28-Feb-2025

ବଲାଙ୍ଗୀର, ତା୨୮/୦୨ (ପ୍ରେରଣା ଖବର ) : ବଲାଙ୍ଗୀର ଜିଲ୍ଲା  ସଇଁନ୍ତଳା ବ୍ଲକ ଅନ୍ତର୍ଗତ  ଡେଙ୍ଗ ବିଦ୍ୟାଳୟର ଗଣିତ ଓ ବିଜ୍ଞାନ କ୍ଲବ୍ ତରଫରୁ ବିଜ୍ଞାନ ଦିବସ ଅବସରରେ ପ୍ରଦର୍ଶନୀ ସଭା ଅନୁଷ୍ଠିତ ହୋଇଯାଇଛି ।  ବିଦ୍ୟାଳୟର ପ୍ରଧାନ ଶିକ୍ଷକ ଚଣ୍ଡାଳ ମିଶ୍ରଙ୍କ ପ୍ରତ୍ୟକ୍ଷ  ତତ୍ତ୍ୱାବଧାନରେ  ପ୍ରଥମେ ଛାତ୍ରଛାତ୍ରୀମାନଙ୍କ ଦ୍ଵାରା ପ୍ରସ୍ତୁତ ବିଭିନ୍ନ ପ୍ରକଳ୍ପ, ମଡେଲ ତଥା ବୈଜ୍ଞାନିକ ଓ ଗାଣିତିକମାନଙ୍କ ଉପରେ ପ୍ରସ୍ତୁତ ପୋଷ୍ଟର ପ୍ରଦର୍ଶିତ ହୋଇଥିଲା। ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ର ପ୍ରଦର୍ଶନୀରେ ଅଂଶଗ୍ରହଣ କରିଥିବା ସମସ୍ତ ଛାତ୍ରଛାତ୍ରୀମାନଙ୍କର ପ୍ରକଳ୍ପ ମଡେଲ ଆଦିକୁ ପରିଦର୍ଶନ କରିବା ସହ ତତ୍ ସମ୍ପର୍କିତ ପ୍ରଶ୍ନ ଛାତ୍ରଛାତ୍ରୀମାନଙ୍କ ଆଗରେ ରଖିଥିଲେ। ଏହାପରେ ବିଦ୍ୟାଳୟର ଅନ୍ୟ ସମସ୍ତ ଶିକ୍ଷକ ଓ ଛାତ୍ରଛାତ୍ରୀମାନେ ଏହି ପ୍ରଦର୍ଶନୀର ପରିଦର୍ଶନ କରିଥିଲେ  l ଏହାପରେ ଏହି ଅବସରରେ ଏକ ସଭାର ଆୟୋଜନ କରାଯାଇଥିଲା। ଏହି ସଭାରେ ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ରଙ୍କ ସଭାପତିତ୍ବରେ ପ୍ରଥମେ ଛାତ୍ରଛାତ୍ରୀମାନେ ଆଜିର ଦିବସ ବିଷୟରେ ଆଲୋକପାତ କରିଥିଲେ।ପରେ ସମସ୍ତ ଶିକ୍ଷକ ଶିକ୍ଷୟିତ୍ରୀମାନେ ଏହି ଅବସରରେ ନିଜ ନିଜର ମତବ୍ୟକ୍ତ କରିବା ସହ ପିଲାମାନଙ୍କୁ ନିଜ ଭିତରେ ବୈଜ୍ଞାନିକ ଚିନ୍ତାଧାରା ଜାଗ୍ରତ କରିବାକୁ ଆହ୍ୱାନ ଦେଇଥିଲେ । ଏହାପରେ ସଭାପତି ନିଜର ବକ୍ତବ୍ୟରେ ଛାତ୍ରଛାତ୍ରୀମାନଙ୍କୁ ନିଜ ମଧ୍ୟରେ ବୈଜ୍ଞାନିକ ଚିନ୍ତାଧାରା ଜାଗ୍ରତ କରିବାକୁ ହେଲେ ସର୍ବଦା ଆଗକୁ ଆସି ଜାଣି ନପାରୁଥିବା ପ୍ରସଙ୍ଗରେ ଶିକ୍ଷକମାନଙ୍କୁ କିପରି ଓ କାହିଁକି ଏହି ପ୍ରଶ୍ନ କରିବା ସହ ଏହାର ଉତ୍ତର ପାଇଁ ଜିଜ୍ଞାସୁ ହେବାକୁ ଆହ୍ୱାନ ଦେଇଥିଲେ। ଇତ୍ୟବସରରେ ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇଥିଲା।

