28-Feb-2025

ବିନିକା, ତା ୨୮/୨(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଅନ୍ତର୍ଗତ ଆଞ୍ଚଳିକ ହାଇସ୍କୁଲ ସିଂହିଯୁବା ଠାରେ ଆଜି ଶୁକ୍ରବାର  ପ୍ରଧାନଶିକ୍ଷକ ଡ.ରବିଚନ୍ଦ୍ର ପଶାୟତ ଙ୍କ ଆହ୍ବାନ କ୍ରମେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି। ସମ୍ମାନିତ ଅତିଥିଭାବେ ପ୍ରାକ୍ତନ ପ୍ରଧାନ ଶିକ୍ଷକ ପ୍ରେମରାଜ ପତି ଓ  ପଞ୍ଚାନନ ପଣ୍ଡା ମଞ୍ଚାସୀନ ଥିଲେ । କାର୍ଯ୍ୟକ୍ରମ କୁ ହିନ୍ଦୀ ଶିକ୍ଷକ ବିଜୟ କୁମାର ବେହେରା ସଂଯୋଜନା କରିଥିଲେ। ବିଜ୍ଞାନ ଶିକ୍ଷକ ଅନୀଲ ସେଠୀ ବିଜ୍ଞାନ ଦିବସର ଗୁରୁତ୍ଵ ତଥା ବୈଜ୍ଞାନିକ ସି ଭି ରମନ ଙ୍କ ସମାଜର ବିକାଶ ଦିଗରେ ଥିବା ଉପଲବ୍ଧି ଓ ଅବଦାନ ବିଷୟରେ ବର୍ଣ୍ଣନା କରିଥିଲେ।

ଶିକ୍ଷକ ହେମନ୍ତ ମେଶୁଆ ଙ୍କ ପରିଚାଳନା ରେ ଛାତ୍ରଛାତ୍ରୀ ଙ୍କ ମଧ୍ୟରେ ଏକ ବିଜ୍ଞାନ ଧର୍ମୀ କ୍ଵିଜ ପ୍ରତିଯୋଗିତା ହୋଇଥିଲା। ପରିଶେଷରେ ଖେଳ ଶିକ୍ଷକ ମଳୟ ରଂଜନ ସାହୁ ଧନ୍ୟବାଦ ଅର୍ପଣ କରିଥିଲେ।