବର୍ଣ୍ଣପୁର ଜିଲ୍ଲାପାଳ ଙ୍କ ଠାରେ ଦାବୀ ପତ୍ର ପ୍ରଦାନ୍ କରଯାଇଛି l ମିଳିଥିବା ସୂଚନା ଅନୁସାରେ ତରଭା ବ୍ଲକ ର ୩ ଗୋଟି ସରଗଜ, ଦୁବୁଲା, ତୁଲୁଣ୍ଡା ପଞ୍ଚାୟତ ର ୨୨ ଖଣ୍ଡ ଗ୍ରାମ ହଜାର ରୁ ଉର୍ଦ୍ଧ୍ବ ଚାଷୀ ଜଳ ସୋଚନ ର ସୁବିଧାରୁ ବଞ୍ଚିତ ରହିଥିବା ଚାଷୀ ମାନେ ଅଭିଯୋଗ କରିଛନ୍ତି I ତିନି ପଞ୍ଚାୟତ ଚାଷୀ ମାନଙ୍କ ସୁବିଧା ନେଇ ଦୀର୍ଘ କୋଡିଏ ଦିନ ଧରି ଚାଷୀ ନେତା ମିତ୍ର ବ୍ରତ ମିଶ୍ର, ସନ୍ତୋଷ ପଟ୍ଟନାୟକ ଓ ଅନ୍ୟ ଚାଷୀ ମାନେ ପଞ୍ଚାୟତ ର ପ୍ରତ୍ୟେକ ଗ୍ରାମ କୁ ଯାଇ ଦସ୍ତଖତ ସଂଗ୍ରହ ସହ ଚାଷ ସମ୍ପର୍କିତ ସମସ୍ୟା ଉପରେ ଆଲୋଚନା କରିଥିଲେ I  ସମସ୍ତ ଗ୍ରାମ ର ଚାଷୀ ମାନଙ୍କର ଏକ ମାତ୍ର ସମସ୍ୟା ସମାଧାନ ନେଇ ଋତୁ କାଳୀନ ଚାଷ କାର୍ଯ୍ୟପାଇଁ ତେଲ ନଦୀ ରେ ଏକ ମେଗା ଲିପ୍ଟ ପଏଣ୍ଟ ସ୍ଥାପନ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇଛି  I ଏକ ମାସ ତଳେ  ଏ ଅଞ୍ଚଳର  ଚାଷୀ ମାନେ ଜିଲ୍ଲାପାଳ ଙ୍କ ଠାରେ ଏକ ଦାବୀ ପତ୍ର ପ୍ରଦାନ କରି ଥିଲେ  I ଏହି ଦାବୀ ପତ୍ର ପ୍ରଦାନ ପରେ ଜିଲ୍ଲା ପାଳ ଶ୍ରୀମତୀ ଦାସ ଙ୍କ ନିର୍ଦ୍ଧେଶ କ୍ରମେ ବିଭୀଗୀୟ ଅଧିକାରୀ କ୍ଷେତ୍ର ପରିଦର୍ଶନ କରି ସମ୍ପୃକ୍ତ ଅଞ୍ଚଳ ର ରାଜସ୍ବ ନୀରିକ୍ଷକ  ଜଳ ସେଚନ ର ସମସ୍ୟା ନେଇ ରିପୋର୍ଟ ପାଇଁ ନିର୍ଦ୍ଧେଶ ଦେଇ ଥିଲେ I ଜିଲ୍ଲାପାଳ ତାଙ୍କ ପ୍ରତିଶୃତି ରକ୍ଷା କରିଥିବାରୁ ଗତ ଅଭିଯୋଗ ଶୁଣାଣି ଶିବିର ରେ ଚାଷୀ ନେତା ଶ୍ରୀ ମିଶ୍ର ଓ ସମ୍ପୃକ୍ତ ଅଞ୍ଚଳ ର ଶତାଧିକ ଚାଷୀ  ସୁବର୍ଣ୍ଣପୁର ଜିଲ୍ଲାପାଳ ଅନ୍ୟା ଦାସ ଙ୍କୁ ସାଧୁ ବାଦ ଓ କୃତଜ୍ଞତା ଜଣାଇଥିଲେ  I ଋତୁ କାଳୀନ ଚାଷ ପାଇଁ ତେଲ ନଦୀ ରେ ଶୀଘ୍ର ନୂତନ ଏକ ମେଗା ଲିପ୍ଟ ପଏଣ୍ଟ ସ୍ଥାପନ କରିବା ନେଇ ସରଗଜ, ଦୁବୁଲା, ତୁଲୁଣ୍ଡା ଗ୍ରାମପଞ୍ଚାୟତ ର ସରଗଜ, ଚନ୍ଦନ ପାଲି, ବଘିଆ ମୁଣ୍ଡା, ତେନ୍ତୁଳୀଖୁଣ୍ଟି, ନକଟିକନା, ତେନ୍ତୁଳିଆ ମୁଣ୍ଡା ସମେତ ଅନେକ ଗ୍ରାମ ର ଚାଷୀ ମାନେପୁଣି ଥରେ  ଜିଲ୍ଲାପାଳ ଙ୍କ ଠାରେ ଦାବୀ କରିଥିଲେ I ଚାଷୀ ନେତା ମିତ୍ରବ୍ରତ ମିଶ୍ର, ସନ୍ତୋଷ ପଟ୍ଟନାୟକ, ପବିତ୍ର ମିଶ୍ର,ତପନ ମିଶ୍ର, କୈଳାସ ମିଶ୍ର, ଚିନ୍ତାମଣି ମିଶ୍ର, ଉପିନ ନାଏକ, ବୀରେନ୍ଦ୍ର ରଣା, ରାଜେନ୍ଦ୍ର ରଣା,ବିଶେଶ୍ୱରସାହୁ ମନୋହର ମିଶ୍ର, ପରମେ ମିଶ୍ର, ଅଶୋକ ମିଶ୍ର, ଭକ୍ତ ମହଲା  ,ଶୁଭ୍ର ମିଶ୍ର,  ସୁଶୀଳ ମଲ୍ଲିକ, ସୁକାନ୍ତ ମିଶ୍ର, ଗଣେଶ ମିଶ୍ର, ଦୟାନିଧି ମିଶ୍ର  ଙ୍କ ସମେତ ଶତାଧିକ ଚାଷୀ  ଉପସ୍ଥିତ ଥିଲେ I ଦାବୀ ପତ୍ର ପ୍ରଦାନ ସମୟରେ ତରଭା ବିଡ଼ିଓ ଗଙ୍ଗାରାମ ବୁଡ଼େକ ଙ୍କ ସହ ଅନ୍ୟ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ଉପସ୍ଥିତ ଥିଲେ I