ପ୍ରକାଶଥାଉକି ଜୁନିଅର୍ ତଥା ସିନିୟର୍ ଉଭୟ ବିଭାଗରେ ପ୍ରବନ୍ଧ ଲିଖନ ଓ କୁଇଜ୍ ପ୍ରତିଯୋଗିତା ଅନୁଷ୍ଠିତ କରାଯାଇଥିଲା। ଏଥିରେ ଜୁନିଅର୍ ବିଭାଗରେ ଆଞ୍ଜେଲ ସାଗର ଉଭୟ ପ୍ରବନ୍ଧ ଲିଖନ ଓ କୁଇଜ୍ ପ୍ରତିଯୋଗିତାରେ ୧ମ ସ୍ଥାନ ଅଧିକାର କରିଥିଲା ବେଳେ କୁଇଜ୍ ପ୍ରତିଯୋଗିତାରେ ବର୍ଷା ବେହେରା ଓ ସୁପ୍ରମନ୍ୟମ୍ ପ୍ରଧାନ ଯଥାକ୍ରମେ ୨ୟ ଓ ୩ୟ ସ୍ଥାନ ଅଧିକାର କରିଥିଲେ। ସେହିପରି ପ୍ରବନ୍ଧ ଲିଖନରେ ଅରବିନ୍ଦ ଭୋଇ ଓ ସୌଦାମିନୀ ରଣା ଯଥାକ୍ରମେ ୨ୟ ଓ ୩ୟ ସ୍ଥାନ ଅଧିକାର କରିଥିଲେ। ସେହିପରି ସିନିୟର୍ କୁଇଜ୍ ପ୍ରତିଯୋଗିତାରେ ଯଶୋବନ୍ତୀ ରଣା, ଚୂଡ଼ାମଣି ସାହୁ ଓ ନିର୍ଲିପ୍ତା ତାଣ୍ଡି ଯଥାକ୍ରମେ ୧ମ,୨ୟ ଓ ୩ୟ ସ୍ଥାନ ଅଧିକାର କରିଥିଲେ। ପ୍ରବନ୍ଧ ଲିଖନରେ ସିନିୟର୍ ବିଭାଗରେ ନିର୍ଲିପ୍ତା ତାଣ୍ଡି, ଯଶୋବନ୍ତୀ ରଣା ଓ ଖୁସବୁ ରଣା ଯଥାକ୍ରମେ ୧ମ, ୨ୟ ଓ ୩ୟ ସ୍ଥାନ ଅଧିକାର କରିଥିଲେ। ସଭା ଶେଷରେ ସମସ୍ତ କୃତି ଛାତ୍ରଛାତ୍ରୀମାନଙ୍କୁ ପ୍ରୋତ୍ସାହିତ କରିବାପାଇଁ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମ ତଥା ସଭାକୁ ଶିକ୍ଷକ କୃପାସିନ୍ଧୁ ମିଶ୍ର ପରିଚାଳନା କରିବା ସହ ଶିକ୍ଷୟିତ୍ରୀ ରେଣୁକା ସାହୁ ଧନ୍ୟବାଦ ଅର୍ପଣ କରିଥିଲେ। ଶିକ୍ଷକ ଲିଙ୍ଗରାଜ ନନ୍ଦ, ରାମ ନାରାୟଣ ଦାସ,ଦୀପକ ସେନ ଧରୁଆ, ସମୀର ସେଠି, ଦେବେଶ ହୋତା, ମନରଞ୍ଜନ ପରିଡା, ଅବିନାଶ ଭୋଇ, ହିମାଂଶୁ ବିଶ୍ଵାଳ,ଶିକ୍ଷୟିତ୍ରୀ ଗାୟତ୍ରୀ ବାରିକ, ତପସ୍ୱିନୀ ପଟେଲ,  ଦ୍ରୌପଦୀ ଭୋଇ, ଶିବାନୀ ମଲ୍ଲିକ ପ୍ରମୁଖ ଏହି କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ।